रियलमीनं देखील आणली नोट सीरिज! पैसे वसूल परफॉर्मन्स देईल का realme Note 50? जाणून घ्या किंमत आणि फीचर्स

realme Note 50 चे स्पेसिफिकेशन्स

realme Note 50 स्मार्टफोनमध्ये युजर्सना ६.७४ इंचाचा एचडी प्लस एलसीडी डिस्प्ले देण्यात आला आहे. जो १६०० x ७२० पिक्सल रिजॉल्यूशन, २६०पीपीआय पिक्सल डेंसिटी, ९०हर्ट्झ रिफ्रेश रेट आणि १८०हर्ट्झ टच सॅम्पलिंग रेटचा सपोर्ट मिळतो. realme Note 50 फोनचे वजन फक्त १८६ ग्राम आहे.

डिव्हाइसमध्ये UNISOC T612 चिपसेटचा वापर करण्यात आला आहे. जोडीला ४जीबी रॅम आणि ६४जीबी इंटरनल स्टोरेज मिळते. ही इंटरनल स्टोरेज वाढवण्यासाठी मायक्रो एसडी कार्ड स्लॉटचा सपोर्ट देखील आहे. हा मोबाइल अँड्रॉइड १३ आधारित रियलमी युआय टी एडिशनवर चालतो. डिव्हाइसमध्ये ५०००एमएएचची बॅटरी आणि १० वॉट फास्ट चार्जिंगचा सपोर्ट आहे.

कॅमेरा फीचर्स पाहता स्मार्टफोनमध्ये एलईडी फ्लॅशसह १३ मेगापिक्सलचा मुख्य कॅमेरा आणि मोनोक्रोम सेन्सर सेन्सर देण्यात आला आहे. तसेच, सेल्फी आणि व्हिडीओ कॉलिंगसाठी ५ मेगापिक्सलचा फ्रंट कॅमेरा मिळतो. realme Note 50 मध्ये साइड माउंटेड फिंगरप्रिंट सेन्सर, फेस अनलॉक फीचर, आयपी५४ रेटिंग, ३.५मिमी हेडफोन जॅक सारखे अनेक फीचर्स देण्यात आले आहेत.कनेक्टिव्हिटीसाठी डिव्हाइसमध्ये ड्युअल सिम ४जी, वाय-फाय, ब्लूटूथ ५.० जीपीएस यूएसबी टाइप सी पोर्ट मिळतो.

realme Note 50 ची किंमत

नवीन रियलमी नोट ५० ब्रँडचा एकच मॉडेल लाँच केला आहे. ज्यात ४जीबी रॅमसह ६४जीबी स्टोरेज देण्यात आली आहे. या मॉडेलची किंमत ३,५९९ PHP म्हणजे सुमारे ५,४०० भारतीय रुपये आहे. डिवाइस मिडनाइट ब्लॅक आणि स्काय ब्लू अश्या दोन कलर ऑप्शनमध्ये येतो.