६०००एमएएचच्या राक्षसी बॅटरीसह येतोय Vivo चा 5G Phone; किंमत असेल परवडणारी

Vivo लवकरच बाजारात एक नवीन स्‍मार्टफोन लाँच करू शकते. जो Vivo Y200i नावाने येऊ शकतो, ज्याचा मॉडेल नंबर V2354A आहे. अपकमिंग फोन चायना टेलिकॉम वेबसाइटवर दिसला आहे. यावरून फोनच्या डिजाइन आणि स्‍पेक्‍सची माहिती मिळते. लक्षात असू दे कंपनीनं गेल्यावर्षी ऑक्टोबरमध्ये Vivo Y200 स्‍मार्टफोन लाँच केला होता. नवीन मॉडेलमध्ये काही बदल दिसू शकतात. ज्यात Snapdragon 4 Gen 2 चा समावेश असेल.

Vivo Y200i Price

मीडिया रिपोर्टनुसार, Vivo Y200i ची किंमत १७९९ युआन (जवळपास २१,१५६ रुपये) पासून सुरु होईल. ही ८ जीबी रॅम आणि २५६ जीबी मॉडेलची किंमत असू शकते. १२ जीबी रॅम आणि २५६ जीबी स्‍टोरेज असलेल्या मॉडेलची किंमत १८९९ युआन (जवळपास २१,९०१ रुपये) असेल. फोनची अधिकृत लाँच डेट अद्याप समोर आली नाही.

Vivo Y200i Specifications

Vivo Y200i मध्ये ६.७२ इंचाचा डिस्‍प्‍ले असेल, ज्याचे रेजॉलूशन २४०८ x १०८० पिक्‍सल्‍स असू शकते. परंतु विवोनं याबाबत कोणतीही कन्‍फर्मेशन दिले नाही. फोनचे वजन २०० ग्राम पेक्षा कमी असण्याची शक्यता आहे. वर म्हटल्याप्रमाणे हा फोन Snapdragon 4 Gen 2 प्रोसेसरची ताकद दिली जाऊ शकते.
कंपनी ८ जीबी आणि १२ जीबी रॅमसह Vivo Y200i सादर करू शकते. फोनच्या मागे ड्युअल कॅमेरा सिस्‍टम दिली जाईल. मेन सेन्सर ५० मेगापिक्‍सलचा असेल तसेच यात २ एमपीचा डेप्‍थ सेन्सर दिला जाऊ शकतो. फ्रंटला ८ मेगापिक्‍सलचा कॅमेरा मिळेल. हा फोन ६००० एमएएचच्या बॅटरीसह येऊ शकतो, जो टाइप-सी पोर्टनं चार्ज होईल.

अपकमिंग विवो स्‍मार्टफोन गीकबेंच आणि ३सी स‍र्टिफ‍िकेशन वेबसाइटवर देखील दिसला आहे. तिथे देखील या फोनमध्ये Snapdragon 4 Gen 2 प्रोसेसर असेल असं सांगण्यात आलं होतं म्हणजे हे स्‍पेक्‍स कन्‍फर्म असू शकतात. असं झाल्यास हा Vivo Y200 पेक्षा अपग्रेडेड मॉडेल ठरू शकतो. कारण जुन्या फोन मध्ये Snapdragon 4 Gen 1 प्रोसेसर देण्यात आला होता.