Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
उद्धव ठाकरेंची तोफ नाशिकमध्ये धडाडणार, शिवसैनिकांना लोकसभा निवडणुकीसाठी कानमंत्र देणार
Uddhav Thackeray : उद्धव ठाकरे यांच्या नेतृत्त्वातील शिवसेनेचं महाअधिवेशन २८ वर्षानंतर नाशिकमध्ये होत आहे. अधिवेशनानंतर होणाऱ्या सभेला उद्धव ठाकरे संबोधित करणार आहेत.
हायलाइट्स:
- उद्धव ठाकरेंची तोफ धडाडणार
- नाशिकमध्ये सभा
- शिवसेना ठाकरे गटाचं अधिवेशन
अयोध्येनंतर नाशिकमध्ये महापूजा, उद्धव-रश्मी ठाकरे दोन्ही मुलांसह काळारामाच्या दर्शनाला
पक्षाचे राज्यभरातील सर्व प्रमुख नेते, पदाधिकारी, लोकप्रतिनिधी, तसेच पावणेदोन हजार प्रतिनिधी या महाअधिवेशनाला हजेरी लावणार आहेत. सोमवारी श्री काळारामाचे दर्शन घेऊन आणि गोदाकाठावर महाआरती केल्यानंतर पक्षप्रमुख उद्धव ठाकरे आज, मंगळवारी अधिवेशनाला संबोधित करतील. त्यानंतर सायंकाळी ठाकरे यांची अनंत कान्हेरे मैदानावर सभा होणार असून, त्यात ते काय बोलणार याकडे साऱ्यांचे लक्ष लागले आहे.
राज्यातील सत्तेचा मार्ग शिवसेनेला नाशिकमधूनच १९९५ मधील महाशिबिरातून मिळाला होता. दिवंगत शिवसेनाप्रमुख बाळासाहेब ठाकरे यांनी १९९५ मध्ये पंचवटीतील आर. पी. विद्यालयाच्या प्रांगणात शिवसेनेचे राज्यस्तरीय अधिवेशन घेत ‘दार उघड बये दार उघड’ असे साकडे जगदंबेला घातले होते. त्यानंतर राज्यात शिवसेनेची सत्ता आली होती. या अधिवेशनानंतर शिवसेना राज्यभर विस्तारली. त्यामुळे राज्यातील सत्ता पुन्हा ताब्यात घेण्यासाठी उद्धव ठाकरे यांनी नाशिकचीच निवड केली असून, सोमवारी अयोध्येत पंतप्रधान नरेंद्र मोदींच्या हस्ते सोहळा होत असतानाच नाशिकमध्ये उद्धव ठाकरेंनी श्री काळारामाचे दर्शन आणि गोदाकाठावर आरती करून वातावरणनिर्मिती केली. आज, मंगळवारी सकाळी दहा ते दुपारी दीडदरम्यान सातपूर येथील हॉटेल डेमोक्रसी येथे शिवसेनेचे (ठाकरे गट) राज्यस्तरीय महाअधिवेशन होत आहे. आगामी लोकसभा, विधानसभा निवडणुकांच्या पार्श्वभूमीवर या अधिवेशनात अनेक महत्त्वपूर्ण निर्णय घेतले जाणार आहेत.
श्री रामाच्या प्राणप्रतिष्ठापनेनंतर काही तासातच मोदींनी केली सर्वात मोठी घोषणा; विजेच्या बिलापासून होणार सुटका, अशी आहे सूर्योदय योजना!
दिग्गज नेते तळ ठोकून
पक्षप्रमुख उद्धव ठाकरे यांचा दौरा आणि राज्यस्तरीय महाअधिवेशनासाठी शिवसेनेचे नेते आणि स्थानिक पदाधिकाऱ्यांनी जय्यत तयारी केली आहे. उद्धव ठाकरेंच्या दौऱ्यात पत्नी रश्मी, मुले आदित्य व तेजस ठाकरेही सहभागी आहेत. त्यामुळे या अधिवेशनाच्या तयारीसाठी खासदार संजय राऊत, विनायक राऊत, अरविंद सावंत, सुनील देसाई यांच्यासह दिग्गज नेते नाशिकमध्ये दाखल झाले आहेत. उपनेते सुनील बागूल, सहसंपर्कनेते दत्ता गायकवाड, जिल्हाप्रमुख विजय करंजकर, महानगरप्रमुख सुधाकर बडगुजर, माजी गटनेते विलास शिंदे, विनायक पांडे, वसंत गिते, माजी नगरसेवक डी. जी. सूर्यवंशी आदींकडून तयारीचा आढावा घेतला जात आहे.पुणे मुंबई एक्स्प्रेस वेबाबत महत्त्वाची अपडेट, तळेगाव, खालापूर टोलनाक्यावरील रांगा कमी होणार,MSRDC चं प्लॅनिंग
Read Latest Maharashtra News And Marathi News
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.