Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Samsung नं भारतात Galaxy S23 FE स्मार्टफोन व्यतिरिक्त Galaxy Tab S9 FE आणि Tab S9 FE+ सह Galaxy Buds FE लाँच केले आहेत. एफईचा अर्थ फॅन एडिशन आणि हे नाव कमी किंमतीत फ्लॅगशिप फीचर्स देणाऱ्या डिवाइसना कंपनी देते. त्यामुळे हे डिवाइस देखील असेच असतील अशी अपेक्षा आहे. ह्या डिवाइसेस मध्ये कोणते फीचर्स देण्यात आले आहेत, चला पाहूया.
Galaxy Tab S9 FE आणि Tab S9 FE+
Galaxy Tab S9 FE मध्ये १०.९ इंचाचा LCD डिस्प्ले देण्यात आला आहे. जो ९० हर्ट्झ पर्यंत रिफ्रेश रेटला सपोर्ट करतो. टॅबलेटमध्ये ८ मेगापिक्सलचा रियर कॅमेरा आणि १२ मेगापिक्सलचा अल्ट्रा-वाइड फ्रंट कॅमेरा मिळतो. हा टॅब ऑक्टा-कोर प्रोसेसरसह आला आहे. सोबत ६जीबी+१२८जीबी आणि ८जीबी+ २५६जीबी व्हेरिएंट सादर करण्यात आले आहेत. ह्यात ८००० एमएएचची बॅटरी देण्यात आली आहे. हा टॅबलेट अँड्रॉइड १३ वर चालतो.
हे देखील वाचा: Samsung Galaxy S23 सीरिजमध्ये सर्वात स्वस्त मोबाइलची एंट्री; FE मॉडेल भारतातही झाला लाँच
Galaxy Tab S9 FE+ मध्ये कंपनीनं १२.४ इंचाचा LCD डिस्प्ले दिला आह, जो ९० हर्ट्झ रिफ्रेश रेटवर चालतो. ह्यात ८ मेगापिक्सल आणि ८ मेगापिक्सलचा अल्ट्रा-वाइड ड्यूल रियर कॅमेरा सेटअप मिळतो. तर फ्रंटला १२ मेगापिक्सलचा अल्ट्रा-वाइड कॅमेरा आहे. हा टॅब ऑक्टा-कोर प्रोसेसरसह बाजारात आला आहे. टॅबलेट ८जीबी+१२८जीबी आणि १२जीबी+ २५६जीबी व्हेरिएंटसह लाँच करण्यात आला आहे. . ह्यात १००९० एमएएचची बॅटरी देण्यात आली आहे. हा टॅब देखील अँड्रॉइड १३ वर चालतो.
हे दोन्ही टॅबलेट S पेन सपोर्टसह येतात. ज्यात 5G,LTE, Wi-Fi 6, Wi-Fi डायरेक्ट, ब्लूटूथ ५.३ कनेक्टिव्हिटी ऑप्शन मिळतात. विशेष म्हणजे हे टॅबलेट आयपी६८ रेटिंगसह आले आहेत, त्यामुळे काही प्रमाणात पाणी आणि धुळीपासून वाचू शकतात. हे टॅब मिंट, सिल्व्हर, ग्रे आणि लव्हेंडर कलरमध्ये विकत घेता येतील.
Galaxy Buds FE
हे दमदार बेससह अ‍ॅक्टिव्ह नॉइज कॅन्सलेशनला सपोर्ट करतात. कंपनीनं ह्यात AI आधारित डीप न्यूरल नेटवर्कचा वापर बॅकग्राउंड नॉइज हटवण्यासाठी केला आहे, त्यामुळे क्लियर कॉल्सचा अनुभव मिळेल. हे इअरबड्स ६० एमएएच (प्रत्येकी) कपॅसिटीसह येतात. तसेच चार्जिंग केस ४७९ एमएएचची आहे. इअरबड्स ८.५ तास प्लेबॅक टाइम आणि चार्जिंग केससह ३० तासांपर्यंतचा प्लेबॅक टाइम देतात. जर ANC चा वापर केला तर बॅटरी ६ पुरते.
हे देखील वाचा: एकच नंबर! ५० एमपीचा सेल्फी कॅमेरा आणि १२ जीबी रॅम; Vivo V29 आणि Vivo V29 Pro भारतात लाँच
हे एर्गोनॉमिक डिजाइनसह सादर करण्यात आले आहेत. त्याचबरोबर तीन वेगवेगळ्या साइजचे इअरटिप्स आणि दोन विंगटिप्स देण्यात आले आहेत. हे ग्रॅफाइट आणि व्हाइट कलरमध्ये विकत घेता येतील. कनेक्टिव्हिटीसाठी ह्यात ब्लूटूथू ५.२ देण्यात आलं आहे. त्याचबरोबर ऑटो स्विच देखील आहे.