मुंबईकरांनो कार पार्किंगचं टेन्शन मिटलं, मोबाईलवर समजणार पार्किंग; महापालिकेकडून अॅपनिर्मिती

फसगत होऊ द्या नाहीतर काहीही होऊ द्या, मी मराठ्यांना आरक्षण मिळवून देण्यासाठी खंबीर – जरांगे
मुंबईतील काही भागात पार्किंग आणि नो पार्किंग क्षेत्रही आहे. सध्या वाहनांच्या एकूण संख्येच्या तुलनेत पार्किंगची उपलब्धता मात्र नाही. त्यामुळे नेमके पार्किंग कुठे करावे, असा प्रश्न वाहनचालकांना पडतो. यावर उपाय म्हणून पालिकेने, मोबाइलवर पार्किंगच्या जागांची उपलब्धता समजेल, अशी ॲप सेवा विकसित करण्याचा निर्णय घेतला आहे.

सरकारी, खासगी कार्यालयांच्या जागेबरोबरच निवासी सोसायट्यांच्या जागांमध्येही वाहनांना पार्किंग मिळेल की नाही, ते या ॲपद्वारे समजणार आहे. त्यानुसार जवळच उपलब्ध असलेल्या जागेत वाहनचालक आपले वाहन उभे करू शकेल. त्याचे दरही निश्चित केले जाणार आहेत. यातून पालिकेला आणि सोसायट्यांनाही उत्पन्न मिळणार आहे. यातील सॉफ्टवेअर कामासाठी निविदा काढण्यात आली असून त्यावर काम सुरू आहे. तर हार्डवेअरसह अन्य कामांसाठी लवकरच निविदा काढली जाईल, अशी माहिती मुंबई महानगरपालिकेचे अतिरिक्त आयुक्त (प्रकल्प) पी. वेलरासू यांनी दिली. या निविदा मंजुरीसाठी आयुक्तांकडे प्रस्ताव पाठवण्यात आल्याचे ते म्हणाले. पीपीपी मॉडेलवरच हा प्रकल्प राबविला जाणार आहे. पार्किंग सुविधा असलेल्या जागेवर सीसीटिव्ही आधारित सेन्सर बसवण्यात येणार असून ही कामे कंत्राटदार कंपनीकडूनच केली जाणार असल्याची माहिती वेलरासू यांनी दिली.

सॉफ्टवेअर कामासाठी निविदा

मंजुरीसाठी आयुक्तांकडे

पीपीपी मॉडेलवरच प्रकल्प

वाहनतळ प्राधिकरण प्रस्ताव

सध्या मुंबई महापालिकेकडून वाहनतळ प्राधिकरण स्थापन करण्याच्या प्रक्रियेस सुरुवात झाली आहे. विकास नियंत्रण व प्रोत्साहन नियमावली २०३४मधील विशेष तरतुदी अंतर्गत ५१ नुसार प्राधिकरण स्थापन केले जाणार आहे. याच्या मंजुरीसाठीचा प्रस्ताव राज्य सरकारकडेही पाठवण्यात आल्याचे वेलरासू यांनी सांगितले. नवीन वाहनतळ निर्माण करणे, व्यवस्थापन आणि नवीन दर रचनेसह मुंबई वाहनतळ धोरणाची अंमलबजावणी, वाहनतळांकरिता माहितीपूर्ण चिन्हे बसवण्याकरिता मार्गदर्शक तत्त्वे तयार करणे इत्यादी कामे या प्राधिकरणामार्फत होतील.

कोल्हापूर: उपमुख्यमंत्री पवारांची बैठक सुरू असताना जिल्हाधिकारी कार्यालयाबाहेर कुटुंबाचा आत्मदहनाचा प्रयत्न; पोलिसांची एकच तारांबळ