महागड्या फोनचे फीचर्स परवडणाऱ्या किंमतीत देणार Samsung; वनप्लसला टक्कर देण्यासाठी जय्यत तयारी

सॅमसंगनं गॅलेक्सी एस२१ एफई नंतर ‘FE’ मॉडेलनंतर थेट गेल्यावर्षी गॅलेक्सी एस२३ एफई लाँच करून सीरिज पुन्हा सुरु केली आहे. तसेच, आता असा वाटत आहे की यावर्षी आपल्याला Galaxy S24 FE पाहायला मिळू शकतो. हा नवीन फोनबद्दल लीक समोर येऊ लागले आहेत. त्याचबरोबर आता एका नवीन लीक मधून समजलं आहे की गॅलेक्सी एस२४ एफई मध्ये कोणते स्पेक्स असतील, त्यावरून समजलं आहे की हा डिव्हाइस गॅलेक्सी एस२४ इतकाच दमदार असेल. चला जाणून घेऊया एस२४ एफई बाबत समोर आलेली माहिती.

Samsung Galaxy S24 FE चे लीक स्पेक्स

कथित सॅमसंग गॅलेक्सी एस२४ एफईचे स्पेक्स X वर लीक झाले आहेत आणि यात डिवाइस संबंधित महत्वाची माहिती समोर आली आहे. जुन्या मॉडेल प्रमाणे गॅलेक्सी एस२४ एफई फ्लॅगशिप गॅलेक्सी एस२४ का छोटा व्हर्जन असेल, आणि जास्त परवडणाऱ्या किंमतीत येईल.

गॅलेक्सी एस२४ एफई मध्ये Exynos 2400 किंवा Snapdragon 8 Gen 3 चिपसेट असण्याची शक्यता आहे. ही बातमी मोठी आहे कारण हा तोच चिपसेट आहे जो गॅलेक्सी एस२४ मध्ये वापरला गेला आहे. टिपस्टरनुसार जागतिक स्तरावर हा फक्त एक्सनॉस २४०० चिपसेटसह येऊ शकतो. तर निवडक बाजारांमध्ये स्नॅपड्रॅगन व्हर्जन मिळेल.

यात ६.१-इंचाचा अ‍ॅमोलेड डिस्प्ले असण्याची शक्यता आहे. स्मार्टफोन 12GB LPDDR5X रॅम आणि 128GB UFS 3.1 आणि 256GB UFS 4.0 च्या दोन स्टोरेज व्हेरिएंटसह लाँच होण्याची शक्यता आहे. स्मार्टफोनमध्ये ४,५००एमएएचची बॅटरी असू शकते, जी गॅलेक्सी एस२४ च्या ४,०००एमएएच यूनिट पेक्षा थोडी मोठी आहे.

या लीकनुसार, गॅलेक्सी एस२४ एफई मध्ये काही जबरदस्त स्पेक्स मिळण्याची शक्यता आहे. परंतु यात डिजाइन आणि कॅमेराच्या बाबतीत थोडीफार तडजोड केली जाऊ शकते, तरीही हा गॅलेक्सी एस२४ ला एक चांगला पर्याय ठरू शकतो. तसेच आयकू आणि वनप्लसला देखील या मॉडेल कडून चांगली टक्कर मिळू शकते.

कधी येणार Samsung Galaxy S24 FE

गॅलेक्सी एस२३ एफई गेल्यावर्षी ऑक्टोबरमध्ये भारतात लाँच करण्यात आला होता, त्यामुळे याचा अपग्रेडेड व्हर्जन देखील याच कालावधीत लाँच होऊ शकतो. जो ५९,९९९ रुपयांमध्ये लाँच करण्यात आला आहे, गॅलेक्सी एस२४ एफईसाठी देखील ही किंमत असू शकते. भारतात बेस मॉडेलसाठी गॅलेक्सी एस२४ ची किंमत ७९,९९९ रुपयांपासून सुरु होत आहे.