कुठे दिलासा, तर कुठे चिंता; मुंबईत ‘अशी’ आहे करोनाची ताजी स्थिती!

मुंबई: मुंबई (Corona in Mumbai) महापालिका क्षेत्रात आज कालच्या तुलनेत करोनाच्या (Coronavirus) नव्या रुग्णसंख्येत घट झाली असली, आणि मृत्यूसंख्याही घटली असली तरी देखील मुंबईत सक्रिय रुग्णांची संख्या तुलनेने वाढलेली आहे. ऑगस्ट महिन्याच्या शेवटच्या दिवशी ३२३ नव्या रुग्णांचे निदान झाले आहे. ३० ऑगस्टला ही संख्या ३३४ इतकी होती. तर, दिवसभरात २७२ रुग्ण बरे होऊन घरी परतले आहेत. ३० ऑगस्टच्या तुलनेत बरे होणाऱ्या रुग्णांची संख्या वाढली आहे. ३० ऑगस्टला ही संख्या ३११ इतकी होती. २४ तासांत मुंबईत करोनाने १ रुग्णांचा मृत्यू झाला आहे. ३१ ऑगस्टला दिवसभरात २ मृत्यूंची नोंद झालेली आहे. (mumbai registered 323 new cases in a day with 272 patients recovered and 1 deaths today)

याबरोबरच, मुंबईत आतापर्यंत एकूण ७ लाख २२ हजार ६२१ रुग्ण बरे झाले असून आतापर्यंत एकूण १५ हजार ९७७ रुग्णांचा मृत्यू झाला आहे. मुंबईतील रुग्ण बरे होण्याचे प्रमाण आता ९७ टक्के इतके असून कोविड रुग्णवाढीचा दर ०.०५ टक्के इतका आहे. त्याचवेळी मुंबईतील रुग्णदुपटीचा कालावधी आता १ हजार ५११ दिवसांवर जाऊन पोहचला आहे.

क्लिक करा आणि वाचा- चिंतेत भर! राज्यात आज नव्या करोना रुग्णांची वाढ; मृत्यूही वाढले

मुंबईत आज ३० हजार ४२१ चाचण्या

मुंबईत आज एकूण ३० हजार ४२१ कोविड चाचण्या करण्यात आल्या असल्याचे मुंबई महानगरपालिकेने सांगितले आहे. सध्या झोपडपट्टी व चाळींमध्ये एकही सक्रिय कंटेनमेंट झोन नसून एकूण २९ इमारती सील करण्यात आल्या आहेत.

क्लिक करा आणि वाचा- शेवगावात पुराचा वेढा; नद्यांना पूर, एनडीआरएफचे पथक दाखल

आज संध्याकाळी ६ वाजेपर्यंतची स्थिती

२४ तासांत बाधित रुग्ण – ३२३
२४ तासात बरे झालेले रुग्ण – २७२
बरे झालेले एकूण रुग्ण – ७२२६२१
बरे झालेल्या रुग्णांचा दर – ९७%
एकूण सक्रिय रुग्ण- ३१०६
रुग्ण दुपटीचा कालावधी- १५११ दिवस
कोविड वाढीचा दर (२४ ऑगस्ट ते ३० ऑगस्ट)- ०.०५ %

क्लिक करा आणि वाचा- शिवसेनेच्या पायाखालची वाळू सरकली आहे; चंद्रकांत पाटील यांचा निशाणा