Sharad Mohol: मोहोळ हत्या प्रकरणी मोठी अपडेट; प्लॅनिंग करुन गेम केला, २ नामांकित वकिलांचाही सहभाग

आतापर्यंत पोलिसांनी मुख्य आरोपी साहिल उर्फ मुन्ना संतोष पोळेकरसोबत मास्टरमाईंड नामदेव पप्पू कानगुडे उर्फ मामा सोबत सहा आरोपींना पळून जात असताना अटक केली आहे. जुन्या जमिनीच्या वादातून हा सगळा प्रकार झाल्याचं आता समोर आलं आहे. त्यावरुन शरद मोहोळ याचा प्लॅनिंग करून गेम केल्याची माहिती आहे. या प्रकरणाचा पुढचा तपास पोलिस करत आहे.

शरद मोहोळ हत्येचं सीसीटीव्ही फुटेज

ड्रायव्हर एक कुख्यात गँगस्टर कसा बनला?

शरद मोहोळ यांच्या पत्नी स्वाती यांनी एप्रिल २०२३ मध्ये सत्ताधारी भारतीय जनता पक्षात प्रवेश केला होता. मोहोळ दाम्पत्य शहरातील विविध सार्वजनिक कार्यक्रमांमध्ये नियमितपणे दिसत होते. मोहोळ याच्यावर शहरातील विविध पोलिस ठाण्यात डझनाहून अधिक गंभीर गुन्हे दाखल होते. त्याने ९ वर्षे तुरुंगात घालवली, काही प्रकरणांमध्ये जामीन मिळवला आणि एकेकाळी त्याला पुणे जिल्ह्यातून हद्दपारही करण्यात आले होते.

शरद मोहोळ हा कुख्यात माफिया संदीप मोहोळचा सख्खा चुलत भाऊ होता, त्याची ऑक्टोबर २००७ मध्ये पुण्यातील रस्त्यावर गोळ्या झाडून हत्या करण्यात आली होती. गणेश मारणे टोळीने ही हत्या केली होती. शरद हा संदीपसाठी ड्रायव्हर म्हणून काम करत होता. जेव्हा संदीपची हत्या झाली तेव्हा शरद हा गाडी चालवत होता. तेव्हाच शरदने मारणे टोळीला संपवणार असल्याची शपथ घेतली होती. त्यानंतर २०१० ला मोहोळने गणेश मारणे टोळीचा म्होरक्या किशोर मारणेला निलायम टॉकीजजवळ संपवलं होतं. संदीपच्या मृत्यूनंतर शरदने अंडरवर्ल्डच्या जगात प्रवेश केला होता.

Sharad Mohol: ९ वर्ष तुरुंगात, अनेक प्रकरणांमध्ये नाव, ड्रायव्हर ते कुख्यात गँगस्टर कसा बनला शरद मोहोळ?
Read Latest Maharashtra News And Marathi News