Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Vivo S18 सीरीज कंपनीनं आपल्या होम मार्केटमध्ये लाँच केली आहे. ज्यात Vivo S18, S18 Pro आणि S18e चा समावेश करण्यात आला आहे. S18 आणि S18 Pro च्या कॅमेरा मॉड्यूल बदल दिसत आहे. तर S18e सर्वात स्वस्त मॉडेल आहे. चला पाहूया ह्यांची किंमत आणि स्पेसिफिकेशन्स.
Vivo S18 सीरिजची किंमत
Vivo S18 च्या ८जीबी रॅम व २५६जीबी स्टोरेज असलेल्या बेस मॉडेलची किंमत २,२९९ युआन (सुमारे २७,१०० रुपये) पासून सुरु होते. फोन १२जीबी/२५६जीबी, १२जीबी/५१२जीबी आणि १६जीबी/५१२जीबी स्टोरेजसह विकत घेता येईल. Vivo S18 Pro च्या बेस व्हेरिएंटमध्ये १२जीबी/२५६जीबी स्टोरेज आहे जो ३,१९९ युआन (सुमारे ३७,७०० रुपये) मध्ये आला आहे. हा फोन १६जीबी/२५६जीबी आणि १६जीबी/५१२जीबी मॉडेलमध्ये देखील विकत घेता येईल.
Vivo S18e च्या १२जीबी रॅम व २५६जीबी मॉडेलची किंमत २,०९९ युआन (सुमारे २४,७०० रुपये) आहे. ह्याचा १२जीबी/५१२जीबी स्टोरेज मॉडेल देखील आहे. ही सीरिज भारतात नाव बदलून सादर केली जाण्याची शक्यता आहे.
Vivo S18 सीरिजचे स्पेसिफिकेशन्स
Vivo S18 आणि S18 Pro मध्ये ६.७८-इंचाचा कर्व्ड OLED डिस्प्ले आहे, जो फुलएचडी+, १२०हर्ट्झ रिफ्रेश रेट आणि २८०० नीट्स पीक ब्राइटनेस देतो. S18e मध्ये २४०० × १०८० रिजॉल्यूशन आणि १२०हर्ट्झ रिफ्रेश रेटसह ६.६७-इंच अ‍ॅमोलेड डिस्प्ले मिळतो. Vivo S18, S18 Pro आणि S18e, तिन्ही स्मार्टफोन अँड्रॉइड १४ वर आधारित ओरिजिनओएस ४ वर चालतात.
S18 मध्ये क्वॉलकॉम स्नॅपड्रॅगन ७ जेन ३ चिपसेटचा वापर करण्यात आला आहे, तर S18 Pro आणि S18e मध्ये अनुक्रमे मीडियाटेक डायमेन्सिटी ९२००+ आणि डायमेन्सिटी ७२०० चिपसेटचा समावेश आहे. तिन्ही फोनमध्ये वेगवेगळ्या स्टोरेज ऑप्शनसह १६जीबी पर्यंत रॅम मिळतो.
कॅमेरा सेटअप देखील वेगवेगळा आहे, S18 मध्ये ५० एमपी+ ८एमपी असा कॅमेरा कॉम्बो मिळतो. तर S18 Pro मध्ये ५०एमपी+ ५०एमपी + १२एमपी कॅमेरा सेटअप आहे. S18e मध्ये ५०एमपीच्या मेन कॅमेऱ्यासह आणि २एमपीचा सेकंडरी कॅमेरा मिळतो. S18 आणि Pro मॉडेल बेहतर ५०एमपीचा फ्रंट कॅमेरा आहे, तर S18e मध्ये १६एमपी चा कॅमेरा देण्यात आला आहे.
सर्व मॉडेल्स ८०वॉट वायर्ड फास्ट चार्जिंग मिळते, परंतु S18 आणि Pro मॉडेल्स ५,०००एमएएचच्या बॅटरीसह आले आहेत, तर S18e मध्ये ४८००एमएएचची बॅटरी देण्यात आली आहे. सर्व स्मार्टफोन इन-डिस्प्ले फिंगरप्रिंट स्कॅनरसह येतात आणि ह्यात सर्व बेसिक कनेक्टिव्हिटी फीचर्सचा समावेश आहे.