आधीचा राग होताच, कुत्र्याने कोंबडी पकडल्यानं पुन्हा वाद, रंक्तरंजित शेवट अन् दर्यापूर हादरलं

अंभोरे कुटुंबियांना अनुसया अंभोरे (६७) यांनी त्यांना उचलण्यासाठी प्रयत्न करताना चंदन गुजरने पुन्हा गाडी परतवून त्यांच्या अंगावर घातली. यात दोघेही मृत्यूमुखी पडले. आरोपी चंदनची काकू अनारकली मोहन गुजर (५५) या भांडण सोडविण्यासाठी गेल्या. मात्र झटापटीत त्यांनाही आरोपीने वाहनाने चिरडले. यात त्यांचाही मृत्यू झाला. तीन जण मृत्युमुखी पडल्याने एकच गोंधळ उडाला. अंभोरे कुटुंबातील सदस्यांनी हस्तक्षेप करण्याचा प्रयत्न करताच आरोपीचे वडील राधे (७०) शाम गुजर (६५) यांनी कुऱ्हाड फेकून मारल्याने एकास जखमी केले. चंदनची गाडी या धावपळीत खड्ड्यात गेली आणि तो पळून गेला.

हा प्रकार शिवसेना जिल्हा प्रमुख गोपाल अरबट यांना समजताच आपल्या कार्यकर्त्यांसाह दाखल झाले. त्यांनी तातडीने विविध वाहनातून जखमींना उपजिल्हा रुग्णालयात आणले. मात्र यातील शामराव अंभोरे (७०) अनुसया अंभोरे (६७) आणि अनारकली गुजर (५५) यांचा मृत्यू झाला. तर जखमी किशोर अंभोरे, उमेश अंभोरे व शारदा अंभोरे या जखमीना उपचार देऊन अमरावती सामान्य रुग्णालयात पाठविल्यात आले. घटनास्थळी आज पोलीस अधीक्षक यांनी भेट दिली. पोलिसांनी पंचनामा केला. यासह लपून बसलेल्या दोन्ही आरोपींना चंदन गुजर आणि राधेश्याम गुजर यांना ताब्यात घेतले आहे. पुढील तपास खल्लार पोलीस करीत आहेत.