फोन सोबत जबरदस्त अ‍ॅक्सेसरीज मोफत; OnePlus 12R Genshin Impact Edition भारतात लाँच

शक्ती आणि स्टाइलचा समतोल साधत वनप्लसनं नवीन डिवाइस OnePlus 12R Genshin Impact Edition भारतात लाँच केला आहे. नावावरून समजले असेलच की हा डिव्हाइस फेमस मोबाइल गेम जेनशिन इम्पॅक्टच्या थीम वर बनला आहे जो शानदार थीम आणि वॉलपेपर सोबतच Genshin Impact मर्चेंडाइज किट देखील मिळतं.

OnePlus 12R Genshin Impact Edition चे वेगळेपण

OnePlus 12R Genshin Impact Edition मध्ये exclusive Keqing visual आणि live wallpaper मिळतील. या फोनसह कंपनी Exclusive Gift Box पण देईल. यात अनेक आर्कषक आयटम्स असतील. वनप्लस १२आर च्या या नवीन एडिशन मध्ये Lightning Stiletto-shaped SIM tray ejector, Lightning Stiletto logo असलेला वायलेट कलरचा charging adapter, violet USB Type-C charging cable आणि violet LED light मिळेल.
हे देखील वाचा: वनप्लस युजर्सना कंपनी देणार पैसे; १६ मार्च पर्यंतच मिळेल परतावा, जाणून घ्या कारण

OnePlus 12R Genshin Impact Edition ची किंमत

वनप्लस १२आर जेनशिन इम्पॅक्ट एडिशन १६ जीबी रॅम व २५६ जीबी स्टोरेजसह लाँच झाला आहे. हा खास एडिशन भारतात सिंगल मेमरी व्हेरिएंटमध्ये आला आहे ज्याची किंमत ४९,९९९ रुपये आहे. फोनसह स्टालिश मोबाइल कव्हर आणि Genshin Impact स्टीकर्स देखील मिळतील, ज्यामुळे हा स्पेशल ठरतो. या नवीन OnePlus 12R व्हर्जनची विक्री १९ मार्च पासून सुरु होईल जो कंपनीच्या ऑफिशियल वेबसाइट सोबतच ऑनलाइन शॉपिंग साइट व ऑफलाइन स्टोर्स वरून देखील विकत घेता येईल.

OnePlus 12R Genshin Impact Edition ऑफर

वनप्लस १२आर जेनशिन इम्पॅक्ट एडिशन च्या शॉपिंग दरम्यान OneCard युजर केल्यावर १,००० रुपयांचा डिस्कांउट मिळेल.
फोन खरेदी करताना जुना मोबाइल एक्सचेंज केल्यास वनकार्ड ग्राहकांना ३,००० रुपयांचा अतिरिक्त exchange bonus मिळेल.
OnePlus 12R Genshin Impact Edition तुम्ही ९ महिन्यांचा No-Cost EMI वर देखील विकत घेऊ शकता.

OnePlus 12R स्पेसिफिकेशन्स

हा मोबाइल फोन १९.८:९ अ‍ॅस्पेक्ट रेशियोवर बनला आहे तसेच स्मार्टफोनमध्ये २७८० x १२६४ पिक्सल रिजोल्यूशन असलेल्या ६.७८ इंचाचा फुलएचडी+ डिस्प्ले देण्यात आला आहे. ही एलटीपीओ४.० स्क्रीन आहे जी अ‍ॅमोलेड पॅनलवर बनली आहे तसेच १२०हर्ट्झ रिफ्रेश रेट आणि १०००हर्ट्झ टच सॅम्पलिंग रेटवर चालते. स्क्रीनच्या सुरक्षेसाठी याला गोरिल्ला ग्लास विक्टस २ ने प्रोटेक्ट करण्यात आले आहे.

OnePlus 12R Genshin Impact Edition मध्ये ४नॅनोमीटर फॅब्रिकेशनवर बनलेला क्वॉलकॉम स्नॅपड्रॅगन ८ जेन २ ऑक्टाकोर प्रोसेसर देण्यात आला आहे जो ३.३गीगाहर्ट्झ क्लॉक स्पीडवर चालतो. तसेच ग्राफिक्ससाठी फोनमध्ये एड्रेनो ७४० जीपीयू आहे. हा डिव्हाइस अँड्रॉइड ऑपरेटिंग सिस्टम अँड्रॉइड १४ वर लाँच झाला आहे जो ऑक्सीजन ओएस १४ सह चालतो.

फोटोग्राफीसाठी वनप्ल्स १२आर ट्रिपल रियर कॅमेऱ्याला सपोर्ट करतो. ह्याच्या बॅक पॅनलवर एफ/१.८ अपर्चर असलेला ५० एमपी Sony IMX890 मेन सेन्सर देण्यात आला आहे जो EIS आणि OIS ला सपोर्ट करतो. त्याचबरोबर मोबाइलमध्ये एफ/२.२ अपर्चर असलेला ८ मेगापिक्सलचा अल्ट्रा वाइड कॅमेरा आणि २ मेगापिक्सलची मॅक्रो लेन्स आहे. सेल्फीसाठी OnePlus 12R मध्ये १६ मेगापिक्सलचा फ्रंट कॅमेरा मिळतो जो एफ/२.४ अपर्चर सह येतो.
वनप्लस १२आर स्मार्टफोन ५,५००एमएएच बॅटरीला सपोर्ट करतो तसेच ही मोठी बॅटरी वेगाने चार्ज करण्यासाठी मोबाइलमध्ये १००वॉट फास्ट चार्जिंग टेक्नॉलॉजी देण्यात आली आहे. कंपनीचा दावा आहे की फक्त २६ मिनिटांत हा फोन १ टक्के ते १००% पर्यंत फुल चार्ज केला जाऊ शकतो.