Tej Police Times
पदवी प्रमाणपत्रावरील मराठी नावाचा तपशील तपासणीसाठी उपलब्ध; २३ जानेवारीपर्यंत करता येणार दुरूस्ती
Mumbai University Convocation : मुंबई विद्यापीठाचा २०२३ चा दीक्षान्त समारंभ दि. ७ फेब्रुवारी २०२४ रोजी संपन्न होणार आहे. यासाठी प्रथम सत्र २०२३ मध्ये विद्यापीठाने घेतलेल्या विविध पदवी व पदव्युत्तर अभ्यासक्रमाच्या परीक्षा उत्तीर्ण झालेल्या विद्यार्थ्यांचे पदवी प्रमाणपत्रावर मराठी (देवनागरी ) नाव अचूक यावे म्हणून मराठी (देवनागरी ) नावातील संभाव्य चुका टाळण्यासाठी सर्व विद्यार्थ्यांच्या माहितीसाठी व पडताळणीसाठी विद्यार्थ्यांचा तपशील विद्यापीठाच्या www.mu.ac.in या संकेतस्थळावर दि. १७ जानेवारी २०२४ पासून ते २३ जानेवारी २०२४ रोजी सायंकाळी ५ वाजेपर्यंत तपासणीसाठी उपलब्ध करून देण्यात येत आहे.
सर्व विद्यार्थी व महाविद्यालयांनी विद्यापीठाच्या संकेतस्थळास भेट देऊन आपला मराठीतील (देवनागरी ) नावाचा तपशील अचूक आहे का हे पहावे व आवश्यक त्या दुरुस्त्या कराव्यात असे आवाहन विद्यापीठाचे परीक्षा व मूल्यमापन मंडळाचे संचालक डॉ. प्रसाद कारंडे यांनी केले आहे.
सर्व विद्यार्थी व महाविद्यालयांनी विद्यापीठाच्या संकेतस्थळास भेट देऊन आपला मराठीतील (देवनागरी ) नावाचा तपशील अचूक आहे का हे पहावे व आवश्यक त्या दुरुस्त्या कराव्यात असे आवाहन विद्यापीठाचे परीक्षा व मूल्यमापन मंडळाचे संचालक डॉ. प्रसाद कारंडे यांनी केले आहे.
तसेच जे विद्यार्थी आणि महाविद्यालये वरील लिंकवरून डेटा मिळवू शकत नाहीत किंवा त्यांना महाविद्यालयाचे नाव, विद्यार्थ्यांचे नाव, ग्रेड इत्यादींबाबत काही शंका असल्यास त्यांनी २३ जानेवारी २०२४ पूर्वी muconvo2023@mu.ac.in या ईमेल आयडीवर ईमेल पाठवावा असे गुण व प्रमाणपत्रे विभागाचे उपकुलसचिव हिम्मत चौधरी यांनी सांगितले.
मराठीतील (देवनागरी ) नावाचा तपशील पाहण्यासाठी महाविद्यालय व विद्यार्थ्यांसाठी संकेतस्थळावर खालीलप्रमाणे स्वतंत्र लिंक दिलेली आहे.
1. www.mu.ac.in -> Exam & Result -> Examination -> Convocation Marathi Name Correction for Colleges
(The Login ID & Password will be provided by the University )
2. www.mu.ac.in -> Exam & Result -> Examination -> Convocation Marathi Name Correction for Students