Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Oppo चा सर्वात स्वस्त 5G Phone आला बाजारात; कमी किंमतीतही ८जीबी रॅम आणि ९० हर्ट्झचा डिस्प्ले
Oppo नं आपल्या एंट्री लेव्हल स्मार्टफोन्समध्ये आणखी एक डिवाइस जोडला आहे ज्याचे नाव Oppo A2X आहे. हा एक 5G फोन आहे ज्यात ६.५६ इंचाचा डिस्प्ले ९०हर्ट्झ रिफ्रेश रेट देण्यात आला आहे. स्वस्त ५जी स्मार्टफोन अनेक आकर्षक स्पेसिफिकेशन्ससह येतो ज्यात ८ जीबी पर्यंत रॅम आणि २५६ जीबी पर्यंत स्टोरेज मिळते. हा Oppo A1x ची जागा घेईल आणि सध्या चीनमध्ये लाँच करण्यात आला आहे.
Oppo A2X ची किंमत
Oppo A2X किफायतशीर ५जी स्मार्टफोन आहे. चीनमध्ये याची किंमत १,०९९ चायनीज युआन (जवळपास १२,५०० रुपये) आहे. ज्यात ६ जीबी रॅम आणि १२८ जीबी स्टोरेज मिळते. तर फोनचा ८ जीबी रॅम आणि २५६ जीबी स्टोरेज व्हेरिएंट १३९९ युआन (जवळपास १६,००० रुपये) रुपयांमध्ये विकत घेता येईल. फोन ब्लॅक, गोल्ड, पर्पल कलरमध्ये विकत घेता येईल. फोनची विक्री १४ ऑक्टोबर पासून सुरु होईल. हा डिवाइस भारतासह जागतिक बाजारात येईल की नाही हे मात्र स्पष्ट झालं नाही.
हे देखील वाचा: १००-२०० नव्हे तर आता ४३२ मेगापिक्सलच्या कॅमेरा सेन्सरवर काम करत आहे सॅमसंग, लवकरच येऊ शकतो स्मार्टफोनमध्ये
Oppo A2X 5G चे स्पेसिफिकेशन
ओप्पो ए२एक्सचे स्पेसिफिकेशन्स पाहता फोनमध्ये ६.५६ इंचाचा LCD डिस्प्ले मिळतो. हा टियरड्रॉप नॉच डिजाइनसह आला आहे. फोनच्या डिस्प्लेमध्ये ७२० x १६१२ पिक्सल असलेलं HD+ रिजॉल्यूशन आहे. हा ९०हर्ट्झ रिफ्रेश रेटला सपोर्ट करतो. अँड्रॉइड १३ आधारित हा फोन कलरओएस १३.१ वर चालतो. फोनमध्ये डायमेंसीटी ६०२० चिपसेट आहे. सोबत ८ जीबी पर्यंत एलपीडीडीआर४एक्स रॅम आणि २५६ जीबी पर्यंत यूएफएस २.२ स्टोरेज देण्यात आली आहे.
हे देखील वाचा: वनप्लसला टक्कर येण्यासाठी येतेय iQOO 12 सीरीज; जबरदस्त फीचर्सची माहिती लीक
Oppo A2X मध्ये ५,०००एमएएचची मोठी बॅटरी मिळते. फोन आयपी५४ रेटिंगसह येतो त्यामुळे हा पाणी आणि धुळीपासून काही प्रमाणात वाचू शकतात. मागे १३ मेगापिक्सलचा मेन कॅमेरा ह्यात मिळतो तर सेल्फी कॅमेरा ५ मेगापिक्सलचा आहे. फोनचे डायमेंशन १६३.८ x ७५.१ x ८.१२mm, आणि वजन १८५ ग्राम आहे.