Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
रेडमी-रियलमी नव्हे तर ही कंपनी घेऊन येतेय स्वस्त 5G Phone; कमी किंमतीत अ‍ॅमोलेड डिस्प्लेची मजा
Tecno Camon 30 सीरीज गेल्या काही दिवसांपासून चर्चेत आहे. कंपनीनं हा MWC 2024 मध्ये सादर केला आहे. Tecno Camon 30 5G आणि Camon 30 Premier 5G आता भारतीय सर्टिफिकेशनवर दिसले आहेत. म्हणजे सीरीज लवकरच भारतात देखील लाँच होऊ शकते. ग्लोबल मॉडेल पाहता Tecno Camon 30 5G मध्ये ६.७८ इंचाचा AMOLED डिस्प्ले आहे जो फुल HD+ रिजॉल्यूशन सह येतो. फोनमध्ये १२०हर्ट्झ रिफ्रेश रेट आहे. दोन्ही स्मार्टफोनमध्ये 5000mAh ची बॅटरी देण्यात आली आहे. चला जाणून घेऊया भारतीय सर्टिफिकेशनवरून फोनबाबत कोणती माहिती मिळाली आहे.
Tecno Camon 30 5G आणि Camon 30 Premier 5G भारतीय सर्टिफिकेशन साइट ब्यूरो ऑफ इंडियन स्टँडर्ड्स (BIS) वर दिसला आहे. यावरून ही सीरीज भारतात लवकरच लाँच होईल, हे स्पष्ट झालं आहे. Camon 30 5G फोन दोन मॉडेल दिसत आहेत, ज्यात CL7 आणि CL7k चा समावेश आहे. तर Camon 30 Premier 5G फोन CL9 मॉडेल नंबरसह लिस्ट करण्यात आला आहे. इथून फोनच्या स्पेसिफिकेशन्सची कोणतीही माहिती मिळाली नाही. परंतु फोन भारतात लाँच होईल हे मात्र निश्चित झालं आहे. लवकरच कंपनी घोषणा देखील करू शकते.
Camon 30 Premier 5G मध्ये LTPO AMOLED डिस्प्ले आहे जो १.५के रिजॉल्यूशनसह येतो. यात १४४हर्ट्झ रिफ्रेश रेट देण्यात आला आहे. फोनमध्ये डायमेन्सिटी ८२०० अल्ट्रा चिपसेट आहे, सोबत १२जीबी रॅम आणि ५१२ जीबी स्टोरेज देण्यात आली आहे. यात ५०००एमएएचची बॅटरी आहे आणि ७०वॉट फास्ट चार्जिंगचा सपोर्ट आहे. फोनमध्ये ५० मेगापिक्सलचे तीन कॅमेरा सेन्सर आहेत.
Tecno Camon 30 5G फोनमध्ये ६.७८ इंच AMOLED डिस्प्ले आहे जो फुल एचडी+ पॅनल आहे. हा १२०हर्ट्झ रिफ्रेश रेटसह येतो. स्मार्टफोनमध्ये ५,०००एमएएचची बॅटरी देण्यात आली आहे जी ७०वॉट फास्ट चार्जिंगला सपोर्ट करते. Camon 30 मध्ये Mediatek Dimensity ७०२० चिपसेट आहे. त्याचबरोबर ८जीबी रॅम आणि २५६ जीबी स्टोरेज मिळते. स्मार्टफोन अँड्रॉइड १४ आधारित HiOS १४ वर चालतो.
कॅमेरा डिपार्टमेंट पाहता स्मार्टफोनच्या रियर ५० मेगापिक्सलचा प्रायमरी कॅमेरा OIS सपोर्टसह येतो. तसेच यात २ मेगापिक्सलचा डेप्थ कॅमेरा आणि एक AI लेन्स देण्यात आली आहे. तसेच फ्रंटला ऑटोफोकसला सपोर्टसह ५० मेगापिक्सलचा सेल्फी कॅमेरा आहे.