Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Vivo V29 सीरीज भारतात लाँच झाली आहे. कंपनीनं सीरिजमध्ये Vivo V29 आणि Vivo V29 Pro चा समावेश केला आहे. ह्या दोन्ही डिवाइसची डिजाइन शानदार आहे. ह्यात कर्व्ड डिस्प्ले देण्यात आला आहे. प्रमुख फीचर पाहता, विवो वी २९ आणि विवो वी २९ प्रो मध्ये ५० मेगापिक्सलचा रियर आणि सेल्फी कॅमेरा देण्यात आला आहे. दोन्ही ५जी डिवाइसमध्ये फास्ट चार्जिंगचा सपोर्ट देण्यात आला आहे.
Vivo V29 चे स्पेसिफिकेशन
विवो वी२९ स्मार्टफोन ६.७८ इंचाच्या कर्व्ड डिस्प्लेसह लाँच झाला आहे. ज्यात रिफ्रेश रेट १२० हर्ट्झ रिफ्रेश रेट देण्यात आला आहे. ह्यात स्मूद फंक्शनिंगसाठी Snapdragon 778G प्रोसेसरचा वापर करण्यात आला आहे. फोटोग्राफीसाठी मोबाइलमध्ये ट्रिपल रियर कॅमेरा सेटअप मिळतो, ज्यात ५० मेगापिक्सलचा मुख्य कॅमेरा, ८ मेगापिक्सलचा अल्ट्रा वाइड आणि २ मेगापिक्सलचा बोकेह सेन्सर आहे. सेल्फीसाठी ५० मेगापिक्सलचा कॅमेरा मिळतो.
हे देखील वाचा: Samsung Galaxy S23 सीरिजमध्ये सर्वात स्वस्त मोबाइलची एंट्री; FE मॉडेल भारतातही झाला लाँच
विवो वी २९ मध्ये ४,६००एमएएचची बॅटरी देण्यात आली आहे. जी ८० वॉट फास्ट चार्जिंगला सपोर्ट करते. तसेच हँडसेट मध्ये कनेक्टिव्हिटीसाठी वाय-फाय, जीपीएस, ब्लूटूथ आणि यूएसबी टाईप-सी पोर्ट सारखे फीचर्स देण्यात आले आहेत.
Vivo V29 Pro चे स्पेक्स
विवो वी २९ प्रो मध्ये ६.७८ इंचाचा कर्व्ड डिस्प्ले आहे, ज्याचे रिजोल्यूशन २८०० × १२६० पिक्सल आहे. फोनमध्ये MediaTek Dimensity 8200 प्रोसेसर, १२जीबी रॅम आणि २५६जीबी पर्यंतच्या इंटरनल स्टोरेज देण्यात आली आहे. हा फोन अँड्रॉइड १३ वर चालतो.
फोनमध्ये ट्रिपल रियर कॅमेरा सेटअप मिळतो, ज्यात ५० मेगापिक्सलचा मुख्य कॅमेरा, १२ मेगापिक्सलचा पोट्रेट सेन्सर आणि ८ मेगापिक्सलची वाइड-अँगल लेन्स आहे. व्हिडीओ कॉलिंगसाठी फोनमध्ये ५० मेगापिक्सलचा कॅमेरा देण्यात आला आहे. विवो वी२९ प्रो मध्ये ४६००mAh ची बॅटरी देण्यात आली आहे, जी फास्ट चार्जिंगला सपोर्ट करते. ह्यात वाय-फायसह ब्लूटूथ आणि यूएसबी टाईप-सी पोर्ट सारखे फिचर मिळतात.
हे देखील वाचा: अँड्रॉइडसाठी नवी ऑपरेटिंग सिस्टम येणार; अशाप्रकारे Google Pixel 8 Series लाँच इव्हेंट बघा लाइव्ह
Vivo V29 सीरीजची किंमत आणि उपलब्धता
Vivo V29 च्या ८जीबी+१२८जीबी स्टोरेज मॉडेलची किंमत ३२,९९९ रुपये आहे, तर १२जीबी+२५६जीबी स्टोरेज व्हेरिएंटसाठी ३६,९९९ रुपये मोजावे लागतील. तर Vivo V29 Pro चा ८जीबी+२५६जीबी स्टोरेज व्हेरिएंट ३९,९९९ रुपये आणि १२जीबी+२५६जीबी स्टोरेज व्हेरिएंट ४२,९९९ रुपयांमध्ये मिळत आहे. हे दोन्ही फोन आजपासून प्री-बुकिंगसाठी उपलब्ध झाले आहेत. ह्यातील विवो वी२९ ची विक्री १७ ऑक्टोबर पासून तर विवो वी २९ प्रो ची विक्री १० ऑक्टोबरपासून सुरु होईल.