जबरदस्त १२ जीबी रॅमसह Poco नं लाँच केला नवा फोन; किंमतही आहे खिशाला परवडणारी

चिनी स्मार्टफोन निर्माता Poco नं X6 5G चा 12GB RAM आणि 256GB स्टोरेज असलेला नवीन व्हेरिएंट देशात लाँच केला आहे. हा स्मार्टफोन जवळपास एक महिन्यापूर्वी 8GB/256GB आणि 12GB/512GB व्हेरिएंट्समध्ये सादर करण्यात आला होता. यात प्रोसेसर म्हणून Snapdragon 7s Gen 2 चिपसेटचा वापर करण्यात आलं आहे. Poco X6 5G मध्ये १.५के रिजॉल्यूशनसह अ‍ॅमोलेड डिस्प्ले आणि ट्रिपल रियर कॅमेरा यूनिट देण्यात आला आहे.

Poco X6 5G 12GB RAM व्हेरिएंटची किंमत

फोनच्या नव्या व्हेरिएंटची किंमत २३,९९९ रुपये ठेवण्यात आली आहे. हा Snowstorm White आणि Mirror Black कलर्समध्ये ई-कॉमर्स साइट Flipkart वरून विकत घेता येईल. HDFC, Axis, ICICI आणि SBI bank कार्ड्सचा वापर करून पेमेंट केल्यास किंवा EMI द्वारे खरेदी केल्यास ३,००० रुपयांचा डिस्काउंट मिळू शकतो. याच्या ८ जीबी रॅम व २५६ जीबी स्टोरेज आणि १२ जीबी रॅम व ५१२जीबी स्टोरेज व्हेरिएंट्सची किंमत अनुक्रमे २१,९९९ रुपये आणि २४,९९९ रुपये आहे.

Poco X6 5G चे स्पेसिफिकेशन्स

हा ड्युअल सिम स्मार्टफोन आहे. Poco X6 5G अँड्रॉइड १४ वर आधारित HyperOS वर चालतो. कंपनीनं यात ३ ओएस अपग्रेड आणि चार वर्षांचे सिक्योरिटी अपडेट देणार आहे. यात ६.६७ इंचाच १.५के (१,२२०x२,७१२ पिक्सल) डिस्प्ले १२० हर्ट्झ रिफ्रेश रेट आणि १,८०० निट्सची पीक ब्राइटनेस लेव्हल आहे. तसेच हा डिस्प्ले २४० हर्ट्झ टच सॅम्पलिंग रेट, गोरिल्ला ग्लास विक्टस प्रोटेक्शन आणि एचडीआर१०+ ला सपोर्ट करतो.

दमदार परफॉर्मन्ससाठी फोनमध्ये क्वॉलकॉम स्नॅपड्रॅगन ७एस जेन २ चिपसेटचा वापर करण्यात आला आहे. तर ग्राफिक्ससाठी कंपनीनं एड्रेनो ७१० जीपीयूचा वापर केला आहे. जोडीला १२जीबी पर्यंत एलपीडीडीआर४एक्स रॅम व ५१२जीबी पर्यंत यूएफएस २.२ स्टोरेज देण्यात आली आहे.

या स्मार्टफोनमध्ये ६४ मेगापिक्सलचा प्रायमरी कॅमेरा, ८ मेगापिक्सल अल्ट्रा वाइड-अँगल कॅमेरा आणि २ मेगापिक्सलचा मॅक्रो कॅमेरा आहे. यात सेल्फी आणि व्हिडीओ कॉलसाठी १६ मेगापिक्सलचा कॅमेरा देण्यात आला आहे. या स्मार्टफोनच्या कनेक्टिव्हिटीसाठी 4G LTE, 5G, ब्लूटूथ, NFC, GPS आणि USB Type-C पोर्टचा समावेश आहे. Poco X6 मध्ये ५,१००एमएएचची बॅटरी आहे.