सॅमसंग-रियलमीची सुट्टी करण्यासाठी येत आहेत Poco चे दोन स्मार्टफोन; उद्या होतील भारतात लाँच, ‘इथे’ पाहा लाइव्ह

By tejpolicetimes On Jan 10, 2024

पोको उद्या म्हणजे ११ जानेवारीला आपली एक्स६ सीरीज लाँच करत आहे, ह्या सीरिजमध्ये Poco X6 आणि Poco X6 Pro मोबाइल बाजारात येतील. फोन्समध्ये युजर्सना वेगन लेदर डिजाइन, १२० हर्ट्झ रिफ्रेश रेट असलेला अ‍ॅमोलेड डिस्प्ले, मीडियाटेक डायमेन्सिटी चिपसेट असे अनेक फीचर्स दिले जातील. जर तुम्हाला ह्या सीरिजचा लाँच इव्हेंट लाइव्ह पाहायचा असेल तर ह्या पोस्टमध्ये संपूर्ण माहिती देण्यात आली आहे.

Poco X6 सीरीज लाँच इव्हेंट कुठे पाहता येईल

Poco X6 सीरीज अंतगर्त Poco X6 5G आणि Poco X6 Pro 5G मोबाइल्स ११ जानेवारीला लाइव्ह इव्हेंटच्या माध्यमातून सादर होतील. हा इव्हेंट युट्युब प्लॅटफॉर्मवर संध्याकाळी ५ वाजून ३० मिनिटांनी लाइव्ह दाखवला जाईल. लाँच नंतर हा नवीन पोको मोबाइल्स ई-कॉमर्स प्लॅटफॉर्म फ्लिपकार्टवर सेलसाठी उपलब्ध होईल. Poco X6 5G आणि Poco X6 Pro 5G डिटेल्स आणि मायक्रो साइट आधीच लाइव्ह करण्यात आली आहे.

POCO X6 सीरीजचे संभाव्य स्पेसिफिकेशन्स

Poco X6 5G आणि Poco X6 Pro 5G मध्ये ब्रँड ६.६७-इंच अ‍ॅमोलेड डिस्प्ले देऊ शकतो. जो १.५के रिजॉल्यूशन, १२० हर्ट्झ रिफ्रेश रेट, १२-बिट कलर, १,८०० निट्स ब्राइटनेस मिळू शकते. POCO X6 आणि POCO X6 Pro अँड्रॉइड १४ आधारित हायपरओएसवर चालेल.

प्रो मॉडेलमध्ये मीडियाटेक डायमेन्सिटी ८३०० अल्ट्रा चिपसेट असल्याचं कंफर्म आहे. वॅनिला मॉडेल Poco X6 स्नॅपड्रॅगन ७एस जेन २ प्रोसेसरसह येऊ शकतो. दोन्ही फोन्समध्ये १६जीबी पर्यंत एलपीडीडीआर५एक्स रॅम आणि ५१२जीबी पर्यंत इंटरनल स्टोरेज मिळू शकतो.

POCO X6 सीरीज मॉडेलमध्ये OIS सह ट्रिपल रियर कॅमेरा मिळू शकतो. ज्यात ६४एमपीचा प्रायमरी कॅमेरा, ८एमपीचा सेकंडरी आणि २एमपीचा थर्ड सेन्सर दिला जाऊ शकतो. तसेच, सेल्फी आणि व्हिडीओ कॉलिंगसाठी १६एमपीचा फ्रंट कॅमेरा मिळण्याची शक्यता आहे.

POCO X6 Pro मध्ये ९०वॉट फास्ट चार्जिंग टेक्नॉलॉजीसह ५,५००एमएएचची बॅटरी दिली जाऊ शकते. तर POCO X6 मध्ये ६७वॉट फास्ट चार्जिंगसह ५,१००एमएएचची बॅटरी दिली जाऊ शकते.

Source link