Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
शिक्षण क्षेत्र :
इंग्रजीतून पदवीपर्यंतचे शिक्षण पूर्ण केल्यानंतर तुम्ही विविध स्तरांवर शिक्षक म्हणून काम करू शकता. शाळा, कॉलेज आणि विद्यापीठात शिकवण्या बरोबरच तुम्ही, स्वतःचे खासगी शिकवणीचे वर्गही सुरू करू शकता. सध्या, इंटरनेटवर विविध भाषा शिकवणार्‍या ऑनलाइन ट्यूटरची मागणी वाढली आहे. त्यामुळे, कोणत्याही अ‍ॅप वर किंवा अगदी युट्यूबवर स्वतःच्या व्हिडिओ टाकून ऑनलाइन ट्यूटर किंवा इन्स्ट्रक्टर म्हणून काम करू शकता. अर्थातच पीजीडीटीई, बीएड, एमएड, नेट, सेट, एमफिल आणि डॉक्टरेट यांसारख्या व्यावसायिक पदवी तुला अधिक उच्च स्तरावर काम मिळवण्यास मदत करतील.
फ्री लान्स लेखन :
सर्जनशीलता आणि कल्पनाशक्तीच्या जोरावर इंग्रजी भाषेत फ्री-लान्सर म्हणून तुम्ही काम करू शकता.
पत्रकारिता :
इंग्रजी भाषेवर प्रभुत्व असणार्‍यांची मीडिया क्षेत्रात मागणी वाढली आहे. त्यामुळे या क्षेत्रात रिपोर्टर, किंवा कॉपी रायटर म्हणून तुम्ही काम करू शकता. कालांतराने अनुभव आणि अधिक ज्ञान मिळवून, तुम्ही भविष्यात संपादक म्हणूनही काम करू शकता. तुझे स्वतःचे लेखन, लेख प्रकाशित करून त्यातून नफा मिळवता येईल. तुमचे भाषेवर आणि लेखन शैलीवर प्रभुत्व असल्यास तुमची मते आणि विचारांसह तुम्ही समीक्षक होऊ शकता.
कार्यालये किंवा इतर ठिकाणी फ्रंट ऑफिस स्टाफ :
कोणत्याही कंपनीच्या अगदी मूलभूत कार्यालयांपासून ते कॉर्पोरेट हाऊसेस, बँकांपासून ते अगदी हॉटेल्समध्ये व्यावसायिक अभ्यागतांशी व्यवहार करण्यासाठी फ्रंट ऑफिस स्टाफ म्हणून तुम्ही काम करू शकता. कारण या ठिकाणी, ग्राहकांशी व्यवहार करताना भाषेचा सुरेख वापर आवश्यक असतो. इंग्रजीतील तुमची आवड आणि संवाद कौशल्य तुम्हाला रिसेप्शनिस्ट, फ्रंट-ऑफिस मॅनेजर, जनसंपर्क अधिकारी इत्यादी पदांवर नोकरीच्या उत्तम संधी मिळवून देऊ शकते. बोली भाषेवरील प्रभुत्व, सॉफ्ट स्किल्सचा वापर आणि देहबोलीचा योग्य वापर यामुळे तुम्हाला कोणत्याही संस्थेचा महत्त्वाचा हिस्सा बनता येईल.
द्वि-भाषिक किंवा Translator :
तुम्ही एकापेक्षा जास्त भाषांमध्ये कुशल असाल, तर तुम्ही अनुवादक किंवा दुभाषी होऊ शकता. ज्या कंपन्या विविध देशांकडून तंत्रज्ञान विकत घेऊन किंवा Contract तत्वावर घेतात त्यांना कामाचे विविध साहित्य समजून घेण्यासाठी अनुवादकांची आवश्यकता असते. विविध देशांना भेट देणारे अधिकारी, नेते यांच्यासोबत दुभाषी म्हणून काम करण्याची संधी तुम्हाला या निमित्ताने उपलब्ध होऊ शकते. या व्यतिरिक्त तुम्ही व्यावसायिक भाषांतरकाराची नोकरी करून भरपूर पैसे कमवू शकता.
कायद्याचे क्षेत्र :
कायद्याच्या शाखेतील पदवी आणि पदव्युत्तर शिक्षण तुम्हाला अधिक आरामदायक पोझिशन्स मिळवून देईल. कायदेशीर कागदपत्रे हाताळण्यासाठी भाषेचा औपचारिक वापर येणे अत्यावश्यक असते. शिवाय, वक्तृत्वातील कौशल्येही तुम्हाला या क्षेत्रात कामाच्या उत्तम संधी मिळवून देतात.
परफॉर्मिंग आर्ट :
टीव्हीच्या अनेक चॅनेल आणि ओटीटी प्लॅटफॉर्मच्या प्रगतीमुळे या क्षेत्रांमधील विविध शाखांमध्ये काम करणार्‍यांची सर्वाधिक मागणी आहे. इंग्रजीच्या वापरातील ओघ आणि इंग्रजी बोलण्यात तुझे प्रावीण्य आणखी पुढे जाण्यास मदतच करेल. तुम्ही रेडिओ जॉकी होऊ मनोरंजनशी संबंधित क्षेत्रात काम करू शकता. नाटक आणि चित्रपट उद्योग स्क्रीप्ट आणि संवाद लेखनासाठी व्यावसायिक लेखक म्हणून कथा, पटकथाकरांना मोठी मागणी आहे.
ट्रॅव्हल अँड टूरिझम क्षेत्रात टूर गाईड :
प्रवास आणि पर्यटन उद्योग क्षेत्रात भाषांवर प्रभुत्व असलेल्या व्यक्तींची गरज असते. ट्रॅव्हल अँड टूरिझम विषयात डिप्लोमा केल्यास वेगवेगळ्या ठिकाणी फिरण्याचा आणि समाजाच्या विविध स्तरांशी संपर्क साधण्याचा आनंद घेऊ शकते.