Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
लोकसभेसाठी रामटेकमध्ये जोरदार चुरस, कुणाल राऊतांपाठोपाठ किशोर गजभियेही इच्छुक, काँग्रेसकडून चाचपणी
म.टा. विशेष प्रतिनिधी, नागपूर: लोकसभा निवडणुकीसाठी रामटेक मतदारसंघात युवकचे प्रदेशाध्यक्ष कुणाल राऊत पाठोपाठ गेल्या निवडणुकीत पराभूत झालेले किशोर गजभिये यांनीही इच्छा व्यक्त केल्याने चुरस उद्भवण्याची शक्यता आहे. नागपुरात माजी आमदार अशोक धवड यांनीही दावा केला.
लोकसभा निवडणुकीसाठी काँग्रेसने इच्छुकांकडून अर्ज मागवले आहे. आघाडीतील मित्रपक्षांशी वाटाघाटी सुरू होण्यापूर्वीच काँग्रेसच्या भूमिकेमुळे संभ्रमावस्था उद्भवली आहे. प्रदेशाध्यक्ष नाना पटोले यांनी पक्षाचा स्थापन दिवस होताच आक्रमक पवित्रा घेतला. संघटनात्मक फेरबदल करून देवानंद पवार यांच्या जागेवर नाना गावंडे यांची नियुक्ती केली. दुसऱ्याच दिवशी दिल्लीत बैठक होताच इच्छुकांकडून अर्ज मागवले. ही प्रक्रिया सुरू असतानाच सर्व जागांवर समन्वयक नियुक्त केले. बुधवारपर्यंत प्रदेश कार्यालयाकडे पाठवण्याची सूचना केली आहे. त्यानुसार शहर व जिल्हा काँग्रेसकडून आज, बुधवारी रात्री ८ वाजता प्रदेश कार्यालयाकडे यादी पाठवण्यात येणार आहे. इकडे निवडणुकीची तयारी चालली असताना असंतुष्टांनी पक्षाध्यक्ष मल्लिकार्जुन खरगे यांच्याकडे उमेदवारांसाठी फॉर्म्युला सादर केला. इतकेच नव्हे तर, प्रदेशाध्यक्ष बदलण्याची मागणीही केली.
लोकसभा निवडणुकीसाठी काँग्रेसने इच्छुकांकडून अर्ज मागवले आहे. आघाडीतील मित्रपक्षांशी वाटाघाटी सुरू होण्यापूर्वीच काँग्रेसच्या भूमिकेमुळे संभ्रमावस्था उद्भवली आहे. प्रदेशाध्यक्ष नाना पटोले यांनी पक्षाचा स्थापन दिवस होताच आक्रमक पवित्रा घेतला. संघटनात्मक फेरबदल करून देवानंद पवार यांच्या जागेवर नाना गावंडे यांची नियुक्ती केली. दुसऱ्याच दिवशी दिल्लीत बैठक होताच इच्छुकांकडून अर्ज मागवले. ही प्रक्रिया सुरू असतानाच सर्व जागांवर समन्वयक नियुक्त केले. बुधवारपर्यंत प्रदेश कार्यालयाकडे पाठवण्याची सूचना केली आहे. त्यानुसार शहर व जिल्हा काँग्रेसकडून आज, बुधवारी रात्री ८ वाजता प्रदेश कार्यालयाकडे यादी पाठवण्यात येणार आहे. इकडे निवडणुकीची तयारी चालली असताना असंतुष्टांनी पक्षाध्यक्ष मल्लिकार्जुन खरगे यांच्याकडे उमेदवारांसाठी फॉर्म्युला सादर केला. इतकेच नव्हे तर, प्रदेशाध्यक्ष बदलण्याची मागणीही केली.
नागपूर लोकसभा मतदारसंघात प्रबळ दावेदार मानल्या जाणाऱ्या एकाही बड्या नेत्याने अर्ज भरलेला नाही. उमेदवारीसाठी चर्चेत असलेली नावेही यापासून दूर आहेत. त्यामुळे ऐनवेळी उमेदवार जाहीर होईल का, अशी चर्चाही सुरू झाली. माजी आमदार अशोक धवड यांनी थेट लोकसभेवर दावा केला. युवक काँग्रेसचे राष्ट्रीय सरचिटणीस बंटी शेळके यांनीही तयारी केली आहे. गेल्या विधानसभा निवडणुकीत मध्य नागपुरात त्यांचा निसटता पराभव झाला. शहर सरचिटणीस ॲड. अशोक यावले, जयंत दळवी, राजेश काकडे, सुरेश वर्षे, मनोहर थुल, ज्ञानेश्वर ठाकरे, रवी पराते, रवी सोमकुंवर, सर्फराज खान, फिरदोस खान, सुनील ढोले, निलू ढोले, संध्या ठाकरे अशा १५ इच्छुकांनी अर्ज भरले आहेत.
रामटेक लोकसभा मतदारसंघात सर्वात आधी युवक काँग्रेसचे प्रदेशाध्यक्ष कुणाल राऊत यांनी दावा केला. त्यांनी सुरुवातीलाच जिल्हाध्यक्ष राजेंद्र मुळक यांच्याकडे अर्ज सादर केला. त्यांच्यासोबत राष्ट्रीय सचिव अजितसिंह, प्रदेश सरचिटणीस श्रीनिवास नार्लावर, पंकज सावरकर, आसिफ शेख, प्रणित जांभुळे, नीरज लोणारे, मुरली शाहू, सतीश पाली, नीलेश खोब्रागडे, आकाश इंदूरकर, निशाद इंदूरकर, जैनुल ओवेस, नागेश गिन्ने, रौनक नांदगावे आदी उपस्थित होते.
गेल्या निवडणुकीत उमेदवार राहिलेले किशोर गजभिये यांनी परत दावा केला आहे. त्यांनीही राजेंद्र मुळक यांच्याकडे अर्ज दिला. गेल्या निवडणुकीत त्यांना ४ लाख ७० हजार मते मिळाली. त्यांचा सुमारे १ लाख २६ हजार मतांनी पराभव झाला. निवृत्त सनदी अधिकारी गजभिये यांनी बसपपासून राजकीय प्रवास सुरू केला. यानंतर ते लगेच काँग्रेसमध्ये गेले. अर्ज सादर करताना नेमावती माटे, कुणाल निमगडे, प्रवीण ढोके, सुमेध भगत आदी होते. रामटेक लोकसभा मतदारसंघात सर्वसामान्य कार्यकर्त्याला उमेदवारी द्यावी, अशी मागणी विदर्भ ऑटोरिक्षा चालक फेडरेशनचे अध्यक्ष व शहर काँग्रेसचे उपाध्यक्ष विलास भालेकर यांनी जिल्हाध्यक्ष राजेंद्र मुळक यांच्याकडे केली. तसेच, उमेदवारीसाठी अर्ज सादर केला. यावेळी युवकचे प्रदेश सचिव सुमित भालेकर, योगेश गोमासे, राजू इंगळे, नरेंद्र वाघमारे, राजू वैरागडे, उमेश पिंगळे, जावेद शेख यांच्यासह आदी विविध ऑटोरिक्षा चालक संघटनेचे पदाधिकारी उपस्थित होते.