6000mAh च्या अवाढव्य बॅटरीसह बजेट फ्रेंडली स्मार्टफोनची एंट्री; वेगवान डिस्प्लेसह आला बाजारात

By tejpolicetimes On Jan 29, 2024

इनफिनिक्स सतत आपल्या स्मार्ट ८ सीरीजचा विस्तार करत आहे. कंपनीनं काही दिवसांपूर्वी स्मार्ट ८ प्रो जागतिक बाजारात सादर केला होता. तसेच, आता कंपनी Infinix Smart 8 Plus स्मार्टफोन आणला आहे. डिव्हाइसमध्ये युजर्सना ९०हर्ट्झ रिफ्रेश रेट असलेला डिस्प्ले, ६०००एमएएचची मोठी बॅटरी, ४जीबी एक्सटेंडेड रॅमसह ८जीबी पर्यंत रॅम सपोर्ट, ५० मेगापिक्सल कॅमेरा सेटअप सारखे अनेक फीचर्स मिळत आहेत. चला, जाणून घेऊया याची संपूर्ण माहिती.

Infinix Smart 8 Plus चे स्पेसिफिकेशन्स

Infinix Smart 8 Plus मोबाइलमध्ये ६.६ इंचाचा एचडी प्लस आयपीएस एलसीडी डिस्प्ले पॅनल देण्यात आला आहे. यावर ७२० x १६१२ पिक्सल रिजॉल्यूशन, २०:९ अ‍ॅस्पेक्ट रेश्यो, ९०हर्ट्झ रिफ्रेश रेट, ५००निट्स ब्राइटनेससह पंच होल डिजाइन मिळेल. हा फोन अँड्रॉइड १३ गो आधारित एक्सओएस १३ वर चालतो.

कंपनीनं यात मीडियाटेक हेलिओ जी३६ एंट्री लेव्हल चिपसेट दिला आहे. जोडीला ४जीबी एलपीडीडीआर४एक्स रॅम आणि १२८जीबी पर्यंत इंटरनल स्टोरेज देण्यात आली आहे. स्टोरेज वाढवण्यासाठी मायक्रो एसडी कार्ड स्लॉट आणि रॅम वाढवण्यासाठी एक्सटेंडेड ४जीबी रॅमचा सपोर्ट पण मिळतो.

स्मार्टफोन ड्युअल रियर कॅमेरा सेटअपसह बाजारात आला आहे. ज्यात ५० मेगापिक्सलचा प्रायमरी कॅमेरा आणि एआय लेन्स मिळते, सोबत क्वॉड एलईडी फ्लॅश देण्यात आला आहे. तसेच, सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा मिळतो.

पावर बॅकअपसाठी ६०००एमएएचची बॅटरी मिळते, जी चार्ज करण्यासाठी १८वॉट फास्ट चार्जिंगचा सपोर्ट आहे. ही बॅटरी यूएसबी टाइप सी पोर्टनं चार्ज होते. डिव्हाइसमध्ये युजर्सना ड्युअल सिम ४जी, वाय-फाय, ब्लूटूथ, ३.५मिमी हेडफोन जॅक, साइड माउंटेड फिंगरप्रिंट सेन्सर सारखे फीचर्स मिळतात.

Infinix Smart 8 Plus ची किंमत

Infinix Smart 8 Plus कंपनीनं दोन स्टोरेज ऑप्शनमध्ये बाजारात आणला आहे. ज्यात ४जीबी रॅम + ६४जीबी स्टोरेज आणि ४जीबी रॅम +१२८GB स्टोरेजचा समावेश आहे. डिवाइसची किंमत सध्या कंपनीनं वेबसाइटवर लिस्ट केली नाही, परंतु ही किंमत बजेटमध्ये असण्याची शक्यता जास्त आहे. तसेच डिव्हाइस टिंबर ब्लॅक, गॅलेक्सी वाइट आणि शायनी गोल्ड अश्या ३ कलर ऑप्शनमध्ये येईल.

Source link