Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Amazon Great Indian Festival 2023 सेल भारतात ८ ऑक्टोबर पासून सुरु झाला आहे. ह्या सेलमध्ये फक्त विविध ब्रँड्सच्या प्रोडक्ट्सवर डील व डिस्काउंट ऑफर मिळत नाही तर नवीन प्रोडक्ट्स देखील लाँच केले जात आहेत. आता अ‍ॅमेझॉन सेल दरम्यान Samsung Galaxy Tab A9 सीरीज भारतात लाँच झाली आहे. या सीरीजमध्ये दोन टॅबलेट्स Samsung Galaxy Tab A9 आणि Samsung Galaxy Tab A9+ भारतात लाँच झाले आहेत. सॅमसंग गॅलेक्सी टॅब ए९ सीरीजचा स्वस्त मॉडेल आहे ज्याची विक्री अ‍ॅमेझॉनवर सुरु झाली आहे. तर ए९ प्लस मॉडेलची प्री-बुकिंग अ‍ॅमेझॉनवर सुरु झाली आहे.
Samsung Galaxy Tab A9 सीरिजची किंमत
Samsung Galaxy Tab A9 सीरीजचे टॅब Amazon India साइटवर लिस्ट झाले आहेत. Samsung Galaxy Tab A9 च्या वायफाय ४जीबी+६४जीबी मॉडेलची किंमत १२,९९९ रुपये आहे. तर वायफाय + ५जी ४जीबी+६४जीबी मॉडेल १५,९९९ रुपयांमध्ये अ‍ॅमेझॉनवर लिस्ट झाला आहे. ह्या टॅबची विक्री Amazon Great Indian Festival 2023 मध्ये सुरु झाली आहे. SBI कार्डच्या माध्यमातून हा टॅब खरेदी केल्यास ५००० रुपयांपर्यंतचाचा डिस्काउंट दिला जाईल.
हे देखील वाचा: लॅपटॉप मांडीवर ठेऊन वापरता का? होऊ शकतात अनेक आजार, ह्या गोष्टींची घ्या काळजी
दुसरीकडे Samsung Galaxy Tab A9+ च्या वायफाय ८जीबी+१२८जीबी मॉडेलची किंमत २०,९९९ रुपये आहे. तर वायफाय + ५जी ४जीबी+६४जीबी व्हेरिएंटची किंमत २२,९९९ रुपये आहे. सध्या हा मॉडेल अ‍ॅमेझॉनच्या माध्यमातून प्री-बुक करता येईल. प्री-बुकिंग करणाऱ्या ग्राहकांना SBI कार्डच्या माध्यमातून हा टॅब १६,९९९ रुपयांमध्ये विकत घेता येईल.
Samsung Galaxy Tab A9 सीरिजचे स्पेसिफिकेशन्स
Samsung Galaxy Tab A9 मॉडेलमध्ये ८.७ इंचाचा WQXGA LCD डिस्प्ले देण्यात आला आहे, ज्याचा रिफ्रेश रेट ६०हर्ट्झ आणि रिजोल्यूशन ८००×१३०० पिक्सल आहे. तसेच, दुसरीकडे प्लस मॉडेलमध्ये कंपनीनं ११ इंचाचा WQXGA LCD डिस्प्ले दिला आहे, ज्याचा रिफ्रेश रेट ९०हर्ट्झ आणि रिजोल्यूशन १९२०×१२०० पिक्सल आहे.
हे देखील वाचा: Cricket World Cup 2023: क्रिकेट वर्ल्ड कपची एक मॅच बघण्यासाठी किती जीबी डेटा लागतो, चला जाणून घेऊया
ए९ टॅबमध्ये MediaTek Helio G99 प्रोसेसर आहे, तसेच प्लस व्हेरिएंट Qualcomm Snapdragon 695 प्रोसेसरसह आला आहे. दोन्ही टॅबमध्ये ८मेगापिक्सलचा बॅक कॅमेरा देण्यात आला आहे. सेल्फीसाठी ए९ मध्ये २मेगापिक्सलचा कॅमेरा आणि प्लस मॉडेलमध्ये ५मेगापिक्सलचा कॅमेरा मिळतो. दोन्ही टॅबमध्ये कंपनीनं ५१००एमएएचची बॅटरी दिली आहे.