Honor Choice Smartwatch भारतात लॉन्च, किंमत आणि फीचर्स जाणून घ्या

Honor Choice Smartwatch Launched : हल्ली तुम्हाला ज्याच्या पहावे त्याच्या मनगटावर स्मार्टवॉच दिसेल. मनगटी घड्याळींचा जमाना आता गेलाय. अहो तरुण मंडळीच काय अबालवृद्ध देखील मोठ्या हौशीने स्मार्टवॉच हाती बांधतात. आता याच स्मार्टवॉच प्रेमींसाठी एक खूशखबर आहे. आज भारतीय बजापेठेत Honor Choice Smartwatch लॉन्च झाली आहे. यासह Honor Choice X5 TWS इयरफोन देखील बाजारात आला आहे. आम्ही तुम्हाला या नव्या चॉईस स्मार्टवॉचचे फीचर्स, किंमत आणि स्पेशालिटी पुढे सांगणार आहोत.

रंग आणि किंमत किती?

Honor Choice स्मार्टवॉचच्या रंगाबद्दल बोलायचे झाल्यास ही स्मार्टवॉच काळ्या आणि पांढऱ्या रंगाच्या पर्यायांमध्ये उपलब्ध आहे. तुम्ही या दोन्ही पर्यायापैकी कोणताही रंग तुमच्या आवडीनुसार घेऊ शकता. भारतीय बाजारपेठेत Honor Choice स्मार्टवॉचची किंमत ६ हजार ४९९ रुपये इतकी आहे. विशेष म्हणजे आता तुम्ही लॉन्च ऑफरचा लाभ घेऊ शकतात. यामध्ये तुम्हाला ५०० रुपयांची सूट आहे. त्यामुळे तुम्हाला ही स्मार्टवॉच फक्त ५ हजार ९९९ रुपयांपर्यंत पडेल.

डिझाईन आणि डिस्प्ले कसा आहे?

Honor Choice स्मार्टवॉचमध्ये 1.95-इंचचा AMOLED डिस्प्ले आहे. यातून 410 x 502 चे रिझोल्यूशन मिळते. 60Hz रीफ्रेश रेट, तर 550 ब्राइटनेस आहे.

स्पेशालिटी काय?

Honor Choice स्मार्टवॉच ही 120 हून अधिक स्पोर्ट्स मोडसह सुसज्ज आहे. यामध्ये रक्त, ऑक्सिजन (SpO2), हृदयगती या आवश्यक आरोग्य मेट्रिक्ससाठी ट्रॅकर देखील आहेत. शिवाय हे मासिक पाळीतील तणाव याचेही निरीक्षण करते.

स्मार्टवॉचची बॅटरी किती टिकते?

स्मार्टवॉच म्हणलं की त्याची बॅटरी किती टिकते हा प्रश्न येतोच. Honor Choice स्मार्टवॉचची बॅटरी टिकाऊ आहे. मेटॅलिक बॉडी आणि 5ATM वॉटर रेझिस्टन्ससह, ऑनर चॉइस स्मार्टवॉच विविध पर्यावरणीय बदलाला तोंड देऊ शकते. घड्याळाची रचना हलकी आहे. फक्त 45 ग्रॅम वजनाची आणि जाडी 10.2 मिमी इतकी आहे. या स्मार्टवॉचची 300mAh बॅटरी आहे.

माहिती घ्या आणि निवडा

कोणतीही वस्तू घ्यायची असल्यास त्यासंदर्भातील माहिती घेणे आवश्यक आहे. त्यामुळे तुम्हाला त्या वस्तूचे फीचर्स कळते आणि किमतीचा अंदाज घेतल्यास बजेट देखील ठरवता येतं. आम्ही तुम्हाला अशाच प्रकारे नवनवीन गॅझेटची माहिती देत राहू.