Instagramनंतर आता WhatsAppमध्ये देखील येईल Meta AIचॅटबॉट, युजर्ससाठी ठरेल फायदेशीर जाणून घ्या कसे

Meta Instagram AI: आर्टिफिशियल इंटेलिजन्स (AI) तंत्रज्ञान विकसित झाल्यापासून माणसांच्या मनात एक भीती निर्माण झाली आहे की ती आपल्या नोकऱ्या हिरावून घेऊ शकते. मात्र अनेक दिग्गज कंपन्यांनी याबाबत पुढे येत स्पष्टीकरण दिले आहे. मानवाचा मेंदू अफाट सक्रियतेने काम करतो. कुठल्याही तंत्रज्ञानाला मानवी मेंदूची बरोबरी करणे अशक्य आहे. मोबाईल, लॅपटॉपसह अनेक डिवाईसेसमध्ये AIची एंट्री झाली आहे. आता मेटा देखिल यापासून मागे राहिलेले नाही. कंपनी जगभरात मेसेंजिंगसाठी सर्वाधिक वापर होणारा प्लेटफॉर्म Whatsappमध्ये देखील AI फिचर लाँच करेल. नेमकं कसं असेल हे फिचर जाणून घ्या.

AI चॅटबॉट अशी करेल युजर्सची मदत

१. मेटाचा हा AI चॅटबॉट तुम्ही विचारलेल्या प्रश्नांची अचूक उत्तरे देण्याचा प्रयत्न करेल व नवीन गोष्टी शोधण्यात तुमची मदत करेल
२. या चॅटबॉटच्या मदतीने तुम्ही गेम्स, फूड तसेच इतरत्र गोष्टींबद्दल माहिती घेऊ शकतात.
३. तसेच, तुम्ही देखील हा चॅटबॉट सुधारण्यात महत्त्वाचे योगदान देऊ शकतात. फीडबॅकच्या मदतीने तुम्हाला तुमचे मत मांडता येईल

AI चॅटबॉटचा इन्स्टाग्रामवर कसा वापर करावा?

१. सर्वप्रथम तुमच्या मोबाईलमध्ये इन्स्टाग्राम अपडेट करा
२. यानंतर, हे ऍप उघडून होमस्क्रीनवर खाली देण्यात आलेल्या सर्च बटणवर क्लिक करा
३. तुमच्या मोबाईलमध्ये हे फिचर अपग्रेड झाल्यास सर्च बारमध्ये तुम्हाला एक निळ्या रंगाची रिंग दिसेल.
४. या रिंगवर टॅप करुन तुम्ही आधी तुमचा माईक सुरु असल्याची खात्री करा व यानंतर तुम्ही AIला प्रश्न विचारू शकतात
५. तुमच्या आवडीप्रमाणे REEl बघायचे असल्यास हे AIफिचर तुम्हाला मदत करेल.

व्हॉट्सऍपवर येईल मेटा AI

व्हॉट्सऍपवर देखील युजर्सला हे फिचर आता वापरता येईल. तेथेही खाली कोपऱ्यात निळ्या रंगाची रिंग दिसेल. येथे टॅप केल्यास एक नवीन विंडो उघडेल. आता युजर्स या AI फिचरचा अनुभव घेऊ शकतात. रिपोर्ट्सनुसार सध्या हे फिचर फक्त काही देशांमध्ये वापरासाठी उपलब्ध करून देण्यात आले आहे. लवकरच हे फिचर जगभरातील सर्व युजर्ससाठी उपलब्ध करुन दिले जाईल.