Tej Police Times
२०१७ नंतर यूजीसी आता पुन्हा अभ्यासक्रमात बदल करणार; UGC-NET अभ्यासक्रम बदलण्यासाठी तज्ज्ञांची समिती
UGC NET New Syllabus : विद्यापीठे आणि महाविद्यालयांमध्ये सहाय्यक प्राध्यापक आणि कनिष्ठ संशोधन फेलोशिपच्या नियुक्तीसाठी UGC-NET च्या अभ्यासक्रमातही बदल केले जाणार आहेत. यूजीसी आयोगाच्या नुकत्याच झालेल्या बैठकीत अभ्यासक्रम अद्ययावत करण्याचा निर्णय घेण्यात आला आहे. UGC चे अध्यक्ष प्रोफेसर एम. जगदीश कुमार यांनी, राष्ट्रीय शैक्षणिक धोरण २०२० च्या अंमलबजावणीनंतर बहुविद्याशाखीय अभ्यासक्रम आणि समग्र शिक्षणाच्या दिशेने महत्त्वपूर्ण पावले उचलली गेली आहेत. उच्च शिक्षणात होत असलेल्या बदलांच्या अनुषंगाने UGC-NET चा अभ्यासक्रमही अद्ययावत केला जाईल, असा निर्णय यूजीसी आयोगाच्या बैठकीत घेण्यात आला आहे.
यूजीसी लवकरच विविध विषयांतील अभ्यासक्रम तयार करण्याच्या प्रक्रियेबाबत तज्ज्ञांची एक समिती स्थापन करणार असून, नवीन अभ्यासक्रम लागू झाल्यावर त्यापूर्वी उमेदवारांना तयारीसाठी पुरेसा वेळ दिला जाईल. UGC ने २०१७ मध्ये UGC-NET च्या अभ्यासक्रमात शेवटची सुधारणा केली होती.
यूजीसी लवकरच विविध विषयांतील अभ्यासक्रम तयार करण्याच्या प्रक्रियेबाबत तज्ज्ञांची एक समिती स्थापन करणार असून, नवीन अभ्यासक्रम लागू झाल्यावर त्यापूर्वी उमेदवारांना तयारीसाठी पुरेसा वेळ दिला जाईल. UGC ने २०१७ मध्ये UGC-NET च्या अभ्यासक्रमात शेवटची सुधारणा केली होती.
UGC NET परीक्षा वर्षातून दोनदा म्हणजेच जून आणि डिसेंबरमध्ये घेतली जाते. पुढील महिन्यात UGC-NET परीक्षा होणार आहे आणि त्यानंतर २०२४ मध्ये UGC NET चे पहिले सत्र १० ते २१ जून जून दरम्यान होणार आहे.
यूजीसीने अभ्यासक्रमात बदल करण्याचा निर्णय घेतला आहे, मात्र नवीन अभ्यासक्रमाच्या आधारे पहिली परीक्षा कधी होणार याबाबत अद्याप कोणताही निर्णय झालेला नाही. तज्ज्ञ समितीचा अहवाल आल्यानंतर अभ्यासक्रमाला अंतिम स्वरूप दिले जाणार असून, त्यासाठी वेळही लागू शकतो. यूजीसी एनईटी (UGC NET) परीक्षा ८३ विषयांमध्ये घेतली जाते, ज्यामध्ये ह्युमॅनिटी, सोशल सायन्स, भारतीय आणि परदेशी भाषांसह विज्ञान विषयांचा समावेश होतो. यूजीसीच्या अध्यक्षांच्या म्हणण्यानुसार, नवीन अभ्यासक्रम तयार झाल्यावर, हा अभ्यासक्रम कधी लागू केला जाईल हे उमेदवारांना आधीच सांगितले जाईल आणि त्यांना कोणतीही अडचण येणार नाही.
नॅशनल टेस्टिंग एजन्सी (NTA) UGC NET परीक्षा आयोजित करते. NTA वैद्यकीय आणि अभियांत्रिकी चाचण्या देखील घेते. देशातील सर्वात मोठी वैद्यकीय प्रवेश परीक्षा NEET-UG 2024 अभियांत्रिकी अभ्यासक्रमांसाठी नवीन अभ्यासक्रम देखील लवकरच प्रसिद्ध केला जाईल. त्याच वेळी, अभियांत्रिकी अभ्यासक्रमांच्या प्रवेशासाठी संयुक्त प्रवेश परीक्षा (जेईई-मेन) २०२४ चा अभ्यासक्रम कमी करण्यात आला आहे. UGC NET ही संगणक आधारित चाचणी (CBT) आहे.
(वाचा : UGC चा नवा निर्णय विद्यार्थी हिताचा; आता फक्त १ वर्षात पोस्ट ग्रॅज्युएशन, तर एकाच वेळी २ शैक्षणिक अभ्यासक्रम करता येणार)