8GB RAM सह येतोय Samsung चा स्वस्त आणि मस्त 5G Phone; लाँच पूर्वीच लीक झाली माहिती

दक्षिण कोरियन स्मार्टफोन निर्माता कंपनी Samsung चा Galaxy A35 5G स्मार्टफोन लवकरच लाँच केला जाऊ शकतो. हा फोन गेल्यावर्षी वर्ष मार्च मध्ये सादर करण्यात आलेल्या Galaxy A34 5G ची जागा घेईल. या स्मार्टफोन बाबत काही ऑनलाइन लीक मधून माहिती मिळाली आहे. हा तीन कलर्स मध्ये सादर केला जाऊ शकतो.

Galaxy A35 5G चे लीक स्पेसिफिकेशन्स

एका मीडिया रिपोर्टमध्ये सांगण्यात आलं आहे की हा स्मार्टफोन Google Play Console वर मॉडेल नंबर SM-A356E सह दिसला आहे. याची डिजाइन आणि प्रोसेसर आणि ऑपरेटिंग सिस्टमसह काही स्पेसिफिकेशन्सची माहिती मिळाली आहे. या लिस्टिंगमधून समजलं आहे की यात सॅमसंगचा Exynos 1380 चिपसेट देण्यात येईल. त्याचबरोबर ८ जीबी रॅम आणि ARM Mali G68 GPU असू शकतो. यात अँड्रॉइड १४ आधारित OneUI दिला जाऊ शकतो. या स्मार्टफोनमध्ये स्लिम बेजेल्स सह फ्लॅट डिस्प्ले आहे. Galaxy A35 5G ची स्क्रीन १,०८० x २,३४० पिक्सलचा रिजॉल्यूशनसह येऊ शकते.

Galaxy F15 5G देखील येतो बाजारात

कंपनीचा Galaxy F15 5G देखील लवकरच लाँच होऊ शकतो. या स्मार्टफोनचं सपोर्ट पेज कंपनीच्या वेबसाइटवर लाइव्ह झालं आहे. गेल्या महिन्यात सॅमसंगच्या F सीरीजचा हा स्मार्टफोन ब्यूरो ऑफ इंडियन स्टँडर्ड्स (BIS) वेबसाइटवर दिसला होता. एका मीडिया रिपोर्टमध्ये सांगण्यात आलं आहे की हा स्मार्टफोन मिंट, पर्पल आणि ब्लॅक कलर्स मध्ये उपलब्ध होईल. यात मागे वर्टिकली तीन कॅमेरा रिंग आणि LED फ्लॅशसह येतील. याचं ब्रँडिंग खालच्या बाजूला ठेवण्यात आली आहे. या स्मार्टफोनच्या उजवीकडे वॉल्यूम रॉकर्स आणि पावर बटन आहेत. हा स्मार्टफोन सॅमसंगच्या Galaxy F14 5G ची जागा घेऊ शकतो. हा Geekbench वर देखील दिसला आहे. Geekbench वर हा मॉडेल नंबर SM-E156B सह आला आहे. या लिस्टिंगमध्ये यात ४ जीबी रॅम असल्याची माहिती मिळाली आहे. Galaxy F14 5G ६,००० एमएएचच्या बॅटरीसह येऊ शकतो.

Galaxy F14 5G चे फीचर्स

गेल्या वर्षी सादर करण्यात आलेल्या Galaxy F14 5G मध्ये ६.६ इंचाचा फुल HD+ IPS LCD डिस्प्ले ९० हर्ट्झ रिफ्रेश रेटसह आहे. यातील ड्युअल कॅमेरा यूनिट मध्ये ५० मेगापिक्सलचा प्रायमरी कॅमेरा आणि २ मेगापिक्सलचा सेन्सर आहे. तसेच याच्या फ्रंटला सेल्फी आणि व्हिडीओ कॉलसाठी १३ मेगापिक्सलचा कॅमेरा देण्यात आला आहे. याची ६,००० एमएएचची बॅटरी २५ वॉट फास्ट चार्जिंगला सपोर्ट करते.