करा इन्स्ट्राग्रामच्या पोस्ट मॅनेज; आता एकाचवेळी अनेक पोस्ट डिलीट करायची सोय

इन्स्ट्राग्राम आता आपल्या नवीन फीचरच्या साह्याने युजर्सना त्यांच्या अकाउंट वरून एकाच वेळी एकापेक्षा जास्त पोस्ट डिलीट करण्याची मुभा देत आहे. यासाठी इन्स्ट्राग्रामने नवीन फीचर आणले आहे. यामुळे युजर्सना त्यांचा कन्टेन्ट मॅनेज करणे सोपे होणार आहे. या नवीन फीचरमुळे युजर्सना त्यांच्या प्रोफाइलमधून नको असलेले अनेक कन्टेन्ट त्वरीत काढून टाकता येतील. अशा पद्धतीने हटवलेल्या पोस्ट युजर्सच्या प्रोफाइल आणि फॉलोअर्सच्या फीडमधून त्वरित गायब होतात. आपला ऑनलाईन प्रेझेन्स सुधारण्याच्या दृष्टीने हे फीचर युजर्ससाठी निश्चितच महत्वपूर्ण ठरणार आहे.

कशा हटवायच्या अनेक पोस्ट एकाचवेळी

इन्स्ट्राग्रामवरील पोस्ट, कमेंट आणि इतर प्लॅटफॉर्मवर केलेले इंटरॅक्शन काढून टाकणे सोपे होण्यासाठी या फीचरचे अनावरण करण्यात आले आहे. ‘युअर ॲक्टिव्हिटी ‘ नावाच्या नवीन सेगमेंटद्वारे युजर्स आता पोस्ट, स्टोरीज, IGTV आणि रील्ससह विविध कन्टेन्ट मोठ्या प्रमाणावर डिलीट किंवा स्टोअर करू शकतात. शिवाय, ते त्यांच्या कंमेंट, लाईक्स, स्टोरीच्या स्टिकर रिॲक्शन आणि बरेच काही एकाच ठिकाणाहून सोयीस्करपणे मॅनेज करू शकतात.

इन्स्ट्राग्राम पोस्ट डिलीट किंवा स्टोअर करण्याच्या स्टेप्स

• तुमच्या Android किंवा iOS स्मार्टफोनवर इन्स्ट्राग्राम ॲप उघडा.
• स्क्रीनच्या तळाशी उजव्या कोपऱ्यात असलेल्या चिन्हावर टॅप करून तुमच्या प्रोफाइलवर नेव्हिगेट करा.
• वरच्या उजव्या कोपऱ्यात असलेल्या तीन ओळींवर टॅप करा.
• मेनूमधून “युअर ॲक्टिव्हिटी” निवडा.
• ‘फोटो आणि व्हिडिओ’ चा दुसरा ऑप्शन निवडा आणि ‘पोस्ट’ वर टॅप करा.
• तुमच्या सर्व पोस्ट्स येथे पाहा आता सोयीसाठी सॉर्ट आणि फिल्टर ऑप्शन वापरा.
• वरच्या उजव्या कोपऱ्यात ‘सिलेक्ट’ वर क्लिक करा.
• तुम्ही हटवू इच्छित असलेल्या पोस्ट सिलेक्ट किंवा स्टोअर करा.
• एकदा सिलेक्ट केल्यानंतर स्टोअर करा किंवा त्यानुसार डिलीट ऑप्शनवर टॅप करा.

एकाच वेळी डिलीट करावयाच्या पोस्टच्या संख्येचे लिमिट

तुम्ही अनेक पोस्ट एकाच वेळी डिलीट करू शकता अशा पोस्टच्या संख्येवर इन्स्ट्राग्रामने काही मर्यादा निश्चित केलेल्या नाही. तथापि, ॲपचे कार्य सुरळीत चालावे यासाठी एकाच वेळी वाजवी संख्या मॅनेज करण्याची शिफारस केली जाते.

कशा मिळवायच्या डिलीट केलेल्या इन्स्ट्राग्राम पोस्ट

इन्स्ट्राग्राम एक ‘ Archive’ फीचर देते जेथे डिलीटेड पोस्ट तात्पुरत्या सेव्ह केल्या जातात. आवश्यक असल्यास पोस्ट परत मिळवण्यासाठी तुम्ही या ‘Archive’ मध्ये प्रवेश करू शकता. तथापि, तुम्ही पोस्ट कायमस्वरूपी डिलीट केल्या असल्यास, त्या पुनर्प्राप्त केल्या जाऊ शकत नाहीत.

डिलीटेड पोस्ट इन्स्टाग्रामवरून होतात गायब

एकदा तुम्ही पोस्ट डिलीट केल्यानंतर, ते तुमच्या प्रोफाइल आणि फॉलोअर्सच्या फीडमधून लगेच गायब (Disappear) होतात. तथापि, त्यांना इंस्टाग्रामच्या सर्व्हरवरून पूर्णपणे काढून टाकण्यासाठी काही वेळ लागू शकतो.