भारतात येतोय Realme चा स्वस्तात मस्त फोन; वेबसाइटवर झाला लिस्ट

Realme एका नवीन सी-सीरीज स्मार्टफोनवर काम करत आहे. अलीकडेच Realme नं Realme C65 व्हिएतनाममध्ये सादर करण्यात आला होता आणि आता असं वाटत आहे की ब्रँड भारतीय बाजारसाठी एक आणि C-सीरीज मॉडेलवर काम करत आहे. Realme C63 मध्ये ५० मेगापिक्सलचा प्रायमरी कॅमेरा दिला जाईल. आगामी रियलमी फोनमध्ये ५००० एमएएचची बॅटरी मिळू शकते. इथे आम्ही तुम्हाला Realme C63 चे फीचर्स आणि स्पेसिफिकेशन्स सांगणार आहोत.

Realme C63 चे स्पेसिफिकेशन्स

Realme नं अलीकडेच Realme C65 सादर केला होता, ज्याचा मॉडेल नंबर RMX3910 होता. अलीकडेच BIS प्लेटफर्मनं Realme C63 चा खुलासा केला आहे जो RMX3939 मॉडेल नंबरसह आला आहे. या सर्टिफिकेशन डेटाबेसमधून जास्त माहिती मिळाली नाही. याआधी आलेल्या TUV सर्टिफिकेशनवरून समजलं होतं की हा ४,८८०एमएएचच्या बॅटरी पॅकसह येईल जो ५,०००एमएएचचा सेल म्हणून येईल.

आगामी Realme C63 फोन ४५W वायर्ड फास्ट चार्जिंग सपोर्टसह येण्याची शक्यता आहे. कॅमेरा FV-५ लिस्टिंगनुसार, Realme C63 च्या मागे एफ१.८ अपर्चरसह ५० मेगापिक्सलचा प्रायमरी कॅमेरा आहे. तसेच फ्रंटला ८ मेगापिक्सलचा सेल्फी कॅमेरा आहे. FCC लिस्टिंगनुसार हा डिवाइस अँड्रॉइड १४ ऑपरेटिंग सिस्टमवर आधारित रियलमी युआय ५.० कस्टम स्किनवर चालू शकतो. Realme C63 वीगन लेदर आणि पॉलीकार्बोनेट रियर पॅनल ऑप्शनमध्ये लाँच होऊ शकतो. डायमेंशन पाहता, स्मार्टफोनची जाडी फक्त ७.७९ मिमी आणि याचे वजन १९१ ग्राम आहे. येत्या काळात स्मार्टफोन बाबत जास्त माहिती समोर येऊ शकते.

अलीकडेच आलेला Realme C67 5G

Realme C67 5G मोबाइलमध्ये ६.७२-इंचाचा FHD+ IPS LCD देण्यात आला आहे. जो १२०हर्ट्झ रिफ्रेश रेट, १८० हर्ट्झ टच सॅम्पलिंग रेट, २४०० X १०८० पिक्सल रिजोल्यूशन, ९१.४० टक्के स्क्रीन-टू-बॉडी रेशियो आणि ६८०निट्स ब्राइटनेस मिळते. हा नवीन फोन अँड्रॉइड १३ आधारित रियलमी युआय ४.० वर चालतो. स्मार्टफोनमध्ये ब्रँडनं मीडियाटेक डायमेन्सिटी ६१००+ चिपसेट दिला आहे. त्याचबरोबर ग्राफिक्ससाठी माली जी५७ एमसी२ जीपीयू जोडण्यात आला आहे. सोबत ६जीबी रॅम आणि १२८जीबी स्टोरेज देण्यात आली आहे. त्याचबरोबर ६जीबी पर्यंत डायनॅमिक रॅमचा सपोर्ट पण आहे.

कॅमेरा फीचर्स पाहता Realme C67 मध्ये ड्युअल रियर कॅमेरा सेटअप आहे. ज्यात ५०मेगापिक्सलचा प्रायमरी कॅमेरा आणि २मेगापिक्सलचा पोर्ट्रेट कॅमेरा आहे. तसेच, सेल्फी आणि व्हिडीओ कॉलिंगसाठी ८मेगापिक्सलचा फ्रंट कॅमेरा आहे. Realme C67 5G मध्ये ५,०००एमएएचची बॅटरी आहे जी ३३वॉट फास्ट चार्जिंगचा सपोर्ट आहे. कनेक्टिव्हिटीसाठी ड्युअल सिम ५जी, ४जी एलटीई, वायफाय, ब्लूटूथ ५.२ आणि यूएसबी टाइप-सी पोर्ट मिळतो.