पॅनकार्डवरून CIBIL स्कोअर तपासा मोफत, जाणून घ्या सोपा फंडा

अलीकडे प्रत्येक गोष्टींच्या किमती इतक्या वाढल्या आहेत की कर्ज घेतल्याशिवाय पर्याय नाही. अगदी छोटी मोठी वस्तू घ्यायचं म्हणलं तरी आपण EMI करतो. मग ते स्मार्टफोनपासून ते पार गृहकर्जापर्यंत. आता कर्ज काढायचे म्हणल्यावर त्याची प्रोसेस आहेच. त्यातही सर्वात महत्त्वाचा घटक म्हणजे CIBIL स्कोअर. तुमचा सिबिल स्कोअर किती? असा प्रश्न केला जातो. आणि नेमकं त्याचवेळी आपली धावपळ सुरू होते. म्हणूनच आम्ही सिबिल स्कोअर म्हणजे काय आणि तो कसा काढायचा हे पुढे सांगणार आहोत.

सिबिल स्कोअर म्हणजे काय?

CIBIL स्कोअर हा 3 अंकी क्रमांक आहे. हा क्रेडिट स्कोअर दाखवतो. हा क्रेडिट स्कोअर 300 ते 900 यादरम्यान असतो. क्रेडिट स्कोअर यात बँक खाते, वेगवेगळे कर्ज, क्रेडिट कार्ड याची माहिती असते. पॅनकार्डच्या माध्यमातून तुम्ही सिबिल स्कोअर काढू शकतात. आता पॅनकार्ड ऑनलाइन वापरून मोफत सिबिल स्कोअर कसा तपासायचा याबद्दल आम्ही पुढे माहिती देत आहोत.

पॅनकार्डद्वारे काढा सिबिल स्कोअर

तुम्हाला कोणतीही गोष्ट घ्यायची असेल तर आधी तुमच्याकडे सिबिल स्कोअर असेल. त्यामुळे तुम्हाला तो आणखी चांगलाही करता येऊ शकतो. दरम्यान, आधी आपण पाहुया पॅनकार्डद्वारे सिबिल स्कोअर कसा काढायचा. आम्ही तुम्हाला खाली काही छोट्या स्टेप्स संगणार आहोत. यातून तुम्ही तुमचा सिबिल स्कोअर अगदी सहज काढू शकतात.

कसा काढणार सिबिल स्कोअर?

• आधी CIBIL’s official website या वेबसाईट वर जावे.
• आता तुम्हाला समोर उजव्या बाजूला पट्टीमध्ये एक पर्याय दिसेल. त्यात ‘तुमचा क्रेडिट स्कोअर मिळवा’ किंवा थेट ‘क्रेडिट स्कोअर’ वर जा असा पर्याय असेल त्यावर क्लिक करा.
• गरज असल्यास सदस्यत्व ऑप्शन निवडा.
• आता तुम्हाला पॅनकार्ड क्रमांक टाकण्याची सूचना येईल. तुमचा अचूक पॅनकार्ड क्रमांक टाका.
• आता पुढे तुमची जन्म तारीख आणि ईमेल लिहा.
• आता तुमचे लिंग सिलेक्ट करा.
• पुढे तुम्हाला कॅपचा येईल तो योग्य भरा.
• पुढे काही नियम आणि अटी दिसतील. त्या सविस्तर वाचा.
• प्रोसेस टू पेमेंट यापुढे जा.
• त्यानंतर तुम्ही CIBIL स्कोअरचा एक पर्याय निवडू शकता. तुम्ही एकतर ऑनलाइन पद्धत निवडू शकता किंवा ईमेलवर त्याची प्रत मिळवू शकता.

वरची सर्व प्रोसेस झाली की तुम्हाला एक काम करायचे आहे. myCIBIL यामध्ये लॉग इन करा. त्यानंतर स्क्रीनच्या वरच्या उजव्या बाजूला असलेल्या ‘माझे खाते’ या टॅबवर जाऊन ‘Get your Free Report’ लिंकवर क्लिक करा. आता तुम्हाला दरवर्षी एक वार्षिक CIBIL रिपोर्ट मोफत मिळू शकतो.

सिबिल स्कोअर कसा समजायचा?

CIBIL स्कोअर समजून घेणं सोपं आहे. क्रेडिट स्कोअर 300 ते 900 पर्यंत आहे. त्याचे वर्गीकरण कसे आहे ते झाली पाहुया.

क्रेडिट स्कोअरचे वर्गीकरण

• 300-579 – खराब
• 580-669 – स्कोअर सुधारत आहे.
• 670-739 – चांगला
• 740-799 – खूप चांगला
• 800-900 – उत्कृष्ट

हे क्रेडिट स्कोअरचे वर्गीकरण तुम्हाला फायदेशीर ठरू शकते. यावरून अंदाज घेऊन तुम्ही तुमचा क्रेडिट स्कोअर सुधारू पण शकतात.