रेडमी-रियलमीचं दुकान बंद करण्यासाठी आला स्वदेशी स्मार्टफोन; किंमत फक्त ६७९९ रुपये

LAVA Yuva 3 ची किंमत

लावा मोबाइल्सनं आपला नवीन स्मार्टफोन दोन स्टोरेज व्हेरिएंट्समध्ये लाँच केला आहे. दोन्हीमध्ये ४जीबी रॅम मिळतो. फोनच्या ६४जीबी स्टोरेज मॉडेलची किंमत ६,७९९ रुपये आहे. तर LAVA Yuva 3 १२८जीबी स्टोरेज व्हेरिएंटची किंमत ७,२९९ रुपये आहे. हा मोबाइल Eclipse Black, Cosmic Lavender आणि Galaxy White कलरमध्ये येत्या १० फेब्रुवारीपासून सेलसाठी उपलब्ध होईल. तर शॉपिंग साइट अ‍ॅमेझॉनवर लावा युवा ३ ची विक्री ७ फेब्रुवारीपासून सुरु होईल.

LAVA Yuva 3 चे स्पेसिफिकेशन्स

हा लावा स्मार्टफोन अँड्रॉइड १३ ओएसवर लाँच झाला आहे जो २ वर्षांच्या ओएस व सिक्योरिटी अपडेटसह आला आहे. तसेच प्रोसेसिंगसाठी ह्यात यूनिसोक टी६०६ ऑक्टाकोर प्रोसेसर देण्यात आला आहे. लावा युवा ३ ४जीबी रॅमला सपोर्ट करतो. या फोनमध्ये ४जीबी एक्सपांडेबल रॅम टेक्नॉलॉजी देखील आहे जी फोनच्या फिजिकल रॅममध्ये एक्स्ट्रा ४जीबी वचुर्अल रॅम जोडून ८जीबी रॅमची ताकद देते. यात १२८जीबी पर्यंत UFS 2.2 ROM स्टोरेज मिळते.

पावर बॅकअपसाठी हा फोन ५,०००एमएएचच्या बॅटरीसह बाजारात आला आहे. तसेच ही मोठी बॅटरी वेगानं चार्ज करण्यासाठी युवा ३ मध्ये १८वॉट फास्ट चार्जिंग टेक्नॉलॉजी देण्यात आली आहे. सिक्योरिटी यात साइड माउंटेड फिंगरप्रिंट सेन्सर तसेच फेस अनलॉक फीचर आहे. तथा हा फोन ३.५mm जॅकला देखील सपोर्ट करतो.

LAVA Yuva 3 मध्ये ६.५ इंचाचा एचडी+ डिस्प्ले देण्यात आला आहे. ही स्क्रीन पंच होल स्टाइलवर बनली आहे आणि ९०हर्ट्झ रिफ्रेश रेटवर चालते. फोटोग्राफीसाठी LAVA Yuva 3 ट्रिपल रियर कॅमेऱ्याला सपोर्ट करतो. याच्या बॅक पॅनलवर एलइडी फ्लॅशसह १३ मेगापिक्सलचा मेन सेन्सर देण्यात आला आहे. तसेच सेल्फी आणि व्हिडीओ कॉलिंगसाठी हा फोन ५ मेगापिक्सलच्या फ्रंट कॅमेऱ्याला सपोर्ट करतो.