Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Motorola Edge 50 Pro नंतर कंपनी आता या सीरिज मधील मोठा फोन Edge 50 Ultra लाँच करण्याची तयारी करत आहे. बातमी अशी आहे की हा स्मार्टफोन १६ एप्रिलला सादर केला जाऊ शकतो. फोनबद्दल बरीच माहिती याआधी समोर आली आहे. आता या स्मार्टफोनचे अनेक स्पेसिफिकेशन्स लाँच पूर्वीच ऑनलाइन लीक झाले आहेत. फोनमध्ये OLED डिस्प्ले असेल जो १४४ हर्ट्झ रिफ्रेश रेटला सपोर्ट करेल. मागे ५० मेगापिक्सलचा मेन कॅमेरा दिला जाऊ शकतो. चला जाणून घेऊया याची माहिती.
Motorola Edge 50 Ultra याच आठवड्यात लाँच होऊ शकतो. फोन १६ एप्रिलला सादर होईल अशी चर्चा आहे. त्याआधी चीनच्या प्रसिद्ध टिपस्टर DCS नं याचे अनेक स्पेसिफिकेशन्स जगासमोर ठेवले आहेत. फोनमध्ये OLED डिस्प्ले असेल असं सांगण्यात आलं आहे ज्यात १४४ हर्ट्झ रिफ्रेश रेट असेल. याच्या बिल्ड बाबत सांगण्यात आलं आहे की हा मिडल मेटल फ्रेमसह येईल तर बॅक पॅनल ग्लासचा असेल. याचा रियर मेन कॅमेरा ५० मेगापिक्सलचा असेल ज्यात १/१.३ इंचाचा मोठा सेन्सर मिळू शकतो. कॅमेरा सेटअपमध्ये तीन लेन्स असतिल. सेकंडरी लेन्स पेरिस्कोप टेलीफोटो लेन्स असेल. यात ३.२x ऑप्टिकल झूम मिळेल.
फोनमध्ये Snapdragon 8s Gen 3 चिपसेट मिळू शकतो. हा एक नवीन प्रोसेसर आहे जो क्वॉलकॉमनं अलीकडेच लाँच केला आहे. तसेच या फोनची गीकबेंच लिस्टिंगमध्ये समोर आले आहे की हा १२ जीबी रॅमसह बाजारात येणार आहे. फोनच्या गीकबेंच स्कोर्स पाहता, याला सिंगल कोर मध्ये १९४७ पॉइंट्स मिळाले आहेत तर मल्टी कोर टेस्टमध्ये ५१४९ पॉइंट्स स्कोर केले आहेत.
डिव्हाइसमध्ये ४५००एमएएचची बॅटरी असण्याची शक्यता आहे. त्याचबरोबर १२५वॉट फास्ट चार्जिंग फीचर असेल. हे वायर्ड चार्जिंग फीचर आहे. वायरलेस चार्जिंगसाठी फोन ५०वॉट फीचरला सपोर्ट करू शकतो.
Motorola नं एक नवीन लो बजेट मोबाइल फोन Moto G40s हा स्मार्टफोन जर्मनीमध्ये लाँच केला आहे. मोटो जी०४एस मध्ये १६१२ x ७२० पिक्सल रिजोल्यूशन असलेला ६.५६ इंचाचा एचडी+ आयपीएस एलसीडी डिस्प्ले आहे. जो ९०हर्ट्झ रिफ्रेश रेट, गोरिल्ला ग्लास ३ सह आला आहे. फोटोग्राफीसाठी Moto G40s च्या मागे ५० मेगापिक्सलचा सेन्सर आहे. तसेच सेल्फी आणि व्हिडीओ कॉलिंगसाठी फोनमध्ये ५ मेगापिक्सलचा फ्रंट कॅमेरा देण्यात आला आहे.
मोटो जी०४एस स्मार्टफोन अँड्रॉइड १४ आधारित माययूएक्सवर लाँच झाला आहे. प्रोसेसिंगसाठी यात यूनिसोक टी६०६ ऑक्टाकोर प्रोसेसर आहे. Moto G40s ४जीबी रॅम आणि ६४जीबी इंटरनल स्टोरेजसह आला आहे जी मायक्रोएसडी कार्डने वाढवता येते. पावर बॅकअपसाठी मोटोरोला स्मार्टफोन मोटो जी०४एस मध्ये ५,०००एमएएचची बॅटरी १५वॉट फास्ट चार्जिंगसह देण्यात आली आहे.