Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
भारताच्या बीआयएस वेबसाइटवर दिसल्यानंतर Samsung Galaxy A35 5G ब्लूटूथ एसआयजी सर्टिफिकेशन आणि GCF (ग्लोबल सर्टिफिकेशन फोरम) साइटवर लिस्ट झाला आहे. त्याचबरोबर Galaxy A55 5G देखील जीसीएफवर दिसला आहे. त्यामुळे फोन लवकरच लाँच होईल याची खात्री झाली आहे. विशेष म्हणजे गॅलेक्सी ए५५ आधीच Bluetooth SIG वर दिसला आहे. चला, जाणून घेऊया ए३५ च्या ताज्या लिस्टिंगमधून समोर आलेली माहिती.
सॅमसंग गॅलेक्सी ए३५ ब्लूटूथ SIG आणि GCF लिस्टिंग
ब्लूटूथ SIG सर्टिफिकेशन साइटवर आगामी गॅलेक्सी ए३५ चा मॉडेल नंबर SM-A356U आणि SM-A35B आहे. वेबसाइट लिस्टिंगनुसार, सॅमसंग गॅलेक्सी ए३५ ५जी डिवाइस ब्लूटूथ ५.३ सह येईल. GCF लिस्टिंगमध्ये गॅलेक्सी A35 चा मॉडेल नंबर SM-A356E आणि SM-A356E/DS सह दिसला आहे. ही लिस्टिंग २९ जानेवारीची आहे. सॅमसंग गॅलेक्सी A55 5G पाहता GCF लिस्टिंगमध्ये हा मॉडेल नंबर SM-A556B/DS, SM-A56E/DS आणि SM-A556E सह दिसला आहे.
Samsung Galaxy A35 5G चे स्पेसिफिकेशन्स (संभाव्य)
Samsung Galaxy A35 5G मध्ये ६.६ इंचाचा सुपर अ‍ॅमोलेड डिस्प्ले दिला जाऊ शकतो. या पॅनलवर १२०हर्ट्झ रिफ्रेश रेट आणि हाय रिजॉल्यूशन मिळण्याची शक्यता आहे. हा डिव्हाइस काही दिवसांपूर्वी गीकबेंच वेबसाइटवर दिसला होता, तिथल्या माहितीनुसार, हा एक्सिनॉस १३८० चिपसेटसह येऊ शकतो. गीकबेंच लिस्टिंगमध्ये हा डिव्हाइस ६जीबी रॅमसह येईल असं समजलं आहे.
कॅमेरा फीचर्स पाहता Samsung Galaxy A35 5G मध्ये आधीच्या मॉडेल प्रमाणे ट्रिपल रियर कॅमेरा सेटअप दिला जाऊ शकतो. ज्यात ५० मेगापिक्सलची प्रायमरी कॅमेरा लेन्स मिळू शकते. तसेच, सेल्फी आणि व्हिडीओ कॉलिंगसाठी ३२ मेगापिक्सलची फ्रंट कॅमेरा लेन्स दिली जाऊ शकते. फोनच्या बॅटरी बाबत माहिती मिळाली नाही परंतु TUV लिस्टिंगमध्ये स्मार्टफोन २५ वॉट फास्ट चार्जिंगसह येईल असं सांगण्यात आलं आहे. ऑपरेटिंग सिस्टम पाहता Samsung Galaxy A35 5G लेटेस्ट अँड्रॉइड १४ वर आधारित असू शकतो.