Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
काही वर्षांपूर्वी स्मार्टफोन मार्केटमध्ये बिजनेस सुरु करणाऱ्या Nothing चा नवीन स्मार्टफोन पुढील महिन्यात लाँच केला जाईल. Nothing Phone 2a ची किंमत गेल्या वर्षी सादर करण्यात आलेल्या Nothing Phone 2 पेक्षा कमी असू शकते. गेल्या काही महिन्यांपासून या स्मार्टफोनच्या स्पेसिफिकेशन्सची माहिती लीक झाली आहे.
कंपनीनं सोशल मीडिया प्लॅटफॉर्म X वर एक व्हिडीओ पोस्ट करून सांगितलं आहे की हा स्मार्टफोन ५ मार्चला भारतासह जगभरात लाँच केला जाईल. Nothing च्या वेबसाइटवर एक डायनॅमिक लाँच पेजवर हा स्मार्टफोन ई-कॉमर्स साइट Flipkart च्या माध्यमातून विकला जाईल अशी माहिती देण्यात आली आहे. परंतु कंपनीच्या टीजरमध्ये याच्या स्पेसिफिकेशन्सचा खुलासा करण्यात आला नाही. याआधी काही लीकमध्ये सांगण्यात आलं होतं की या स्मार्टफोनमध्ये MediaTek Dimensity 7200 चिप दिली जाईल आणि हा अँड्रॉइड १४ वर आधारित नथिंग ओएस २.५ वर चालेल.
हे देखील वाचा:
या स्मार्टफोनमध्ये ६.७ इंचाचा फुल एचडी+ (१,०८४ x २,४१२ पिक्सल) अ‍ॅमोलेड डिस्प्ले १२० हर्ट्झ रिफ्रेश रेटसह येऊ शकतो. यात ५० मेगापिक्सलचा ड्युअल रियर कॅमेरा सेटअप दिला जाऊ शकतो. Nothing Phone 2 मध्ये ६.७ इंचाचा फुल एचडी+ (१,०८०x२,४१२ पिक्सल) एलटीपीओ ओएलईडी डिस्प्ले १२० हर्ट्झ पर्यंत रिफ्रेश रेट आणि २४० हर्ट्झ टच सॅम्पलिंग रेटसह आला आहे. हा अँड्रॉइड १३ आधारित नथिंग ओएस २.० वर चालतो. यात स्नॅपड्रॅगन ८ जेन १ चिपसेट देण्यात आला आहे. Nothing Phone 2 च्या ड्युअल कॅमेरा यूनिट मध्ये ५० मेगापिक्सलचा सोनी आयएमएक्स८९० सेन्सर ओआयएस आणि इन-सेन्सर झूमसह मिळतो. तसेच ५० मेगापिक्सलचा अल्ट्रावाइड कॅमेरा देण्यात आला आहे. यात सेल्फी आणि व्हिडीओ कॉलसाठी फ्रंटला ३२ मेगापिक्सलचा कॅमेरा मिळतो. या स्मार्टफोनची विक्री सुरु होण्यापूर्वी फर्मनं नवीन स्मार्टफोनसाठी पहिला अपडेट रिलीज केला होता.
गेल्यावर्षी Nothing नं आपलं पाहिलं एक्सक्लूसिव्ह सर्व्हिस सेंटर बेंगळुरू मध्ये ओपन केलं होतं. यात दोन तासांत प्रोडक्ट रिपेयर करण्याची सुविधा मिळेल किंवा रिपेयरिंगसाठी जास्त वेळ लागणार असल्यास ग्राहकांना पर्यायी डिवाइस दिला जाईल. इथे ग्राहक आर्केड गेम्स देखील खेळ शकतील. त्याचबरोबर प्रत्येक महिन्याच्या दुसऱ्या वीकेंडला ग्राहकांना लेबर आणि कंपोनेंट कॉस्टवर डिस्काउंट देखील मिळेल. अ‍ॅपलच्या रिटेल स्टोर्स मध्ये फ्री सेशंस प्रमाणे ग्राहक या सर्व्हिस सेंटरमध्ये टेक्निकल वर्कशॉपमध्ये देखील सहभागी होऊ शकतील.