Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Motorola Edge 50 Pro स्मार्टफोन आज म्हणजेच ३ एप्रिल २०२४ रोजी भारतीय बाजारात लॉन्च करण्यात आला आहे. कंपनीने हा प्रीमियम फोन AI पॉवर्ड फीचर्ससह बाजारात आणला आहे. ई-कॉमर्स वेबसाइट फ्लिपकार्टच्या माध्यमातून या स्मार्टफोनची विक्री केली जाणार आहे. यात १४४Hz रिफ्रेश रेट असलेला डिस्प्ले देखील देण्यात आला आहे. फोन क्वालकॉम स्नॅपड्रॅगन प्रोसेसरने सुसज्ज असणार आहे. या फोनची किंमत आणि सर्व स्पेसिफिकेशन्सकडे एक नजर टाकूया
Motorola Edge 50 Proची किंमत
Motorola Edge 50 Pro स्मार्टफोन दोन मॉडेल्समध्ये उपलब्ध राहणार आहे. ८GB रॅम आणि २५६GB स्टोरेज सह याच्या व्हेरिएंटची किंमत ३१,९९९ रुपये आहे. १२GB रॅम आणि २५६GB स्टोरेजसह टॉप व्हेरिएंट ३५,९९९ रुपयांना लॉन्च करण्यात आले आहे.
HDFC बँकेच्या कार्डांवर २२५० रुपयांपर्यंतची कॅशबॅक ऑफर देखील उपलब्ध आहे. यासह ग्राहकांना मोठी सवलत मिळणार आहे. याशिवाय २००० रुपयांचा अतिरिक्त एक्सचेंज बोनसही मिळणार आहे. इ-कॉमर्स वेबसाईट फ्लिपकार्ट आणि मोटोरोलाच्या अधिकृत वेबसाइटवर ९ एप्रिलपासून स्मार्टफोनची विक्री सुरू होणार आहे. या स्मार्टफोनमध्ये मून लाइट पर्लचे लिमिटेड एडिशन देखील खरेदी करता येणार आहे. ८ एप्रिल रोजी संध्याकाळी ७ वाजता लाईव्ह कार्यक्रमात हा स्मार्टफोन लॉन्च होईल.
स्मार्टफोनचे फिचर्स
मोटोरोला कंपनीच्या या नवीन स्मार्टफोनमध्ये ६.७ इंचाचा पोलेड डिस्प्ले देण्यात आला आहे. या स्मार्टफोनमध्ये १.५K पिक्सेल रिझोल्यूशनसह १४४hZचा रिफ्रेश रेट बघायला मिळेल. फोन स्टाइल सिंक AI जनरेटिव्ह थीमिंग मोड आणि व्हिडिओसाठी AI अडॅप्टिव्ह स्टॅबिलायझेशनसह लॉन्च करण्यात येणार आहे. बेस्ट क्वालिटी सेल्फी आणि व्हिडिओ कॉलिंगसाठी फोनमध्ये ५०MP फ्रंट कॅमेरा देण्यात आला आहे. तर मागील बाजूस ५०MP मुख्य कॅमेरा, अल्ट्रा वाइड अँगल सेन्सर आणि १०MP ३x टेलीफोटो लेन्स आहे. याशिवाय हा फोन Qualcomm Snapdragon ७ Gen ३ प्रोसेसरसह लॉन्च होईल. या स्मार्टफोनला १२५W वायर्ड आणि ६८W टर्बो चार्जिंग सपोर्ट असणार आहे. यात ४५००mAh बॅटरी आहे. एका चार्जवर ती ३० तास हा स्मार्टफोन चालेल असा दावा कंपनीने केला आहे. तसेच, या स्मार्टफोनमध्ये मानवी डोळ्यांची काळजी घेत SGS देण्यात आले आहे. इन-डिस्प्ले फिंगरप्रिंट सेन्सरसह स्टिरिओ स्पीकरसारखे व्हॅल्यू ऍड करणारे फिचर्स या मोबाईलमध्ये मिळतील.