३२ किंवा ६४ नव्हे फक्त १० हजारात २५६जीबी मेमरी; ‘ही’ स्मार्टफोन कंपनी करतेय जय्यत तयारी

स्‍मार्टफोन ब्रँड Realme आज भारतात एक नवीन डिवाइस Realme 12x 5G लाँच करेल. त्यामुळे अशी अफवा आहे की हा फोन १२ हजार रुपयांच्या रेंजमध्ये येऊ शकतो. हा एक एंट्री लेव्हल ५जी ‘किलर’ फोन असेल, ज्यात ४५वॉट चार्जिं‍ग सपोर्ट दिला जाईल, असा कंपनीचा दावा आहे. फोनमध्ये १२० हर्ट्झ डिस्‍प्‍ले आणि ड्युअल स्‍पीकर असे फीचर्स असतील. दरम्यान मीडिया रिपोर्टमध्ये असा देखील दावा करण्यात आला आहे की कंपनी १० हजार रुपयांच्या प्राइस रेंजमध्ये आणखी एक स्‍मार्टफोन लाँच करण्याची तयारी करत आहे.

मीडिया रिपोर्टनुसार, नवीन रियलमी फोन १० हजार रुपयांच्या प्राइस कॅटेगरी मध्ये येऊ शकतो, जो एक ४जी डिवाइस असेल. असं झाल्यास नवीन रियलमी फोन Redmi, Poco, itel सारखे ब्रँड्सना टक्‍कर देईल. रिपोर्टनुसार, नवीन रियलमी फोनमध्ये ६ जीबी रॅम दिली जाईल. २५६ जीबी इंटरनल स्‍टोरेज यात असेल. यापेक्षा जास्त डिवाइसची माहिती मिळाली नाही. विशेष म्हणजे कंपनी ४ एप्रिलला Realme C65 स्‍मार्टफोन व्हिएतनाम मध्ये लाँच करणार आहे. हाच डिवाइस भारतात १० हजार रुपयांच्या प्राइस कॅटेगरी मध्ये सादर केला जाऊ शकते.

मीडिया रिपोर्टनुसार Realme C65 स्‍मार्टफोन ६.६७ इंचाच्या एलसीडी एचडी+ डिस्‍प्‍ले सह लाँच केला जाईल, ज्यात ९०हर्ट्झ रिफ्रेश रेट असेल. फोनमध्ये मीडियाटेकचा हीलियो जी८५ प्रोसेसर दिला जाऊ शकतो. ५,०००एमएएचची बॅटरी फोनमध्ये असेल जी ४५ वॉट फास्‍ट चार्जिंगला सपोर्ट करेल. फोनमध्ये ५० मेगापिक्‍सलचा मेन रियर कॅमेरा आणि ८ मेगापिक्‍सलचा सेल्‍फी कॅमेरा दिला जाऊ शकतो. हा फोन अँड्रॉइड १४ ओएससह येण्याची शक्यता आहे. फोनमध्ये एसडी कार्डसाठी देखील स्‍लॉट मिळण्याची शक्यता आहे तसेच ३.५मिमी ऑडियो जॅक देखील दिला जाईल.

Realme 12x launch live-streaming

रियलमीचा नवाकोरा मिडरेंज स्मार्टफोन आज लाँच होणार आहे. हा लाँच इव्हेंट थेट प्रक्षेपित केला जाईल. या इव्हेंटची सुरुवात दुपारी १२ वाजता केली जाईल. याचं थेट प्रक्षेपण कंपनीच्या अधिकृत वेबसाइटवर केलं जाईल.