Tej Police Times
डेटिंग अॅपवर मैत्री, महिलेच्या मधाळ बोलण्याला भूलला अन् व्यावसायिकाला कोट्यावधींचा गंडा, काय घडलं?
मुंबई : डोंगरीचा व्यावसायिक एका महिलेच्या मधाळ बोलण्याला भलताच भूलला. डेटिंग ॲपवर भेटलेल्या या महिलेने व्यावसायिकाला आपल्या संभाषण कौशल्याने मैत्रीच्या जाळ्यात ओढले. आपल्या प्रत्येक शब्दावर तो विश्वास ठेवत असल्याचे कळताच त्याला गुंतवणूक करण्यास भाग पाडले. प्रत्यक्षात भेट नाही वा तिचा परिचय नाही. असे असतानाही तिच्या केवळ प्रेमळ शब्दांच्या जाळ्यात अडकून या व्यावसायिकाने तब्बल दीड कोटी रुपये गुंतवले. मात्र ही कोणतीही योजना नसून, केवळ हनिट्रॅप असल्याचे लक्षात येताच त्याने पोलिसांत धाव घेतली.
खार येथील वास्तव्यास असलेल्या राकेश (बदललेले नाव) यांचा डोंगरी येथे भारतातील खासगी कंपन्यांचा कच्चा माल वाहतूक करण्याचा व्यवसाय आहे. राकेश यांच्या मोबाइलवर एक संदेश आला आणि त्यामध्ये एक लिंक देण्यात आली होती. त्यांनी लिंक उघडताच लोकॅण्टो नावाचे संकेतस्थळ सुरू झाले. या संकेतस्थळावर नैनिका नावाच्या महिलेने राकेशला हाय असा संदेश पाठविला. राकेशनेदेखील तिच्या संदेशला प्रतिसाद दिला. दोघांनी एकमेकांची मोबाइल क्रमांकांची देवाणघेवाण केली. आधी चॅटिंग आणि नंतर मोबाइलवर दोघेही गप्पा मारू लागले. नैनिकासोबत राकेशची घट्ट मैत्री झाली. तिने आपण दुबईत वास्तुविशारद असल्याचे सांगितले. ती जे बोलले त्याला राकेश होकार देऊ लागला.
खार येथील वास्तव्यास असलेल्या राकेश (बदललेले नाव) यांचा डोंगरी येथे भारतातील खासगी कंपन्यांचा कच्चा माल वाहतूक करण्याचा व्यवसाय आहे. राकेश यांच्या मोबाइलवर एक संदेश आला आणि त्यामध्ये एक लिंक देण्यात आली होती. त्यांनी लिंक उघडताच लोकॅण्टो नावाचे संकेतस्थळ सुरू झाले. या संकेतस्थळावर नैनिका नावाच्या महिलेने राकेशला हाय असा संदेश पाठविला. राकेशनेदेखील तिच्या संदेशला प्रतिसाद दिला. दोघांनी एकमेकांची मोबाइल क्रमांकांची देवाणघेवाण केली. आधी चॅटिंग आणि नंतर मोबाइलवर दोघेही गप्पा मारू लागले. नैनिकासोबत राकेशची घट्ट मैत्री झाली. तिने आपण दुबईत वास्तुविशारद असल्याचे सांगितले. ती जे बोलले त्याला राकेश होकार देऊ लागला.
राकेश आपल्या जाळ्यात अडकल्याची खात्री झाल्यानंतर नैनिकाने त्याला फॉरेन एक्स्चेंज ट्रेडिंगबद्दल सांगितले. यामध्ये बक्कळ पैसे कमावता येत असल्याचे भासवून राकेशला गुंतवणूक करण्यास भाग पाडले. सुरुवातीला नकार देणाऱ्या राकेशने प्रथम एक लाख रुपये गुंतवले. नैनिकाने त्याला एका टेलिग्राम ग्रुपवर सहभागी करून घेतले. यामध्ये दिल्या जाणाऱ्या सल्यानुसार गुंतवणूक करावी असे सांगण्यात आले होते. ग्रुपवर अनेकजण असल्याने राकेशला गुंतवणुकीबाबत काही संशय आला नाही.
इथे झाली फसगत
एक लाखाच्या गुंतवणुकीवर २१५ डॉलर नफा झाल्याचे राकेशला त्याच्या वॉलेटमध्ये दिसत होते. खात्री करण्यासाठी २१५ डॉलरपैकी त्याने १०० डॉलर बँक खात्यावर वळते करण्यास सांगितले. त्यानुसार आठ हजार रुपये त्याच्या खात्यावर जमा झाले. कमाईचा चांगला मार्ग असल्याचा विचार करीत राकेश थोडी थोडी रक्कम गुंतवत गेला. अधूनमधून नैनिका त्याला आपल्या मधाळ वाणीने प्रोत्साहन देत होती. हा हा म्हणता दीड कोटी रुपये त्याने गुंतवले.
परताव्यासाठी ६२ लाखांचा कर
एक कोटी रुपयांच्या गुंतवणुकीवर दोन लाख साठ हजार डॉलर नफा मिळून दोन कोटी आठ लाख ४५ हजार रुपये राकेशच्या वॉलेटमध्ये दिसत होते. त्याने ही रक्कम काढायचा प्रयत्न केला असता ती न आल्याने टेलिग्राम ग्रुपवर विचारणा केली. त्यावर त्याला ६२ लाख रुपये कर भरण्यास सांगण्यात आले. त्यावेळी राकेशच्या मनात पाल चुकचुकली आणि त्याने याबाबत मित्रांना सांगितले. मित्रांनी हा फसवणुकीचा प्रकार असल्याचे सांगताच राकेशने डोंगरी पोलिस ठाण्यात तक्रार केली.