Panasonic नं लाँच केला मॅटर इनेबल्ड एअर कंडीशनर, पाहा वैशिष्ट्ये आणि किंमत

Panasonic नं भारतात मॅटर इनेबल्ड एअर कंडीशनर रेंज सादर केली आहे. ब्रँडनं यात १.०, १.५ आणि २.० टन क्षमता असलेले ६० नवीन मॉडेल आणले आहेत. हे शानदार डिवाइस MirAIe App च्या स्मार्ट कनेक्टिव्हिटी ऑप्शनसह येतात. ज्याच्या मदतीनं युजर्स आपल्या स्मार्टफोनवरूनच ACs कंट्रोल करू शकतात. जर तुम्हाला हे नवीन प्रोडक्ट्स खरेदी करायचे असतील तर फ्लिपकार्ट, अ‍ॅमेझॉन, क्रोमा, रिलायन्स डिजिटल सारखे प्रमुख प्लॅटफॉर्म आणि इतर ऑफलाइन आउटलेट्सवरून घेऊ शकता. चला जाणून घेऊया किंमत आणि स्पेसिफिकेशन्सची माहिती.

Panasonic मॅटर इनेबल्ड एअर कंडीशनरची किंमत

नवीन पॅनासोनिक मॅटर इनेबल्ड एअर कंडीशनर ३३,९९० रुपयांच्या बेस किंमतीत उपलब्ध आहे. यांची किंमत ६६,९९० रुपयांपर्यंत जाऊ शकते. वेगवेगळ्या मॉडेल्सची किंमत वेगवेगळी आहे, असल्यामुळे युजर्सच्या प्रोडक्ट सिलेक्शनवर किंमत आधारित असेल.

या एअर कंडीशनरची विक्री अ‍ॅमेझॉन, फ्लिपकार्ट, क्रोमा, रिलायन्स डिजिटल सारखे प्रमुख प्लॅटफॉर्म आणि अन्य ऑफलाइन आउटलेट्सवर सुरु झाली आहे. ऑफर्स पाहता पॅनासोनिक आपल्या अधिकृत वेबसाइटवर ४,००० रुपयांपर्यंतची सूट देखील देत आहे. ही ऑफर फक्त मर्यदित कालावधीसाठी असेल. ग्राहक एचडीएफसी बँक, बँक ऑफ बडौदा, एचएसबीसी आणि स्टँडर्ड चार्टर्ड बँक क्रेडिट कार्डवर सहा महिन्यांपर्यंत नो-कॉस्ट ईएमआय ऑप्शनचा लाभ देखील घेऊ शकतात.

Panasonic मॅटर इनेबल्ड एअर कंडीशनरचे स्पेसिफिकेशन्स

नवीन मॅटर इनेबल्ड स्प्लिट एसीच्या सर्व मॉडेल्समध्ये डिफाल्ट कॉपर कंडेनसर आणि कॉपर कॉइल लावण्यात आली आहे. या रेंजमध्ये थंडाव्यासाठी पर्यावरण पूरक R32 रेफ्रिजरेंटचा वापर करण्यात करण्यात आला आहे. नवीन पॅनासोनिक एसी कनेक्टिव्हिटी स्टँडर्ड एलायंससह येतो. ज्याच्या मदतीनं AC इतर IoT प्रोडक्टसह जोडला जाऊ शकतो. युजर्स MirAIe App अ‍ॅपसह Google Assistant किंवा Amazon Alexa चा वापर करून देखील AC कंट्रोल करू शकतात.

डिव्हाइसमध्ये सात कूलिंग मोड देण्यात आले आहेत. खोलीत योग्य AQI राखण्यासाठी इनडोर यूनिट PM २.५ जाडीचे कण देखील फिल्टर करू शकतो. मॉडेलच्या आधारावर एसीची वीज बचत रेटिंग ३ ते ५ स्टार दरम्यान ठेवण्यात आली आहे. सर्व मॉडेल १४५-२८५ वोल्टेज दरम्यन कोणत्याही स्टॅबिलायजरविना देखील काम करू शकतात. पॅनासोनिक सर्व एसी मॉडेल्सवर एक वर्षांची वॉरंटी, पीसीबीवर पाच वर्षांची वॉरंटी आणि नवीन मॅटर इनेबल्ड एअर कंडीशनरच्या कंप्रेसरवर १० वर्षांची वॉरंटी देत आहे.