100W फास्ट चार्जिंग असलेल्या फोनवर मोठी सूट; जाणून घ्या OnePlus 11R ची नवीन किंमत

वनप्लसनं काही दिवसांपूर्वी भारतात दोन नवीन स्मार्टफोन OnePlus 12 आणि OnePlus 12R लाँच केले होते. वनप्लस १२ ची किंमत ६४,९९९ पासून तर वनप्लस १२आरची किंमत ३९,९९९ रुपयांपासून सुरु होते. आता गेल्यावर्षी आलेल्या फ्लॅगशिप किलर OnePlus 11R फोनच्या किंमतीत कपात केली आहे. कमी किंमतीत फोन ई-कॉर्मस साइट्स व्यतिरिक्त कंपनीच्या ऑफिशियल वेबसाइटवर लिस्ट झाला आहे. चला जाणून घेऊया वनप्लस ११आरची नवीन किंमत आणि स्पेसिफिकेशन्सची संपूर्ण माहिती.

३,००० रुपयांनी कमी झाली OnePlus 11R ची किंमत

वनप्लसनं गेल्यावर्षी फेब्रुवारीमध्ये वनप्लस ११आर स्मार्टफोन लाँच केला होता. लाँचच्या वेळी फोनच्या ८जीबी रॅम व १२८जीबी स्टोरेज व्हेरिएंटची किंमत ३९,९९९ रुपये होती. तर १६जीबी रॅम व २५६जीबी स्टोरेज मॉडेल ४४,९९९ रुपयांमध्ये लाँच झाला होता.

आता स्मार्टफोनच्या ८जीबी व्हेरिएंटची किंमतीत २,००० रुपयांची कपात झाली आहे आणि आता हा ३७,९९९ रुपयांमध्ये विकत घेता येईल. दुसरीकडे १६जीबी व्हेरिएंटची किंमतीत ३,००० रुपयांची कपात झाली आहे आणि हा ४१,९९९ रुपयांमध्ये विकला जात आहे. ग्राहक वनप्लस ११आर गॅलेक्टिक सिल्व्हर आणि सोनिक ब्लॅक कलर ऑप्शनमध्ये विकत घेता येईल. त्याचबरोबर कंपनी ICICI बँक क्रेडिट कार्डवर १,००० रुपयांचा इंस्टंट डिस्काउंट देखील देत आहे.

OnePlus 11R चे स्पेसिफिकेशन्स

फोनमध्ये ६.७४ इंचाचा अ‍ॅमोलेड डिस्प्ले देण्यात आला आहे. ज्याचे रेजोल्यूशन २७७२×१२४० पिक्सल आहे. फोन १२० हर्टझ डायनॅमिक रिफ्रेश रेटच्या सपोर्टसह येतो. फोनमध्ये १४५० नीट्झची पीक ब्राइटनेस देण्यात आली आहे. फोन ऑक्टाकोर स्नॅपड्रॅगन 8+ Gen 1 चिपसेटसह बाजारात आला आहे. हा नवीन वनप्लस अँड्रॉइड १३ आधारित OxygenOS 13 वर चालतो.

ह्यात ड्यूअल नॅनो सिम देण्यात आला आहे. फोटोग्राफीसाठी कंपनीनं ट्रिपल कॅमेरा सेटअप दिला आहे. ज्यात ५० मेगापिक्सलचा मेन कॅमेरा सेन्सर आहे, सोबत ८ मेगापिक्सलची अल्ट्रा वाइड लेन्स देण्यात आली आहे. तसेच २ मेगापिक्सलचा मॅक्रो कॅमेरा मिळतो. फोनच्या फ्रंटला १६ मेगापिक्सलचा फ्रंट कॅमेरा देण्यात आला आहे. पावरबॅकअपसाठी ५००० एमएएचची बॅटरी देण्यात आली आहे. त्याचबरोबर १०० वॉट फास्ट चार्जिंगचा सपोर्ट देण्यात आला आहे.