Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

लोकसभेला इंडिया आघाडी भाजपला कसं रोखणार,पृथ्वीराज चव्हाणांनी ४५० जागांचं प्लॅनिंग सांगितलं

9

स्वप्नील एरंडोलीकर, सांगली: राज्याचे माजी मुख्यमंत्री आणि काँग्रेसचे ज्येष्ट नेते पृथ्वीराज चव्हाण यांनी सांगलीत पत्रकारांशी विविध मुद्यांवर भाष्य केलं. आगामी लोकसभा निवडणूक, शिवसेना आमदार अपात्रता प्रकरण, महाविकास आघाडीचं जागा वाटप या मुद्यांवर भाष्य केलं आहे. विरोधी पक्षच अस्तित्वात ठेवला नाही तर आपल्याला संधी मिळेल, असं भाजपला वाटतं. विधानसभा अध्यक्ष राहुल नार्वेकर काय निर्णय देतात याच्यावर पहिला भूकंप ठरणार आहे. नार्वेकर यांनी त्यातून अंग काढलं आणि निर्णय दिला नाही तर, त्याची शक्यता आहे. कोण म्हणतं ते आजारी पडतील ते अंग काढून घेतील का अशा देखील चर्चा सुरु आहेत. त्यानंतर सुप्रीम कोर्टाला काहीतरी निर्णय घ्यावा लागेल, तो पहिला भूकंप असेल असं पृथ्वीराज चव्हाण म्हणाले.

मराठा आंदोलकांबाबत धमकीची, अरेरावीची भाषा वापरणं योग्य नाही. मराठा समाजाचे ५८ मोर्चे आपण पाहिलेले आहेत. अंतरवाली सराटीत हिंसा करायची आवश्यकता नव्हती. तिथं लाठीचार्ज करण्याची आवश्यकता नव्हती, कुणाच्या तरी आदेशानं ते घडलं का? असा सवाल पृथ्वीराज चव्हाण यांनी केली.

राजस्थानमध्ये आमचे दोन नेते अशोक गेहलोत आणि सचिन पायलट यांच्यातील संघर्ष सोडवण्यात आमचा वेळ गेला. इतर दोन राज्यातील नेते निवडून आले होते या विचारात होते, असं पृथ्वीराज चव्हाण म्हणाले. लोकसभेला या राज्यांमध्ये निवडणूक होणार आहे. नेतृत्त्व बदल केला, केवळ तरुणांकडे सूत्रं दिली म्हणून सत्ता येते असं नाही, चुकांचं विश्लेषण करावं लागेल, असं पृथ्वीराज चव्हाण यांनी म्हटलं.
करोना रुग्णांची संख्या वाढली, एका दिवसात नवे ६८२ रुग्ण; महाराष्ट्रात किती, जाणून घ्या ताजे अपडेट

भाजप विरोधात एकास एक उमेदवार देणार

२०१४ ला भाजपला कमळाच्या चिन्हावर ३१ टक्के मतं पडली होती. २०१९ ला त्यांना ३७ टक्के मतं पडली होती ती बालाकोटच्या मुद्यामुळं वाढली होती. महागाई, शेतकरी आत्महत्या आणि बेरोजगारीच्या मुद्यावर भाजपला पडणारी मतं कमी होतील, असं पृथ्वीराज चव्हाण म्हणाले. इंडिया आघाडीचा प्रयत्न एकास एक उमेदवार देऊन मतांची विभागणी टाळण्याचा प्रयत्न असल्याचं पृथ्वीराज चव्हाण यांनी सांगितलं. लोकसभा निवडणुकीला मतविभाजन टाळण्याचा इंडियाचा प्रयत्न आहे. ५४२ पैकी ४०० ते ४५० जागांवर उमेदवार एकास एक उभे केले तरी इतिहास घडेल, असं पृथ्वीराज चव्हाण म्हणाले. निवडणुकीत अंकगणित असतं त्यासाठी मतविभागणी टाळण्याचा प्रयत्न आहे. मोदींचा प्रयत्न मतविभागणी करण्याचा प्रयत्न असतो. गेल्या निवडणुकीत वंचितमुळं आघाडीचे ८ उमेदवार पडले, असं पृथ्वीराज चव्हाण म्हणाले.
राऊतांच्या डोक्यावर परिणाम झालाय, त्यांनी कुणाकुणाची आयुष्य उद्ध्वस्त केली ती यादीच देतो, विखे पाटलांचा पलटवार
नरेंद्र मोदी यांनी १५ लाख, २ कोटी नोकऱ्या देण्याचं आश्वासन दिलं होतं ते काय पूर्ण झालेलं नाही, असंही पृथ्वीराज चव्हाण म्हणाले. रस्त्यावरच्या लढाईत संविधान वाचवायचीय, लोकशाही वाचवायचीय यासाठी लढू असं पृथ्वीराज चव्हाण म्हणाले. पक्षांतर बंदी कुचकामी कायदा असून कचऱ्याच्या टोपलीत फेकण्याची गरज आहे आणि एक सोपा कायदा आणला पाहिजे, असंही पृथ्वीराज चव्हाण म्हणाले.
रोहित शर्माच्या फोटोसह मुंबई इंडियन्सची नवीन पोस्ट, नेमकं लिहिलं तरी काय आहे वाचा…
Read Latest Maharashtra News And Marathi News

Source link

Leave A Reply

Your email address will not be published.