भारतातील सर्वात स्वस्त ५जी स्मार्टफोनची विक्री झाली सुरु; तुम्ही पाहिले का ह्याचे फीचर्स?

itel P55 5G ची किंमत

itel P55 5G दोन मेमरी व्हेरिएंट्समध्ये लाँच करण्यात आला आहे. ज्यातील ४जीबी रॅम + ६४जीबी स्टोरेज व्हेरिएंटची किंमत ९,६९९ रुपये ठेवण्यात आली आहे. तर ६जीबी रॅम + १२८जीबी स्टोरेज मॉडेलसाठी ९,९९९ रुपये मोजावे लागतील. ह्या स्मार्टफोनला टक्कर देणाऱ्या Lava Blaze 5G आणि POCO M6 Pro 5G ची किंमत १०,९९९ रुपये होती.

हे देखील वाचा: सॅमसंगचे दोन टॅबलेट आणि इअरबड्स आले भारतात; किंमत असू शकते परवडणारी

आयटेल पी५५ ५जी फोनची विक्री आज म्हणजे ४ ऑक्टोबरपासून अ‍ॅमेझॉन इंडियावर सुरु झाली आहे. हा फोन Blue आणि Green कलरमध्ये विकत घेता येईल. तसेच SBI कार्डचा वापर केल्यास १५०० रुपयांपर्यंतचा डिस्काउंट देखील मिळत आहे त्यानंतर itel P55 5G ची इफेक्टिव किंमत ८,१९९ रुपये होऊ शकते.

itel P55 5G स्पेसिफिकेशन्स

आयटेल पी५५ ५जी फोनमध्ये ६.६ इंचाचा एचडी+ डिस्प्ले देण्यात आला आहे. हा आयपीएस एलसीडी डिस्प्ले १६१२ x ७२० पिक्सल रिजोल्यूशन आणि ९०हर्ट्झ रिफ्रेश रेटला सपोर्ट करतो. हा फोन अँड्रॉइड १३ ओएसवर चालतो. तर प्रोसेसिंगसाठी मीडियाटेक डायमेन्सिटी ६०८० ऑक्टाकोर प्रोसेसरचा वापर करण्यात आला आहे. सोबत ६जीबी पर्यंत रॅम आणि ६जीबी पर्यंत वर्चुअल रॅमचा सपोर्ट मिळतो. तसेच १२८ जीबी पर्यंतची स्टोरेज देण्यात आली आहे.

फोटोग्राफीसाठी हा स्मार्टफोन ड्युअल रियर कॅमेऱ्याला सपोर्ट करतो. ज्यात एलईडी फ्लॅशसह ५० मेगापिक्सलचा मुख्य कॅमेरा आणि एक एआय लेन्स आहे. तर फ्रंटला ८ मेगापिक्सल सेल्फी शुटर मिळतो. पावर बॅकअपसाठी आयटेल पी५५ ५जी फोनमध्ये ५,०००एमएएचची बॅटरी देण्यात आली आहे, जी १८वॉट फास्ट चार्जिंग टेक्नॉलॉजीला सपोर्ट करते.

हे देखील वाचा: एकच नंबर! ५० एमपीचा सेल्फी कॅमेरा आणि १२ जीबी रॅम; Vivo V29 आणि Vivo V29 Pro भारतात लाँच

itel P55 5G स्मार्टफोनमध्ये एन१, एन३, एन५, एन८, एन२८, एन३८, एन४०, एन४१, एन७७ आणि एन७८ असे १० 5G Bands देण्यात आले आहेत. तसेच Dual 5G Standby मुळे दोन्ही सिम वर ५जी वापरता येतं. तर ड्युअल मोड ५जी म्हणजे Standalone (SA) आणि Non-Standalone (NSA) दोन्ही असल्यामुळे Jio 5G आणि Airtel 5G वापरताना कोणतीही समस्या येत नाही.