Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
इंजेक्शन देऊन २२ जानेवारीला डिलीव्हरी हवी, ‘श्रीराम मुहूर्ता’च्या आग्रहावर प्रसूतितज्ज्ञ म्हणतात
म. टा. प्रतिनिधी, पुणे : अयोध्या येथील श्रीराम मंदिरातील मूर्तीची प्राणप्रतिष्ठा २२ जानेवारीला होत असल्याने देशात वेगळाच उत्साह संचारला असतानाच याच मुहूर्तावर बाळाचा जन्म व्हावा, अशी इच्छा गर्भवतींनी व्यक्त केली आहे. कळा येण्याचे इंजेक्शन देऊन २२ जानेवारीला नियोजित प्रसूती करता येईल का, अशी विचारणा शहरातील प्रसूतिगृहांमध्ये करण्यात येत आहे. ‘इच्छा व्यक्त करण्यात गैर नाही मात्र; विशिष्ट दिवशीच प्रसूती व्हावी असा आग्रह धरणे चुकीचे आहे,’ असे प्रसूतितज्ज्ञांचे म्हणणे आहे.
‘विशिष्ट दिवशी किंवा विशिष्ट मुहूर्तावर बाळाचा जन्म व्हावा, यासाठी नियोजित प्रसूती करण्याचा अनेक जण आग्रह धरतात. दर वर्षी गुढीपाडवा, १५ ऑगस्ट, २६ जानेवारी आणि अन्य शुभ मुहूर्तांवर प्रसूती करण्यावर अनेकांचा भर असतो,’ असे प्रसूतीतज्ज्ञांनी सांगितले.
बावीस जानेवारीला प्रसूती करण्याची इच्छा काही गर्भवतींनी व्यक्त केली आहे. विशिष्ट दिवशी किंवा मुहूर्तावर बाळाला जन्म देण्याची इच्छा नेहमीच व्यक्त करण्यात येते. मात्र, गर्भधारणेचा कालावधी आणि महिलेची प्रकृती लक्षात घेऊनच प्रसूतीची तारीख दिले जाते.
बावीस जानेवारीला प्रसूती करण्याची इच्छा काही गर्भवतींनी व्यक्त केली आहे. विशिष्ट दिवशी किंवा मुहूर्तावर बाळाला जन्म देण्याची इच्छा नेहमीच व्यक्त करण्यात येते. मात्र, गर्भधारणेचा कालावधी आणि महिलेची प्रकृती लक्षात घेऊनच प्रसूतीची तारीख दिले जाते.
डॉ. मीनू अगरवाल, अध्यक्ष, ‘पुणे ऑब्स्टेट्रिक अँड गायनॅकोलॉजिकल सोसायटी’
अनेकांकडून शुभ मुहूर्तावर प्रसूती करण्याची इच्छा व्यक्त केली जाते. २२ जानेवारीला प्रसूती करता येईल का, अशी विचारणा काही गर्भवतींनी केली आहे. गर्भवती आणि बाळाच्या प्रकृतीचा विचार करून प्रसूती करण्याचा निर्णय डॉक्टर घेत असतात. वेळेच्या आधी प्रसूती केल्यास काही वेळा आई आणि बाळाच्या आरोग्याला धोका निर्माण होऊ शकतो. ३९ आठवडे पूर्ण झालेल्या महिलांची काही वेळा नियोजित प्रसूती केली जाते.
डॉ. मीनाक्षी देशपांडे, स्त्रीरोग आणि प्रसुतितज्ज्ञ
अशी डिलीव्हरी ठरू शकते घातक
अनेक डॉक्टरांनी अशा (सीजर) डिलीव्हरीला विरोध दर्शवला आहे. कारण असे केल्याने ती महिला आणि जगात येणार बाळ दोघांच्याही आयुष्याला धोका असू शकतो, असे डॉक्टरांचे म्हणणे आहे. मात्र मुदतीपूर्वीच डिलीव्हरी झाल्यास धोका असतो, अनेक जोडप्यांचे त्याकडे दुर्लक्ष होते, असे डॉक्टरांनी नमूद केले.
मुदतपूर्व प्रसूती कोणाची केली जाते?
– सहव्याधी असलेल्या गर्भवती.
– गर्भवतीच्या प्रकृतीनुसार सिझेरियन पद्धतीनेच प्रसूती करणे आवश्यक असल्यास.
– प्रसूती काळात गर्भवतीला आजार झाल्यास.
– गर्भात बाळाला योग्य रक्तपुरवठा न झाल्यास. होणे.
-पहिलीच प्रसूती असेल, तर काही वेळा नियोजन करून सिझेरियन केले जाते.
शहरातील काही वर्षांतील प्रसूती
वर्ष संख्या
२०२०-२१ – ६१,३४४
२०२१-२२ – ५९,७७४
२०२२-२३ – ५७,१०७
२०२३-२४ – ३६,२५४*
(*एप्रिल ते नोव्हेंबर)
Read Latest Maharashtra Updates And Marathi News