Vivo नं लाँच केला 12GB RAM, 120W फास्ट चार्जिंग असलेला फोन Vivo Y100t 5G, जाणून घ्या माहिती

Vivo नं Vivo Y100t 5G नावाचा नवीन स्मार्टफोन होम मार्केटमध्ये लाँच केला आहे. हा फोन अनेकदा लीक देखील झाला होता. हा Vivo Y100 सीरीजमधील लेटेस्ट मॉडेल आहे. सीरीजमध्ये याआधी Vivo Y100 आणि Y100i देखील लाँच झाले आहेत. Y100t 5G पाहता फोनमध्ये मीडियाटेकचा डायमेन्सिटी ८२०० चिपसेट देण्यात आलं आहे, जो एक पावरफुल प्रोसेसर आहे. फोनमध्ये ६.६४ इंचाचा आयपीएस एलसीडी डिस्प्ले आहे ज्यात फुलएचडी प्लस रिजॉल्यूशन मिळते. सोबत १२०हर्ट्झ रिफ्रेश रेट देण्यात आला आहे. चला जाणून घेऊया याची किंमत, आणि सर्व फीचर्स.

Vivo Y100t 5G ची किंमत

Vivo Y100t 5G ची किंमत अद्यापत कंपनीनं कंफर्म केली नाही. फोनमध्ये १२ जीबी पर्यंत रॅम देण्यात आला आहे आणि ५१२ जीबी पर्यंत स्टोरेज मिळते. लवकरच याची किंमत कंपनी सांगू शकते. फोन २३ फेब्रुवारीपासून Vivo चीनी वेबसाइटवरून प्रीबुक करता येईल. याची विक्री JD.com, आणि Tmall सारखे ऑनलाइन रिटेलर्स वरून होईल. फोनच्या भारतीय लाँच बाबत मात्र अद्याप कोणतीही माहिती समोर आलेली नाही.

Vivo Y100t 5G चे स्पेसिफिकेशन्स

Vivo Y100t 5G मध्ये ६.६४ इंचाचा आयपीएस एलसीडी पॅनल देण्यात आला आहे. ज्यात एफएचडी प्लस रिजॉल्यूशन देण्यात आला आहे. हा १२०हर्ट्झ रिफ्रेश रेटसह येतो. वर सांगितल्याप्रमाणे फोन मीडियाटेक डायमेन्सिटी ८२०० चिपसेटसह सादर करण्यात आला आहे. फोनच्या कॅमेरा पाहता ह्यात मागे ६४ मेगापिक्सल OIS सपोर्ट असलेला कॅमेरा आहे जो मेन कॅमेरा आहे. त्याचबरोबर २ मेगापिक्सलचा डेप्थ सेन्सर देखील देण्यात आला आहे. सेल्फीसाठी फोनमध्ये १६ मेगापिक्सलचा कॅमेरा फ्रंटला देण्यात आला आहे.

डिव्हाइसमध्ये ५०००एमएएच ची बॅटरी आहे सोबत १२०वॉट फास्ट चार्जिंगचा सपोर्ट देण्यात आला आहे. इतर फीचर्स पाहता यात सिक्योरिटीसाठी साइड माउंटेड फिंगरप्रिंट स्कॅनर पण देण्यात आला आहे. फोनमध्ये ३.५मिमी ऑडियो जॅक देखील देण्यात आला आहे. फोन व्हाइट, आणि ब्लू कलर्स मध्ये सादर करण्यात आला आहे. कनेक्टिव्हिटी फीचर्समध्ये NFC सपोर्ट देखील आहे. फोनचे डायमेंशन १६४.५८ x ७५.८ x ८.७९mm आहेत आणि वजन २०० ग्राम आहे.