Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Xiaomi चा एक नवीन स्मार्टफोन Redmi A3 बद्दल गेले अनेक दिवसांपासून माहिती समोर येत आहे. तसेच, डिवाइस NBTC आणि TDRA सर्टिफकेशन्स साइटवर दिसल्यानंतर मार्केटिंग मटेरियलच्या माध्यमातून समोर आला आहे. आशा आहे की फोन लवकरच लाँच होईल. लीक झालेल्या ब्रोशरमधून याच्या डिजाइन आणि प्रमुख स्पेसिफिकेशन्सची माहिती मिळाली आहे. ज्यात ६.७१-इंचाचा ९०हर्ट्झ रिफ्रेश रेट असलेला डिस्प्ले आणि ५,०००एमएएचची बॅटरी मिळू शकते. चला जाणून घेऊया या फोन बाबत समोर आलेली नवीन माहिती.
Redmi A3 ची डिजाइन (लीक)
एका आफ्रिकन रिटेलरच्या माध्यमातून एक पोस्टर लीक झाला आहे, जो PassionateGeekz या वेबसाइटनं ऑनलाइन शेयर केला आहे. Redmi A2 की तुलनेत याची डिजाइन मोठ्याप्रमाणात बदलली आहे, याच्या मागे मोठा गोलाकार कॅमेरा मॉड्यूल असेल. असा कॅमेरा मॉड्यूल शाओमी १३ अल्ट्रा मध्ये पाहायला मिळाला होता, जो शाओमीचा सर्वात महागडा फोन आहे. आगामी रेडमी ए३ चे तीन ३ कलर व्हेरिएंट येतील, ज्यात काळ्या, निळ्या आणि हिरव्या रंगाचा समावेश आहे.
Redmi A3 चे लीक स्पेसिफिकेशन
फोन एचडी+ रिजोल्यूशन (१६००×७२०), ९० हर्ट्झ रिफ्रेश रेट, १२० हर्ट्झ टच सॅम्पलिंग रेट, ४०० निट्स पीक ब्राइटनेस आणि गोरिल्ला ग्लास प्रोटेक्शनसह ६.७१ इंचाच्या एलसीडी स्क्रीनसह येऊ शकतो. यात १०वॉट यूएसबी टाइप सी चार्जिंगसह ५०००एमएएचची बॅटरी मिळू शकते.
लीक झालेल्या मटेरियल नुसार, फोन मीडियाटेक चिपसेटवर चालेल. जोडीला Redmi A3 मध्ये ४जीबी एलपीडीडीआर४एक्स रॅम, ४जीबी व्हर्च्युअल मेमरी आणि १२८जीबी ईएमएमसीई ५.१ स्टोरेजसह येण्याची शक्यता आहे. यात स्टोरेज वाढवण्याचा एक ऑप्शन मिळू शकतो. फोन Android 13 Go वर चालू शकतो.
फोटोग्राफी आणि व्हिडीओग्राफीसाठी यात १३एमपीचा रियर कॅमेरा आणि ८एमपीचा फ्रंट शूटर मिळू शकतो. फोनमध्ये ३.५ मिमी हेडफोन जॅक, सिंगल-बँड वाय-फाय, ब्लूटूथ ५.०, जीपीएस आणि ड्युअल सिम वीओएलटीई देखील असू शकतो. फोनचे वजन १९२ ग्राम असू शकते.
Redmi A3 ची संभाव्य किंमत
रेडमी ए२ स्मार्टफोन भारतात तीन मेमरी व्हेरिएंट्समध्ये लाँच झाला आहे. याच्या बेस मॉडेलमध्ये २जीबी रॅम व ३२जीबी स्टोरेज देण्यात आली आहे ज्याची किंमत ५,९९९ रुपये आहे. त्यामुळे आशा आहे की कंपनी Redmi A3 देखील ६०००-७००० रुपयांच्या बजेटमध्ये सादर करू शकते.