OPPO A18 ची मेमरी झाली दुप्पट; कंपनीनं लाँच केला नवा मॉडेल

By tejpolicetimes On Oct 17, 2023

ओप्पोनं काही दिवसांपूर्वी आपल्या ए-सीरीजचा विस्तार करत भारतात Oppo A18 लाँच केला होता. हा मोबाइल ४जीबी रॅम +६४जीबी स्टोरेजसह सादर करण्यात आला होता. तसेच, आता ब्रँड नं स्टोरेज डबल करते फोनचा १२८जीबी ऑप्शन लाँच केला आहे. ज्याची किंमत ११,४९९ रुपये ठेवण्यात आली आहे. डिवाइसवर १००० रुपयांचा बँक कॅशबॅक देखील मिळत आहेत. चला जाणून घेऊया ह्याचे स्पेसिफिकेशन आणि किंमत.

OPPO A18 ची किंमत आणि उपलब्धता

कंपनीनं OPPO A18 स्मार्टफोनच्या नवीन ४जीबी रॅम +१२८जीबी स्टोरेजची घोषणा कंपनीनं सोशल मीडिया आणि अधिकृत वेबसाइटवर दिली आहे. त्यानुसार नवीन १२८जीबी ऑप्शन ११,४९९ रुपयांमध्ये सेलसाठी उपलब्ध होईल. ह्या स्मार्टफोनच्या खरेदीवर एसबीआय, वन कार्ड, आयडीएफसी बँक, एयू बँक आणि बँक ऑफ बडौदाच्या मदतीनं हजार रुपयांचा फ्लॅट कॅशबॅक मिळवता येईल.

हे देखील वाचा: Apple चा स्वस्त iPad उद्या होणार लाँच? तीन मॉडेल होऊ शकतात लाँच

ग्राहक ६ महिन्यांच्या नो कॉस्ट EMI चा वापर देखील करू शकतात. हा फोन प्री-आर्डरसाठी उपलब्ध झाला आहे, ह्याची डिलिव्हरी २५ ऑक्टोबरपासून सुरु होईल. तसेच हा डिवाइस ग्लोइंग ब्लॅक आणि ग्लोइंग ब्लू आशा दोन ऑप्शनमध्ये विकत घेता येईल.

Oppo A18 चे स्पेसिफिकेशन्स

Oppo A18 मध्ये ६.५६ इंचाचा एचडी प्लस LCD डिस्प्ले देण्यात आला आहे. जो ८९.८०% स्क्रीन रेशो, ९० हर्ट्झ रिफ्रेश रेट, ९० हर्ट्झ टच सॅम्पलिंग रेट, १६.७ बिलियन कलर आणि ७२० निट्झ पीक ब्राइटनेसला सपोर्ट करतो. हा फोन अँड्रॉइड १३ ऑपरेटिंग सिस्टमवर चालतो.

या फोनमध्ये मीडियाटेक हेलिओ जी८५ चिपसेटचा वापर करण्यात आला आहे. हा प्रोसेसर २.० गीगाहर्ट्ज क्लॉक स्पीडवर चालतो. ग्राफिक्ससाठी माली जी५२ एमसी२ जीपीयू आहे. डिवाइसमध्ये ४जीबी एल पीडीडीआर४एक्स रॅम + १२८जीबी ईएमएमसी५.१ इंटरनल स्टोरेज आहे. त्याचबरोबर ४ जीबी एक्सटेंडेड रॅम सपोर्टच्या मदतीनं ८ जीबी पर्यंत रॅम देण्यात आला आहे.

Oppo A18 मध्ये ड्युअल रियर कॅमेरा सेटअप आहे. ज्यात १३ मेगापिक्सलची प्रायमरी कॅमेरा लेन्स आणि २ मेगापिक्सलचा सेकंडरी कॅमेरा आहे. तसेच, सेल्फी आणि व्हिडीओ कॉलिंगसाठी ५ मेगापिक्सलचा फ्रंट कॅमेरा आहे.

हे देखील वाचा: चांगला कॅमेरा फोन शोधत असलेल्या लोकांसाठी गुडन्यूज; Vivo Y200 येतोय भारतात

नवीन ओप्पो फोनला पावर देण्यासाठी ह्यात ५००० एमएएचची बॅटरी मिळते. ह्या स्वस्त डिवाइसमध्ये साइड माउंटेड फिंगरप्रिंट सेन्सर, ब्लूटूथ ५.३, वाय-फाय, ३.५ मिमी हेडफोन जॅक, यूएसबी टाइप सी पोर्ट असे अनेक फीचर्स आहेत.

Source link