10 सोप्या स्टेप्समध्ये करा तुमचा पासवर्ड सुरक्षित; जाणून घ्या स्टेप बाय स्टेप ट्रिक्स आणि डिटेल्स

डिजिटल युगात, जिथे प्रत्येक काम ऑनलाइन केले जात आहे, तिथे ऑनलाइन घोटाळे आणि हॅकिंगच्या घटना वाढत आहेत. अशा परिस्थितीत तुमचे खाते सुरक्षित ठेवण्यासाठी तुम्हाला काही गोष्टींची विशेष काळजी घ्यावी लागेल. सध्या सर्वच कामे ऑनलाइन झाली आहेत.ऑनलाइन पेमेंटपासून ते ऑनलाइन शॉपिंगपर्यंत आपल्याला वेगवेगळे अकाउंट्स तयार करावे लागतात. साहजिकच, जर ऑनलाइन अकाउंट तयार केले गेले तर त्यांचा पासवर्ड देखील सेट करावा लागेल. अनेकदा आपण आपल्या ऑनलाइन अकाउंटचा पासवर्ड तयार करण्यात निष्काळजी असतो, ज्यामुळे आपल्याला मोठ्या समस्यांना सामोरे जावे लागते. ऑनलाइन फसवणूक आणि घोटाळे मोठ्या प्रमाणात वाढले आहेत. तुमचा पासवर्ड हॅक करून स्कॅमर तुमच्या खात्यात सहज प्रवेश मिळवतात.

नेहमी लक्षात ठेवा या 10 गोष्टी

1. पासवर्डमध्ये मल्टी-फॅक्टर ऑथेंटिकेटर (2FA) समाविष्ट करणे आवश्यक आहे.
2. वेगवेगळ्या खात्यांसाठी एकच पासवर्ड वापरू नका.
3. तुमचे नाव, जन्मतारीख किंवा तुमच्या जोडीदाराच्या नावावर आधारित पासवर्ड तयार करू नका.
4. तुमच्या खात्याचा पासवर्ड नियमितपणे बदलत राहा.
5. खात्याचा पासवर्ड सेट करताना कॉम्बिनेशन कॅरेक्टर्स वापरणे आवश्यक आहे, यामध्ये अल्फाबेट,नंबर्स व स्पेशल कॅरेक्टर्स समाविष्ट हवे.
6. फॅन्सी शब्द पासवर्ड म्हणून वापरणे टाळा.
7. मेल किंवा मेसेजमध्ये मिळालेल्या संशयास्पद लिंकवर कधीही क्लिक करू नका.
8. असे पासवर्ड तयार करा की, इतर कोणत्याही व्यक्तीला त्याचा अंदाज लावणे शक्य होणार नाही.
9. लहान आणि सोप्या शब्दांना तुमच्या खात्याचा पासवर्ड बनवू नका.
10. प्रत्येक सेशननंतर तुमच्या खात्यातून लॉग आउट करायला विसरू नका.

10 सर्वात कमकुवत पासवर्ड

‘NordPass’ च्या ताज्या अहवालात अशा 10 पासवर्डची यादी जाहीर करण्यात आली आहे, जे जागतिक स्तरावर मोठ्या प्रमाणावर वापरले जातात. हे पासवर्ड सहज हॅक होऊ शकतात. अशा परिस्थितीत तुमचा पासवर्ड देखील यापैकी एक असेल तर लगेच तुमचा पासवर्ड बदला.

1. 123456
2. admin
3. 12345678
4. 123456789
5. 1234
6. 12345
7. password
8. 123
9. AA 123456
10. 1234567890