Tej Police Times
१ ली ते पदव्युत्तर पदवी शिक्षण घेणाऱ्या विद्यार्थ्यांना ७५ हजार रुपयांपर्यंत शिष्यवृत्ती; एचडीएफसी बँकेतर्फे परिवर्तन योजना
HDFC Parivartan Scholarship 2023 : एचडीएफसी बँकेतर्फे २०२३-२४ मधील इयत्ता पहिली ते पदवीव्युत्तर पदवी पर्यंत शिक्षण घेणाऱ्या गुणवंत आणि गरजु विद्यार्थ्यांकडून शिष्यवृत्तीसाठी अर्ज मागवण्यास सुरुवात झाली आहे. HDFC च्यावतीने या शिष्यवृत्तीसाठी अर्ज मागवले जात असून विहित तारखेमध्ये उमेदवारांनी हे अर्ज जमा करण्याचे आवाहन HDFC Bank च्या वतीने करण्यात आले आहे. HDFC Bank Parivartan’s ECSS Programme 2023-24 (एचडीएफसी बँक परिवर्तन योजना) या शिष्यवृत्ती योजनेसाठी आवश्यक पात्रता, शिष्यवृत्ती रक्कम, अर्ज प्रक्रिया आणि या संदर्भातील सविस्तर माहिती खाली देण्यात आली आहे.
शिष्यवृत्तीसाठी आवश्यक पात्रता :
शिष्यवृत्तीसाठी आवश्यक पात्रता :
- एचडीएफसी बँक परिवर्तन योजनेच्या शिष्यवृत्तीसाठी अर्ज करणारे उमेदवार उमेदवार इयत्ता पहिली ते बारावी सर्व शाखांसोबत डिप्लोमा आणि आयटीआय अभ्यासक्रम करणारे उमेदवार, आणि पदवी / पदव्युत्तर पदवीमध्ये शिक्षण घेत असणारे विद्यार्थी या शिष्यवृत्तीचा लाभ घेवू शकणार आहेत.
- तसेच, अर्ज करणार्या विद्यार्थ्याला मागील शैक्षणिक अभ्यासक्रम किंवा इयत्तेमध्ये ५५ टक्के किंवा त्याहून गुणांसह उत्तीर्ण झालेले असणे आवश्यक आहे.
- शिवाय, या Scholarship साठी अर्ज करणार्या उमेदाराच्या पालकांचे मागील वर्षाचे उत्पन्न हे २ लाख ५० हजार रुपयांपेक्षा कमी असणे आवश्यक आहे.
- तसेच, उमेदवार हे भारत देशातील रहिवाशी असणे आवश्यक असणार आहेत.
मिळणार एवढी शिष्यवृत्ती रक्कम :
उमेदवारांना शिष्यवृत्तीची आर्थिक रक्कम ही शैक्षणिक अभ्यासक्रम तसेच इयत्तेनुसार वेगवेगळी आहे.
इयत्ता आणि अभ्यासक्रमांनुसार शिष्यवृत्तीची रक्कम पुढीलप्रमाणे असेल :
| ०१. | पदव्युत्तर पदवी ( जनरल ) | ३५ हजार रुपये |
| ०२. | पदव्युत्तर पदवी ( प्रोफेशनल) | ७५ हजार रुपये |
| ०३. | पदवी ( जनरल) | ३० हजार रुपये |
| ०४. | पदवी ( प्रोफेशनल) | २५ ते ५० हजार रुपये |
| ०५. | आयटीआय / पॉलिटेक्निक / डिप्लोमा | १८ आजार रुपये |
| ०६. | इयत्ता ७ वी ते १२ वी (सर्व शाखा) पर्यंत | १८ आजार रुपये |
| ०७. | इयत्ता १ ली ते ६ वी पर्यंत | १५ हजार रुपये |
ही कागदपत्र आवश्यक :
सदर शिष्यवृत्तीचा लाभ घेण्यासाठी विद्यार्थ्याने पासपोर्ट साईट फोटो , मागील वर्षाचे गुणपत्रक, आधार कार्ड / मतदान कार्ड / वाहन चालविण्याचा परवाना , चालू वर्षाचे (शैक्षणिक वर्ष २०२३-२४ चे) शाळा / महाविद्यालयाचे ओळखपत्र / बोनाफाईट / फीस पावती, पालकांचा उत्पनाचा दाखला ही कागदपत्र सादर करणे आवश्यक आहे.
अर्ज प्रक्रिया :
पात्र विद्यार्थ्यांनी HDFC Bank Parivartan’s ECSS Program च्या अधिकृत संकेतस्थळावर दिनांक ३१ डिसेंबर २०२३ पर्यंत आवेदन सादर करायचे आहेत.
महत्त्वाच्या लिंक्स :
सविस्तर माहितीसाठी आणि शिष्यवृतीसाठी ऑनलाईन अर्ज करण्यासाठी येथे क्लिक करा.