रेल्वे स्टेशनवर मिळवा Free Internet, जबरदस्त स्पीड मिळवण्यासाठी फॉलो करा ही प्रोसेस

सध्याच्या डिजिटल युगात इंटरनेटविना राहणं थोडं कठीण काम आहे. ही बाब आता भारत सरकारच्या देखील ध्यानात आली आहे. म्हणूनच सरकार रेल्वे आणि बस स्टॉपवर Free WiFi ची सर्व्हिस देत आहे. रेल्वे देशातील जवळपास सर्व रेल्वे स्टेशनवर हाय-स्पीड इंटरनेटची सुविधा देत आहे. त्यामुळे जर तुम्ही देखील रेल्वेची फ्री इंटरनेट सुविधा वापरू इच्छित असाल तर ही बातमी तुमच्या कामाची आहे. इथे आम्ही तुम्हाला तुमचा फोन किंवा लॅपटॉप कशाप्रकारे रेल्वेच्या वायफायशी कनेक्ट करू शकता, याची माहिती देणार आहोत. चला जाणून घेऊया रेल्वेच्या रेलटेल वाय-फायशी कनेक्ट करण्याची संपूर्ण पद्धत:

रेल्वे स्टेशन्सवर Free WiFi चा वापर कसा करायचा

• तुमच्या स्मार्टफोनवर वायफाय सेटिंग ओपन करा
• उपलब्ध नेटवर्क शोधा
• त्यातून रेलवायर नेटवर्कची निवड करा आणि त्यावर टॅप करा
• त्यांनतर तुम्हाला साइन इन करण्यास सांगितले जाईल, त्यासाठी तुमच्या मोबाइल ब्राऊजरवर railwire.co.in वेबपेज ओपन करा.
• साइन करण्यासाठी तुमचा १० अंकी मोबाइल नंबर नोंदवा.
• त्यानंतर तुमच्या मोबाइल नंबरवर एक ओटीपी पाठवला जाईल.
• रेलवायरशी कनेक्ट करण्यासाठी पासवर्ड म्हणून ओटीपीचा वापर करा.
• अशाप्रकारे तुम्ही रेलवायरशी कनेक्ट व्हाल आणि मोफत इंटरनेटचा वापर करू शकाल.

हे देखील वाचा:
परदेशात जाताय! वापरा UPI पेमेंट, सविस्तर माहिती जाणून घ्या…

अर्धा तास फ्री आहे इंटरनेट त्यानंतर द्यावे लागतील पैसे

रेल्वेच्या या वायफायचा वापर फक्त रेल्वे स्टेशनवर करता येईल. ट्रेन सुरु असताना ही सेवा उपलब्ध होणार नाही. रेलटेल किंवा रेलवायरच्या नावाने रेल्वे स्टेशनवर वाय फाय उपलब्ध होईल. ज्याचा लोक फक्त अर्धा तास मोफत वापर करू शकतील. अर्ध्या तासानंतर देखील जर तुम्हाला इंटरनेट वापरायचं असेल तर त्यासाठी तुम्हाला पैसे द्यावे लागतील. रेलवायरनं प्रवाशांसाठी १० रुपयांपासून सुरु होणारे इंटरनेट पॅक सादर केले आहेत.

डिजिटल कनेक्टिव्हिटी वाढवण्याचा प्रयत्न

रेल्वे स्टेशनवर मोफत वायफाय देऊन सरकारला देशातील डिजिटल कनेक्टिव्हिटीला चालना द्यायची आहे. तसेच रेल्वे स्टेशनवर मोफत वायफाय उपलब्ध झाल्यामुळे प्रवाशी ट्रेनची वाट पाहत असताना त्यावेळचा वापर आपली कामे पूर्ण करण्यासाठी किंवा प्रियजनांशी संपर्क साधण्यासाठी करू शकतात.