परदेशात जाताय! वापरा UPI पेमेंट, सविस्तर माहिती जाणून घ्या…

हल्ली कोणतीही गोष्ट घ्यायची असल्यास आपण google Pay, Phone Pay यासारखे पर्याय निवडतो आणि त्याचा वापर करतो. अगदी छोट्या मोठ्या गोष्टींपासून ते अगदी महागड्या वस्तुंपर्यंत. तुम्हाला आंतरराष्ट्रीय प्रवास करायचा असेल तर ही बातमी तुमच्यासाठी महत्त्वाची आहे. कारण, आता तुम्हाला युनिफाइड पेमेंट इंटरफेस म्हणजेच UPI चा प्रवासात देखील वापरत करता येईल. तो वापर कसा करायचा याविषयीची माहिती आम्ही तुम्हाला पुढे देत आहोत.

UPI चा वापर इथेही करा

भारतात मोठ्या प्रमाणात UPI पेमेंटचा उपयोग केला जातो आहे. भारतात तर आहेच पण याव्यतिरिक्त इतर अनेक देशांमध्ये देखील UPI उपलब्ध आहेत. यामध्ये श्रीलंका, मॉरिशस, भूतान, ओमान, नेपाळ, फ्रान्स आणि संयुक्त अरब अमिरात या देशांचा समावेश आहे. त्यामुळे आता तुम्ही इतर कोणत्याही देशात प्रवास कराल तर तुम्हाला UPI चा प्रवासादरम्यान वापर करता येईल.

UPI चा अंतरराष्ट्रीय विस्तार

NPCI म्हणजेच इंटरनॅशनल पेमेंट्स लिमिटेड (NIPL) तसेच नॅशनल पेमेंट कॉर्पोरेशन ऑफ इंडियाने आंतरराष्ट्रीय स्तरावर म्हणजेच दक्षिणपूर्व आशिया देशांमध्ये QR-आधारित UPI पेमेंट प्रभावी करण्यासाठी इतर देशांसोबत करारावर स्वाक्षरी करण्यात आली आहे.

कुठे UPI प्रभावी

UPI हे आंतरराष्ट्रीय स्तरावर प्रभावीपणे काम करत आहे. या देशांमध्ये मलेशिया, थायलंड, फिलीपिन्स, व्हिएतनाम, सिंगापूर, कंबोडिया, दक्षिण कोरिया, जपान, तैवान आणि हाँगकाँगचा समावेश आहे. भारत ब्रिटन, ऑस्ट्रेलिया, युरोपियन राष्ट्रे आणि अमेरिकेत देखील UPI सेवा राबवण्यासाठी प्रयत्न करत आहे. त्यामुळें या कोणत्याही देशात तुम्हाला जायचे असल्यास UPI चा प्रभावीपणे उपयोग करता येईल.

UPI चा कसा उपयोग कराल?

तुम्ही वरीलपैकी कोणत्याही देशात प्रवास करत असाल तर तुम्हाला UPI चा वापर करता येईल. याचा अर्थ असा की तुम्ही आपला रुपया स्थानिक चलनात रूपांतरित न करता प्रवास करू शकता. UPI द्वारे पेमेंट करण्यासाठी तुमच्या फोनचे ॲप वापरू शकता. तुम्ही प्रवास करण्यापूर्वी नेमकं काय कराल याविषयीची माहिती आम्ही पुढे देत आहोत.

फोनपे वर UPI कसे वापरावे?

• UPI ॲप सुरू करा आणि तुमच्या प्रोफाइलवर क्लिक करा.
• त्यानंतर पेमेंट सेटिंग्ज यामध्ये जावे, आता UPI आंतरराष्ट्रीय हा पर्याय निवडा.
• तुम्ही आंतरराष्ट्रीय UPI पेमेंटसाठी वापरू इच्छित असलेल्या बँक खात्याची माहिती भरा.
• तुमचा UPI पिन एंटर करा.

गुगल पे वापरून आंतरराष्ट्रीय पेमेंट करण्यासाठी Google Pay ॲप उघडा आणि QR कोड स्कॅन, यावर टॅप करा.

• आता समोरील QR कोड स्कॅन करा.
• आता देय परदेशी चलनात पैसे टाका.
• आता बँक खाते निवडा.
• आता ‘UPI इंटरनॅशनल’ सक्रिय करण्यासाठी स्क्रीन दिसते.
• UPI इंटरनॅशनल सक्रिय करा वर टॅप करा.

आता तुम्हाला अगदी निवांतपणे आंतरराष्ट्रीय प्रवास करता येईल.