Tej Police Times
पुठ्ठ्याच्या कंपनीत अचानक भीषण आग, सिलेंडरचाही स्फोट, कोट्यवधींचे नुकसान, नागरिकांमध्ये भीती
म. टा. वृत्तसेवा, मनमाड: येथील नगरचौकी भागात असलेल्या डीजीआरएस टेक्नोपॅक या पुठ्ठ्याच्या कंपनीला शुक्रवारी सकाळी भीषण आग लागून कंपनीतील सर्व यंत्रसामग्रीसह कच्चा माल आगीच्या भक्ष्यस्थानी पडला. यात दहा ते बारा कोटी रुपयांचे नुकसान झाल्याचा अंदाज आहे. ही आग इतकी भीषण होती की सकाळी अकरा वाजता ती विझविण्यास सुरू झाली. मात्र रात्री उशिरापर्यंत ती धुमसतीच होती.
याबाबत अधिक वृत्त असे की, येथील माजी नगरसेवक व भाजप पदाधिकारी सचिन दराडे व सहकाऱ्यांची नगरचौकी येथे गेल्या सहा वर्षांपासून पुठ्ठ्यापासून खोके तयार करण्याची कंपनी आहे. शुक्रवारी सकाळी अकरा वाजता कंपनीत उत्पादन सुरू करीत असताना वीजपुरवठा खंडित झाला. यावेळी जनरेटर लावत असताना त्याचे शॉर्ट सर्किट होऊन अचानक आग लागली. यावेळी कंपनीत पंधरा ते वीस कर्मचारी हजर होते. या कंपनीशेजारीच असलेल्या निंबस या पाणीबॉटल तयार करण्याच्या कंपनीत उपस्थित अभियंता अभिजित गुजराथी यांनी तातडीने कर्मचाऱ्यांना बाहेर पडण्यास सांगितले. जीवितहानी झाली नाही. बघता बघता आगीने रौद्र रूप धारण केले.
याबाबत अधिक वृत्त असे की, येथील माजी नगरसेवक व भाजप पदाधिकारी सचिन दराडे व सहकाऱ्यांची नगरचौकी येथे गेल्या सहा वर्षांपासून पुठ्ठ्यापासून खोके तयार करण्याची कंपनी आहे. शुक्रवारी सकाळी अकरा वाजता कंपनीत उत्पादन सुरू करीत असताना वीजपुरवठा खंडित झाला. यावेळी जनरेटर लावत असताना त्याचे शॉर्ट सर्किट होऊन अचानक आग लागली. यावेळी कंपनीत पंधरा ते वीस कर्मचारी हजर होते. या कंपनीशेजारीच असलेल्या निंबस या पाणीबॉटल तयार करण्याच्या कंपनीत उपस्थित अभियंता अभिजित गुजराथी यांनी तातडीने कर्मचाऱ्यांना बाहेर पडण्यास सांगितले. जीवितहानी झाली नाही. बघता बघता आगीने रौद्र रूप धारण केले.
कंपनीतील सर्व यंत्रसामग्री, कच्चा माल जळून खाक होऊन कोट्यवधींचे नुकसान झाले. मनमाड, येवला, नांदगाव, मालेगाव या ठिकाणांहून अग्निशामक दलाच्या गाड्या मागविण्यात आल्या. त्यातील पाणी संपल्यानंतर परिसरातील तीन विहिरींचे पाणी भरून आग विझविण्याचे प्रयत्न करण्यात आले. मात्र, रात्री उशिरापर्यंत आग आटोक्यात आलेली नव्हती. मनमाडचे पोलिस उपअधीक्षक सोहेल शेख यांच्यासह चांदवडचे निरीक्षक प्रमोद वाघ, मनमाडचे सहाय्यक निरीक्षक भिसे व पोलिस कर्मचारी घटनास्थळी हजर होते. उशिरा जिल्हा अधीक्षक शहाजी उमाप यांनी भेट देऊन पाहणी केली. सामाजिक कार्यकर्ते भागवत झाल्टे, नगरसेवक योगेश पाटील यांच्यासह विविध कार्यकर्त्यांनी आग विझविण्यासाठी प्रयत्न केले. मनमाडच्या इतिहासातील ही सर्वात मोठी आग असल्याचे स्थानिकांचे म्हणणे आहे.
नागरिकांत भीती
आगीमुळे आकाशात धुराचे प्रचंड लोट पसरल्याने परिसरातील नागरिकांत घबराट पसरली. मोठा आवाज झाल्याने बॉयलर फुटल्याच्या शक्यतेने पळापळ सुरू झाली. मात्र, बॉयलर फुटले नसल्याचे कंपनी प्रशासनाकडून सांगण्यात आले. जवळच असलेल्या कर्मचारी खोलीतील सिलेंडरचा यादरम्यान स्फोट झाल्याचे सांगण्यात आले.