‘सॅमसंग’ – ‘ॲपल’च्या स्पर्धेत ‘ॲपल’ने मागितली ‘गुगल’ची मदत; लवकरच होणार ही मोठी डील

सॅमसंगने फोल्डेबल स्मार्टफोनमध्ये ॲपलला आव्हान दिले आहे. तर दुसरीकडे गुगल आणि ॲपल जनरेटिव्ह एआय संदर्भात चर्चा करत आहेत. ही भागीदारी सॅमसंग आणि ॲपल दोघांसाठीही गेम चेंजर ठरू शकते. याविषयी सविस्तर जाणून घेऊया…

सॅमसंग ठरले सरस

सॅमसंगने या वर्षी ‘Galaxy AI’ प्रोजेक्ट लाँच केला होता. याअंतर्गत गुगल प्रत्येक स्मार्टफोन एआय फीचरसह लॉन्च करत आहे. सॅमसंगने सर्वप्रथम ‘Galaxy S24’ सिरीजमध्ये AI फीचर आणले, जे AI फीचरमुळे खूप लोकप्रिय झाले आहे. यानंतर ‘गॅलेक्सी ए सीरीज’ स्मार्टफोन्समध्ये AI फीचर देण्यात आले. आपल्या फोल्डेबल स्मार्टफोन सीरिजमुळे सॅमसंग ॲपलला आधीच आव्हान देत आहे.

‘Apple’ आणि ‘Google’ यांच्यात अपेक्षित करार

‘Apple’ समोरील समस्या अशी आहे की फोल्डेबल नंतर, ते आता AI स्मार्टफोनच्या व्यवसायात सॅमसंगच्या तुलनेत मागे राहू इच्छित नाही. याच कारणामुळे ‘Apple’ आता ‘Google’ च्या मदतीने आपले AI फीचर्स आणण्याची तयारी करत आहे. ‘Apple’ आणि ‘Google’ला प्रतिस्पर्धी मानले जाते कारण सर्व स्मार्टफोन ‘Apple’ आणि ‘Google’ या दोन्ही ऑपरेटिंग सिस्टीमवर चालतात. तथापि, Google आणि Apple यांच्यात आता मात्र ‘Google Gemini’ संदर्भात करार होणार असल्याचे बोलले जात आहे.

AI जनरेटिव्ह फीचर्स मिळतील

ब्लूमबर्गच्या मार्क गार्नमनच्या अलीकडील अहवालानुसार, Apple आणि Google या वर्षी iPhones वर येणाऱ्या काही जनरेटिव्ह AI फीचर्सना सपोर्ट देण्यासाठी जेमिनी वापरण्याबाबत चर्चा करत आहेत. गुगल जेमिनी चॅटबॉटची ॲपलसोबतची भागीदारी नक्कीच गेम चेंजर ठरू शकते.

यावरही काम सुरू आहे

रिपोर्टनुसार, ॲपल आपल्या ‘Ajax’ या भाषेतील मोठया मॉडेलची चाचणी करत आहे. कर्मचाऱ्यांना ॲपल जीपीटी चॅटबॉटमध्ये प्रवेश देण्यात आल्याचा दावा करण्यात आला आहे.

असेही रंगते ‘Apple’ आणि सॅमसंगचे शीतयुद्ध

सॅमसंगने या वर्षाच्या सुरुवातीला गॅलेक्सी अनपॅक्ड इव्हेंटचा भाग म्हणून नवीन स्मार्ट रिंग-आकाराचे वेअरेबल डिव्हाइस, गॅलेक्सी रिंग लॉन्च करण्याची अधिकृतपणे घोषणा केली. 2024 च्या उन्हाळ्याच्या उत्तरार्धात विक्रीसाठी येणारी ही अंगठी युजर्सच्या हेल्थ पॅरामीटर्सवर लक्ष ठेवण्यास सक्षम असेल आणि निरीक्षण केलेल्या हेल्थ मेट्रिक्सवर आधारित अधिक माहिती प्रदान करेल त्यामुळे साहजिकच ॲपलही आता आपल्या ‘स्मार्ट रिंग’ पेटंटसाठी अर्ज करत असल्याची अफवा पसरली आहे आणि त्यात आश्चर्य नाही. सॅमसंगच्या उत्पादनाशी स्पर्धा करण्यासाठी हे उत्पादन वेळेत तयार होण्याची अपेक्षा आहे. परंतु हे जाणून आश्चर्य वाटेल की सॅमसंग किंवा ॲपल दोघेही या नवीन वेअरेबल टेक्निकमध्ये पायोनियर (सुरवात करणारे) नाहीत. ‘Oura’ ला 2015 मध्ये पहिल्या पिढीच्या रिंगसाठी किकस्टार्टर मोहिमेसह लॉन्च केले गेले.