फक्त तीन हजारांत आले Redmi चे स्वस्त आणि मस्त बड्स; आजूबाजूचा आवाज होईल छूमंतर

Xiaomi नं आपले नवीन TWS इअरबड्स म्हणजे Redmi Buds 5 भारतात लाँच केले आहात. यात कंपनीनं 46dB वाइड ANC, तीन ट्रान्सपरन्सी मोड आणि ३८ तास पुरेल इतकी क्षमता असलेली चार्जिंग केस देण्यात आली आहे. हे बड्स फक्त ५ मिनिटांच्या चार्जिंगमध्ये २ तासांचा प्लेटाइम देतात.

Redmi Buds 5 मध्ये १२.४ मिमी डायनॅमिक ड्रायव्हर देण्यात आले आहेत, जे टायटेनियम डायफार्मसह आले आहेत. यामुळे हायफाय साउंड एक्सपीरियन्स मिळतो. यात ब्लूटूथ ५.३ कनेक्टिव्हिटी, गुगल फास्ट पेयरिंग आणि शाओमी इअरबड्स अ‍ॅपच्या मदतीनं तुम्हाला नॉइज कॅन्सलेशन आणि टच कंट्रोल कस्टमायजेशनचा ऑप्शन मिळतो.

Redmi Buds 5 चे स्पेसिफिकेशन्स

यात ब्लूटूथ ५.३, एसबीसी, एएसी कोडॅक, गुगल पेस्ट पेयरिंग आणि ड्युअल डिव्हाइस स्मार्ट कनेक्शन मिळतं. कंपनीनं यात १२.४मिमी चे ड्रायव्हर्स देण्यात आले आहेत. कंपनीनं अर्गोनॉमिक इन-इअर डिजाइनचा वापर केला आहे, सोबत ग्लॉसी नॅनो कोटेड डेकोरेटिव्ह स्ट्राइपचा वापर करण्यात आला आहे.

यात व्होकल साउंड एन्हान्समेंट, ट्रीबल बूस्ट, बास बूस्ट आणि इक्यू साउंड इफेक्टस असे फीचर्स मिळतात. ड्युअल मायक्रोफोन्स एआयच्या माध्यमातून नॉइज रिडक्शन करतात, तसेच ६ माइल्स/ प्रति सेकंड वेगाने वाहणाऱ्या वाऱ्याचा आवाज देखील कमी करू शकतात.

हे अ‍ॅक्टिव्ह नॉइज कॅन्सलेशनच्या मदतीनं ४६ डेसिबल पर्यंत नॉइज रिडक्शन करतात. यासाठी लाइट, बॅलन्स आणि डीप ऑप्शन मिळतात. ट्रान्स्परन्सीसाठी रेग्युलर, एन्हान्स व्हॉइस आणि एन्हान्स अँबीएंट साउंड असेल मोड देण्यात आले आहेत. सोबत ८ कस्टमायजेबल कंट्रोल्स, ४ प्री सेट ऑडिओ इफेक्ट्स, इन इअर डिटेक्शन, इअर टीप फिट टेस्ट, फाईंड युअर इअरफोन्स आणि अँटी लॉस रिमायंडर देखील आहे.

डस्ट आणि स्प्लॅश रेजिस्टंटसाठी कंपनीनं बड्समध्ये आयपी५४ रेटिंग दिली आहे. याच्या चार्जिंग केसचे डायमेन्शन ६१ x ५० x २४.६० मिमी असे आहेत. तर वजन ४२.४७ ग्राम आहे. इअरबड्सचे डायमेन्शन २९.५२ x २१.४४ x २३.४५ मिमी असून जोडीचे वजन १०.२५ ग्राम आहे. यांच्या कस्टमायजेशन आणि अपडेट्ससती शाओमी हेडफोन अ‍ॅपचा वापर करता येईल.

हे इअरबड्स १० तासांपर्यंत बॅटरी लाइफ देतात, परंतु नॉइज रिडक्शनचा वापर केल्यास ८ तास वापरता येतील. तर चार्जिंग केससह ४० तासांचा बॅकअप मिळतो. हे इअरबड्स ५ मिनिटांच्या चार्जिंगमध्ये २ तासांचा प्लेबॅक टाइम देतात. यासाठी कंपनी टाइप सी पोर्टचा वापर केला आहे.

किंमत आणि उपलब्धता

Redmi Buds 5 चे तीन कलर व्हेरिएंट लाँच झाले आहेत, ज्यात फ्युजन व्हाइट, फ्युजन पर्पल आणि फ्युजन ब्लॅक कलरचा समावेश करण्यात आला आहे. यांची किंमत २,९९९ रुपये ठेवण्यात आली असून हे बड्स अ‍ॅमेझॉन, फ्लिपकार्ट, कंपनीच्या वेबसाइटसह रिटेल स्टोर्सवर उपलब्ध होतील. यांची विक्री २० फेब्रुवारीपासून सुरु होईल.

लाँच ऑफर

रेडमी नोट १३ सीरिज किंवा शाओमी पॅड ६ किंवा रेडमी पॅड सोबत Redmi Buds 5 खरेदी केल्यास मर्यादित कालावधीसाठी २,४९९ रुपयांमध्ये विकत घेता येतील.